جولد كوست المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
sfsf
03-09-2022 - 05:55 pm
افكر اسافر لاستراليا بس من ماليزيا بس ما ادري عن الفيزه تطول ولا لا
واذا في بالي بروح لسدني وجولد كوست بس هل بينهم مطار ولا نروح بالسياره ولا كيف يعني هل في جولد كوست مطار دولي يرجع لماليزيا ولا لا
وهل يكفي 5ايام لسدني 5ايام لجولدكوست
انتظر الرد
مشكورين


التعليقات (6)
saroona989
saroona989
مرحبا للجميع .. أعتقد انك تقدر تروح أستراليا بالماليزية والأسترالية بس الاسترالية أحسن لأنها كبيرة وخدماتها أحلى وتقريبا المسافة 8 ساعات أما بالنسبة لسيدني يكفيها 5 أيام بس جولد كوست والله أنا قعدت فيها 10 أيام وما كفتني و إنشالله هالسنة إذا رحت أفكر أقعد على الأقل 12 يوم لأنها حلوه ورحلاتها وايد وبحرها روعة صج في ناس ما عجبتهم بس بصراحة غير عن سيدني لأنها ساحلية وبصراحة حتى قعدات السيرفس بردايس ترد الروح وتصلح حق عوايل ومعاريس وبالنسبة للسفر من سيدني إلى جولد كوست أنا رحت بطيارة تقريبا ساعة وربع بس تنزل في منطقة اسمها برزبين وبعدين تاخذ تاكسي أو باص وتروح جولد كوست المسافة بينهم تقريبا ساعة

sfsf
sfsf
شكرا وجزاك الله خير
وانتظر المزيد

فتى الشرقية
فتى الشرقية
حياك الله اخوي sfsf
بالنسبه للمده، مثل ماقالت الاخت، 5 ايام كافيه لسيدني بس جولد كوست لازم 10 ايام على الاقل.
اذا انت محكوم باجازه معينه وما عندك غير 10 ايام، ممكن تخليها كلها في جولد كوست لان فيها كل شي.
مع ان سيدني لها طابع خاص ، واللي ما يزورها، من وجهه نظري، ما كأنه راح استراليا!
ما انصحك تروح من سيدني الى جولد كوست بالسياره، لأن المشوار حوالي 10 ساعات.
الفيزا تاخذ من اسبوعين الى شهر
ممكن تتصل بسفريات كانو وهم يعطونك التفاصيل
تحياتي

sfsf
sfsf
مشكورين وجزاكم الله خير
لكن 5 ايام ماتكفي للجولد كوست
وياليت تعطونا اقتراحاتم لقضاء 5 ايام في القولد كوست

saroona989
saroona989
مرحبا بصراحة 5 أيام مدة مو عاجبتني كلش شرايك تخلي سيدني 3 أيام و 7 جولد كوست لأنها أحلى والرحلات فيها تحتاج يوم كامل و أنصحك تروح :.
1- موفي وورلد :. بصراحة رحة عجيبة تطلع وانت حاس كأنك بباي
2-دريم وورلد :. حلوة بس كلها ألعاب غريبة وفيها بعد حديقة حيوان حلوه
3-سي وورلد
4--عالم الفواكة الاستوائية
5-رحلة البردايس كنتري :. رحلة حلوة تشوف فيها الكوالا والكنغر وتشوف الريف الحلو والطبيعة اللي ما عندنا منها وفيها بعد رحلة غدا
طبعا الرحلات السابقة كلها تحتاج يوم كامل من الصبح لما المغرب وفي مكاتب رحلات وايد بالسيرفس بردايس منها مكتب لاوند وهو على فكرة مكتب اماراتي وفيه جمعية اسلامية صغيرة فيها لحم أو دياي وطبعا إذا رديتو من الرحلات السابقة تقعدون بالفندق شي ساعة وبعدين تكشخون وتروحون السرفس بردايس وتقعدون بالكافيهات طبعا في أشياء حلوة مثل الباص البرمائي ومكانه عند بوتيك لويس فيتون بس أنصح بالرحلة قبل لا تغيب الشمس وعندكم بعد متحف صدق أو لا تصدق و لعبة المتاهات ( انفنتي ) ومكانه عند ستاربكس كافيه بصراحة حلوه بس نصيحة لا اطوف قعدات السيرفس على فكرة كل يوم معة يسون سوق لشغلات اليدوية على البحر
بس هم المدة صغيرة

sfsf
sfsf
مشكورين وجزاكم الله خير وشكرا


خصم يصل إلى 25%