أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
بغيت اسال شلون الوضع خصوصا انه تطورات مخيفه مع هالمرض نبي
نعرف لانه حاجزين بالعيد بس الاخبار مخربه علينا حماسنا للسفره
شنسوي نكنسل ولا كل شي طبيعي هناك ومجرد اعلام يزود؟
هذا الكلام اللي بقوله الحين مو كلامي كلام زوج اختي دكتور باطنيه ... الوضع مخيف اكثر من الصيف وشهر 6 و7 و8 لان فايروس المرض نفسه تتكاثر في فتره الشتاء ومع بروده الجو والمرض خطير بالنسبه للاطفال خصوصا فتره الشتاء عندنا بالكويت حالات وفيات ياجماعه على فكره انا وزوجي حجزنا على القطريه ناوين نروح ميلانو بالعيد بس خلاص كنسلت عشان اولادي اطفال حرام ارجع وانا حاملتلهم الفايروس والناس اجناس وهذي وجهه نظري كأم والسفر والله لاحقين عليه ياجماعه ننطر على الاقل التطعيمات (اللقاحات) و الله يحفظنا ويحفظ عيالنا والمسلمين كلهم يارب
السلام عليكم الى كل اللى يسالون عن لندن وعن المرض انا توني واصله لي 5 ايام
والله ماصادفنا اي متاعب ولا كشف لا بالمطار والا باي مكان وانا ماني مطمنتكم بس كذا شئ شفته بنفسي
ولمسته من وجودنا فلندن وباريس واللي حاجز يتوكل على الله ويسافر وينبسط وياليت تاخذوني معكم
تراى انا رايحه ومعي بنتي عمرها سنه و9 شهور واتمنى لكم السلامه
السلام عليكم جميعا ...
انا ابصراحه حدي محتارة من كلام الناس عن المرض ناويه اروح لندن بالعيد ان شاء الله ......
بس اهلي توهم رادين من 4دول وكلهم اوربا مافي ولا احد قال ان في تفتيش بالمطارات ولا كاميرات يعني بس الخبه بالخليج عندنا والحين اشوف موضوعكم وحدي محتارة
بس الله يستر لان معاي بنتي الصغيره