الجزر السياحية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
red strawberry
12-12-2022 - 09:38 pm
  1. السلام عليكم جميعا ,,


السلام عليكم جميعا ,,

احب ان اشارك الجميع رحلتي الصيفيه المالديفية الرحلة كانت على الخطوط الجويه الاماراتيه اخذنا باكج شامل تذاكر سفر على الدرجة الاولى + الاقامة في منتجع الفورسيزن لاندا قيرافارو (( الفور سيزن الجديد)) 4 ليالي مع المواصلات الطائرة المائيه + الاقامه في دبي 4 ليالي في فندق الانتركونتيننتال فستيفل ستي
اقمت ليلتين منفرديتن في المالديف في فندق خارج الباكج وهو بنيان تري لكن تقلصت المده الى ليله وحده و الاسباب سوف اذكرها فالتقرير
اوقات الرحلة الى المالديف كانت صعبه شوي يعني كان لابد يكون فيها تعب مع ان الرحلة قصيره يعني لازم يصير في الساعه 3 الفجر مثلا كان في خيار ان نطلع من البحرين الى دبي 3:50 فجرا و بعدين10:20 دبي مالي او تطلع من البحرين 5:50 دقيقه مساء و تطلع من دبي 3:25 يعني فالحالتين مافي نوم فقررت اطلع من بيتي هالوقت ارحم
طلعنا للمطار الساعه 2:30 بعد ما طرشنا الشناط قبلنا عشان نرتاح اكبر وقت ممكن فالبيت
على عادتها طيران الامارات طارت على موعدها و عندهم نظام جديد مسوينه عشان رحلات المتابعه البوابه تغلق قبل 35 دقيقه و لا يقبل الصعود للطائره قبل 15 دقيقه من موعدها عشان تطير في موعدها ورحلات المتابعه ما يتبهدلون و الصراحه هالشي عجبني
صعدنا على الطائرة و كنت كل شوي اطالع الشباك و اشوف الشمس وهي تطلع شوي شوي و الصراحه كان منظر حلو

وبما ان الرحله مدتها قصيره ما ان اقلعت الطياره الا قدمو لنا وجبة الريوق (( الافطار بما تسمونه))

وصلنا دبي و توجهنا لقاعه الدرجة الاولى و النوده ضاربه حدها لكن بعد ما نمت تمسكت عشان ماحب انام الا بالطقوس يعني اكون مرتاحه ههه و مستقره
القاعه حلوة و كبيره و مرتبه و موجوده في مبنى خاص لطيران الامارات في مطار دبي الدولي فيها جميع انواع الجلسات و الاطعمه غير المطاعم والكوفي شوبات تحس كانه مجمع ماهي قاعه

و بعد انتظار نادونا للصعود الى الطائرة ,,, اووف ما بغينا بصراحه تعبت و اول ما طلعنا من القاعه ,, قمت ادور البوردنغ كارد ما لقيته اسال زوجي وينه يقول مادري بغينا نجن اتاريه نساه يوم ينسدح بالكرسي قبل لا يروح للبزنس سنتر و يقعد على النت ورجعنا ندوره ما لقيناه قلبت جد الطياره عقب دقايق و البوابه بعيده ,, قلنا لموظفة الاستقبال كلمت الطياره عشان تخبرهم اننا جايين و طلعت لنا بدالهم و قالت لي هالمره حطيهم في شنطتج
ركبنا الطياره بعد طول عناء و ضغط اعصاب وقلت الله يستر بس
بعد ما طارت الطياره نمت و ما قدرت اكابر بس للاسف نمت الا ساعتين بس احسن ما ماميش ,, بعد شوي بدأت الطائرة الهبوط التدريجي و ابتديت اشوف الجزر و الماايا و الهوى

اخيرا حطت الطائرة وكانت درجة الحراره 28 ,, بصراحه اول مره اسافر منطقه شرق العالم تعودت اصيف في ديره ابرد من كذا بس هالمره حبيت اسويها ديرة استجمام و راحه يعني ابي شي غيرنزلنا المطار وشفت النرسات متلثمين و يعطونا ورقة و هذه آثار فلونزا الخنازير ذبحونا ههه حتى فالمالديف و هذا اللي خلانا نتوجه للمالديف عشان مكان مفتوح وما فيه مشاكل صحيه ولا فلونزا و لاوجع قلب
بس كان كل اللي يبونه ورقة تمليها اذا حد يكح او حد فيه مشكله صحيه و رقم الرحله و خلاص يعني دقايق و طلعنا من المطار البسيط و لقينا مندوب الفندق ينتظرنا واخذنا فالسيارة الى مطار الطيارات المائيه اللي يبعد بالسياره دقايق عن مطار طيارات الهوا
و للتقرير بقية ,,,,,,,,


رحلتي الى الجزر السياحية
التعليقات (8)
((المغامسي))
((المغامسي))
تقرير رائع منذ البداية
بأكون متابع للتقرير
ونحمد الله علي سلامتكم

حلمي المالديف
حلمي المالديف
مآشآءآلله تبآرك آلله ولآقوة إلآبآلله
متآبعه لكِ آختي آلغآلية
آلله يجعل حيآتك كلهآ سعآده يآرب
آختك
حُلُمِي آلمَآلدِيِفْ

أموت ع السفر
أموت ع السفر
ماشا الله بعد تقرير رائع متعك الله بصحتك

yazeed hhh
yazeed hhh
مشاء الله موفقين يارب
في أنتظار ماتبقى ,,

HAAAAD
HAAAAD
الحمد لله على السلامة
عودا حميدا
شكرا على مشاركتنا و بانتظار المزيد
تقبل مروري
دمت بود

red strawberry
red strawberry
اشكركم جميعا على المرور و والتعقيب ,, و انشالله يعجبكم ما تبقى من التقرير

عنود الرفاع
عنود الرفاع
بدايه جميله متابعينك

red strawberry
red strawberry
نكمل التقرير ,,,
بعد ما وصلنا الى مطار الطيارات المائية ,, و جلسنا في القاعه الخاصه بمنتجع الفورسيزن و انتظرنا عشان ينادونا للرحلة ,, في هذه الاثناء ضيفونا بعصير مادري وش طعمه بس اللي ادري انه بارد

,, وخذ منا الموظف الجوازات عشان يتم باقي الاجراءات و عقب دقايق نادونا للصود الى الطائرة

الرحلة كانت حلوة فوق ما كنت متصوره , يحس الواحد كانه في (( مع عدنان ولينا )) ههه الطياره كأنها لعبه لا انت بالجو مرتفع ولا انت بالبحر يعني ارتفاعها متوسط تقدر تشوف كل المنتجعات اللي تمر فيها و بصراحه كانت مريحة جدا ,, و آمنه ,, (( اول ما قالولي ان الفندق يبي له طيارة مائيه خفت لاني ماجربتها قبل بس تجربتها كانت جدا مسلية))
بعد 25 دقيقه و يمكن اقل الصراحه ما حسيت بالوقت لان الرحلة كانت ممتعة وصلنا لمحطتنا اخيرا (( الفور سيزن لاندا قيرافارو)) وهذي صورة جوية للمنتجع قبل هبوط الطائرة

وصلنا اخيرا بعد يوم وليله من طياره لي سياره لي طياره الى طراد (( اللي تسمونه البوت السريع)) ياخذك من المكان اللي تهبط فيه الطائرة الى الفندق ,, وشفت الفندق كان العصر و كان الجو حلو و الصراحه انبهرت باللي شفته يا جماعة ترا الصور تظلم المالديف الحقيقه احلى بوايد ,, لون البحر الفلل الاشجار شي عجيب ,, سبحان الله
وصلنا و كان في موظف معانا استقبلنا و وصلنا الى الاستقبال اللي كان مفتوح على الهواء الطلق وهذي صورة و البحر من خلفك و الاستقبال من امامك

اول ما وصلنا لقينا موظفة الاستقبال ماسكه بيدها باقة ورد و تعطيني اياها و تقولي (( هبي هاني مون)) شقيت الحلج و استانست و قلت لها (( ثانكيو )) ههه و ماكان شهر عسل ههه بس كتبنا لهم ايميل نطلب تغيير من فيلا شاطئية الى مائيه و قالو انها غير موجوده و قلنا لهم طيب حنا جايين شهر عسل دوروا لنا هني ولا هني وطبعا لقوا لنا الحمدلله و كان تغيير موفق ,, بعد باقة الورد جابو لنا عصير جوز الهند العجيب ,, اللي عطشان يسمي ويشرب

و بعد هذا جانا مدير الفندق سويسري يبارك لنا و طبعا ,, تممنا عليه وقلنا الله يبارك فيك ,, وطبعا فيلتنا المائية كانت جاهزه ووصلنا بسياة الغولف الصغيره و كنت ما اصدق اللي اشوفه بعيني , عجب عجب عجب

وللتقرير بقية ,,,


خصم يصل إلى 25%