المدينة المنورة المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ronaldo4ever
01-09-2022 - 11:28 am
السلام
نود الذهاب للمدينة المنورة ، وطبعاً الرحلة صارت بشكل مفاجئ
اللي أطلبه منكم هو الطريق بالتفصيل من الخبر للمدينة المنورة ، وهل مزدوج ووممتاز ؟
وأتمنى التوضيح بالنسبة للمسافات والنقاط وأفضل الطرق ، أهم شي مزدوج ، ولو في تحويلات توضحون لنا
مع العلم نحتاج التوضيح لمحطات الوقود ، هل هي متوافرة على الطريق لأنه السيارة بتكون صالون صغيرة
وبالتالي بنحتاج بصورة كبيرة للمحطات ؟؟؟
أرجو المساعدة وشكراً لكم


التعليقات (9)
rayaaan
rayaaan
الطريق سريع و المحطات متوفرة فيه لكن فيه 200 كيلو المحطات شبه معدومة فيه
بعد ما تتعدون بريدة ب 150 كيلو تقريباً عبو من آخر محطة وهي محطة كبيرة تجي على يساركم وتأخذون الكبري وتتجهون لها يسار
وترى فيه لوحات طول الطريق توضح لكم أقرب محطة بنزين وكم تبعد يعني ما عليكم خوف
وبالنسبة للطريق فهو ممتاز و مريح وتمرون المجمعة و الغاط و بريدة
الرابط بيفيدك
https://artravelers.com/p/re/39615

ronaldo4ever
ronaldo4ever
rayaaan
ياريت تفصيل اكثر عن المناطق والمسافات بالتفصيل !!!!!!!!!!!!!!
ترا اول مرة حتى اروح للرياض مو للمدينة

rayaaan
rayaaan
  1. طيب نبدأ بسم الله

  2. من الرياض وحتى المدينة 806 ك

  3. نبدأ مستعينين بالله في وصف الطريق بالتفصيل

  4. تنبيه مهم : بعد محطة ساسكو المحطات بتكون بعيده فخذ احتياطاتك

  5. هناك تنبيه : ان طريق الرياض المدينة متصل وليس فيها لفات ومخارج

  6. وانا اقولها وبكل ثقه ليس هناك خوف ابدا من محطات البنزين وقلتها

  7. اذا وصل العداد 357 كيلو بتجيك محطه ولكنها لم تفتح بعد

  8. اذا وصل العداد 599 بتجيك لوحة ترحيبيه بأنك دخلت منطقة المدينة المنوره


طيب نبدأ بسم الله

طبعاً إختي المسافة من الخبر إلى الرياض 450 كم وهو طريق سريع معروف ومتوفر فيه المحطات لكنوصفه الدقيق ما يتوفر عندي بصراحة لكن الطريق سلكته أكثر من مرة مريح و ممتاز لكن نقاط التفتيش ما يرحمون لا تتعدى السرعة 120 كم و الطريق هذا يدخلكم على الرياض مباشرة
إذا دخلتو الرياض راح تجيكم لوحة بعد دخول الرياض ب 20 كم تقريباً اللوحة مكتوب فيها القصيم - المدينة المنورة - تتبعون اللوحة وتطلعون مع الإتجاه اللي تشير إليه يمين
الآن أنتم داخل مدينة الرياض وعلى الطريق اللي يطلعكم برى الرياض بإتجاه منطقة القصيم و المدينة المنورة
راح يجيكم على اليمين مبنى الهلال الأحمر السعودي و هو برج طويل وراح يجيكم أيضاً مطعم مكدونالز و بجنبه مطعم ماما ساره وبعده راح يجيكم جريدة الرياض و الجزيرة و بعدها يجيكم على اليمين نادي الشباب
إذا وصلت إلى نادي الشباب ( أول طريق القصيم ) شغل العداد

من الرياض وحتى المدينة 806 ك

نبدأ مستعينين بالله في وصف الطريق بالتفصيل

  • اذا وصلت الى نادي الشباب الذي هو في بداية الطريق الى القصيم الرجاء وضع العداد اللي في السيارة على الصفر لأن هذا العداد هو اللي سيكون دليلك على المحطات
  • اذا وصل العداد 4 كيلو بيجيك على اليمين محطه
  • اذا وصل العداد 9 كيلو بتجيك محطه ( وفيها كوفي شوب سيارات )
  • اذا وصل العداد 14 كيلو ايضا بتجيك محطه ( وفيها كوفي شوب سيارات )
  • اذا وصل العداد 17 كيلو بتجيك على اليمين مطاعم الشيهان للمثلوثه ( وهي فرصه للراحه فيها وتناول الاكل اللذيذ وخاصة من المسافرين اللي جايين من خارج الرياض )
  • اذا وصل العداد 31 كيلو تفتيش
  • اذا وصل العداد 60 كيلو محطة ساسكو

تنبيه مهم : بعد محطة ساسكو المحطات بتكون بعيده فخذ احتياطاتك

  • اذا وصل العداد 115 كيلو بتوجد شقق الملتقى المفروشه على اليمين اذا دخلت من مخرج 11 مخرج تمير
  • اذا وصل العداد 176 كيلو بيجيك على اليمين مركز الرعاية الطبية
  • اذا وصل العداد 180كيلو بجيك مخرج تدخل معه مدينة المجمعة فيها مطاعم وشقق ممتازة ونظيفة وبندة و العثيم وجميع الخدمات
  • اذا وصل العداد 200 فانت في مدخل الزلفي
  • اذا وصل العداد 242 نقطة تفتيش الغاط
  • اذا وصل العداد 251 بيجيك على اليمين مسجد وله مدخل خاص
  • اذا وصل العداد 280 كيلو تفتيش وعلى اليمين مركز اسعاف ( ام سدرة (
  • اذا وصل العداد320 كيلو فقد وصلت الى لوحة مكتوب فيها ( وسط بريدة وسط عنيزه ) يعني وصلت القصيم

هذا هو التفصيل من مدينة الرياض الى القصيمالطريق من القصيم الى المدينة المنورة

هناك تنبيه : ان طريق الرياض المدينة متصل وليس فيها لفات ومخارج

بمجرد انك مسكت طريق القصيم فواصل وتعد القصيم واستمر بدون اي مخارج ماتدري الا وانت في المدينة المنورة ( لأن فيه بعض الناس يحسب ان طريق الرياض القصيم يختلف عن طريق القصيم المدينة ) هو طريق واحد
بداية الطريق من القصيم الى المدينة ممتاز من ناحية سلامته وازدواجيته فهو طريق مكون من ست مسارات ثلاثه رايحه وثلاثه جايه ويفصلها حاجز حديدي وليس هناك خوف بإذن الله من مرور الجمال لأن هناك حواجز على اليمين واليسار
باختصار الطريق مطمئن جدا جداولكن الذي يخاف منه اكثر الناس هو قلة محطات البنزين

وانا اقولها وبكل ثقه ليس هناك خوف ابدا من محطات البنزين وقلتها

والدليل على ذلك ان الطريق ملئ باللوحات الارشاديه التي تبين بالكيلوات بعد المحطه القادمه بالضبط.المشكله ماهي ؟ المشكله هي انه لاتوجد محطات بنزين على الطريق مباشرة بل لابد انك تدخل مع المخرج بكيلو او كيلوين ( طبعا محدد لك في اللوحة ) وتجد محطة
وانا باجتهاد مني حصرت المخارج التي يوجد فيها محطات واليكم الاخبار بالتفصيل :
  • تنبيه مهم: اذا مسكت طريق القصيم المدينة حط في بالك ان هناك ثلاث محطات فقط في بداية الطريق متوفر فيها الخدمات من كوفي وبنزين ومطاعم واستراحات

وهذه المحطات الثلاثه قريبه من بعض وبعدها تكون المحطات غير متواجده على الطريق بل لابد من الدخول مع المخارج
  • اذا وصل العداد 336 كيلو بتجيك محطه المسافر وهي اول محطه تقابلك من طريق القصيم المدينة فيها استراحة شقق مفروشة
  • اذا وصل العداد 340 كيلو بتجيك محطة اخرى كبيره ( وانتبه فيها بوفيه صغير للوجبات السريعه- خدمة السيارات - اقترح انك تاخذ منه وتعبي بطنك لأن نصف الطريق لاتوجد مطاعم حتى تقطع مسافه اكثر من 230 كيلو
  • اذا وصل العداد 342 يعني بكيلوين عن المحطه السابقه بتجيك المحطه ثالثه

اذا وصل العداد 357 كيلو بتجيك محطه ولكنها لم تفتح بعد

  • اذا وصل العداد 363 بيجيك مخرج 626 لف معها وبتجيك محطه
  • اذا وصل العداد 372 كيلو بيجيك مخرج رقمه 617 لف معها بتجيك محطه
  • اذا وصل العداد 406 كيلو بيجيك مخرج رقمه 583 لف معها بتجيك محطه
  • اذا وصل العداد 433 كيلو بيجيك مخرج رقمه 556 لف معها بيجيك محطه
  • اذا وصل العداد 426 كيلو بيجيك مخرج رقمه رقمه 542 نفس الشئ محطه
  • اذا وصل العداد 464 كيلو بيجيك مخرج رقمه 524 ايضا هناك محطه

تنبيه : بتجيك مقطعه 70 كيلو مافيه شئ انتبه
  • اذا وصل العداد 541 كيلو بيجيك مخرج رقمه 447 لف معها وادخل 23 كيلو بتلقى محطه
  • اذا وصل العداد 568 كيلو بتجيك محطه كبيره واستراحه وفيها مطعم وبوفيه وورشه ومسجد كبير

اذا وصل العداد 599 بتجيك لوحة ترحيبيه بأنك دخلت منطقة المدينة المنوره

  • اذا وصل العداد 641 كيلو يوجد اسعاف على اليمين ( الله لايحدنا ولايحدكم عليه
  • اذا وصل العداد 680 كيلو بيجيك مخرج رقمه 310 لف معه وبتجيك المحطه داخل 23 كيلو
  • اذا وصل العداد 708 كيلو بيجيك مخرج رقمه 282 وعندها محطه كبيره اسمها محطة العاليات ماشاء الله كبيره جدا وممتازه وفيها اغلب الخدمات
  • اذا وصل العداد 793 بيجيك تفتيش المدينة وسبحان الله تبدأ جبال المدينة تكون واضحه حتى في الليل

رافقتكم السلامة من كل سوء

ronaldo4ever
ronaldo4ever
والله ماقصرت يا rayaaan ربي يعطيك العافيه ،
بس سؤال سريع ، ألحين إنته قسمت الطريق قسمن الرياض - القصيم ، القصيم - للمدينة المنورة
أوكي ، المقطعة اللي نبته عنها في بداية الموضوع على بعد 150 من بريدة ، هل هي :
  • اذا وصل العداد 60 كيلو محطة ساسكو

تنبيه مهم : بعد محطة ساسكو المحطات بتكون بعيده فخذ احتياطاتك
أم المقصد في الطريق من القصيم للمدينة حيث المحطات لاتوجد على الشارع الرئيسي ولكن ينبغي الوصول لها عن طريق المخارج ؟؟؟

rayaaan
rayaaan
لا إختي اللي أقصده
في الطريق من القصيم إلى المدينة
الجزء الثاني من الطريق
بالله بسألك إنت ولد ولا بنت
لأني من بداية الموضوع أقول إختي , أخاف تكون ولد , ههه
لا تنسون من دعائكم

عابر قلوب
عابر قلوب
rayaaan
بيض الله وجهك
ما قصرت في الشرح
وتم نسخ الوصف وطباعته ليكون على الطبلون
لاني مسافر بكره يوم الاحد 258 من الخبر الى المدينه
وذا عندك خبره عن الامكان التى يمكن زيارتها في المدينه لا تبخلو علينا بها
من ملاهي ومطاعم واسوق وامكان تاريخيه لا تبخل علينا فيها :11ccer:
اخوكم اول مره يروح للمدينه

المسافر المهذب
المسافر المهذب
وعليكم السلام ورحمة الله وبركاته
ماشاء الله تبارك الله عليك أخي ريان
مابعدك حساب أنا أصلا كنت راح أدخل لأدلي بدلوي لكن بعد ما قرأت
ردك تحطمت من نفسي...
جزاك الله خيراً وجعل ذلك في ميزان حسناتك ورحم الله والديك
خلاص يا كاتب الموضوع مالك عذر ماتزور المدينة
تقبل تحياتي أخوك المسافر المهذب

ronaldo4ever
ronaldo4ever
أخ ريان والله تسلم تعبناك ويانا
أنا كنت راح أجي أرد وأقول لك إني ولد مو بنت ههه
الله يرحم والديك ماقصرت

ronaldo4ever
ronaldo4ever
راح أزيد سؤال ههه اسمح لي ،
الطريق لمكة ، فقط بعد القصيم نتجه لمكة مع الإشارات وخلاص ؟
واذا عندك ملاحظات للشارع من الخدمات وهل هو مزدوج والخ


خصم يصل إلى 25%