فينيسيا - البندقية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
OZYEEE
14-12-2022 - 11:27 pm
بدايتاً .. هالجزء بيشمل .. ( روما , ميلان , فينيسيا , جنوا , سردينيا )
ورحلة الكروز اللي وصلنا فيها الى اسبانيا (برشلونا , مالوركا)
وفرنسا والريف الفرنسي (كان , نيس , مونت كارلو و موناكو)
رحلتنا السنه كانت متنوعه من جميع النواحي! ..
استخدمنا الطياره , الباخره , القطار , التاكسي , المترو وحتى الترام !
ولفينا كذا مدينه و دوله و جزيره ..
بصراحه فالبدايه كنت مستعده واصور .. بعدين ومع التنقلات الكثيره وثقل لشناط تركت التصوير ..
وشلت من بالي فكرة التقرير .. لكن اللحين بعد مارجعت وشفت حصيله لابأس بها من الصور ..
قررت انزل تقرير مختلف من نوعه لكن ان شاءلله بتستفيدون منه ..
اولاً .. اول وسائل النقل
طيران القطريه ..
شهر مايو سافرت عليها وارتحت وايد .. عشان جذي قررنا نروح عليها ..
اكره شي فالطياره الترانزيت .. لكن كل شي ثاني ممتاز
التعامل , الراحه , دقة المواعيد , الهدوء! , الأكل ..
اول شي مطار البحرين غني عن التعريف ..
على صغر حجمه الا انه يتميز بالترتيب والنظافه النسبيه ..
وتنوع المطاعم و شمولية السوق !
ويتكون مطار البحرين من 2 Lounges
واحد تابع لطيران الخليج .. والثاني للطيارات الاخرى ..
واثنينهم مميزين ..
بعد اقل من ساعه وصلنا مطار قطر ..
وانتقلنا من الطياره مباشر الى اللونج التابع لطيران القطريه ..
طبعا كان شي عجيب ..
في سوق خاص , طبيب , حضانة , غرفه للي معاهم اغراض , جاكوزي , كراسي مساج , صاله عائليه! والكثير
ارتحنا فيه ساعتين تقريباً الى ان اعلنو عن طيارتنا المتوجهه الى روما
الطياره من روما الى قطر كانت اكبر طبعا واوسع ..
ومن ركبنا شربت السموثي ورقدت ماقعدت الا والطياره نازله!
ووصلنا مطار روما ..
وأبتدت سلسلة الصدمات .. بكلمكم عنها فالجزء الثاني


رحلتي الى ايطاليا
التعليقات (9)
ام رضا ولين
ام رضا ولين
السلام عليكم ورحمة الله وبركاته وحمدلله على السلامة انشالله تكون رحلة حلوة بس ممكن سؤال اخت اووزي من الافضل كروز اوروبا ولا امريكا من ناحية الشواطئ والاكتفيتي؟ ومشكورة

OZYEEE
OZYEEE
اهلا عزيزتي ام رضا ولين ..
الله يسلمج
بصراحه الرحلتين كانو ممتعين جداً ..
وبإذن الله بكررها اكثر واكثر فالمستقبل ..
لكن مادري هل لأنها اول رحله .. او لأني حبيت امريكا اكثر من اوروبا ..
بالنسبه لي كروز امريكا احسن .. الأكتفتيز اسهل الوصول لها .. واحلى !
نفسية الناس احسن ..
وتابعي معاي وشوفي بنفسج ..

ابو شايع
ابو شايع
متابعين ..شكل التقرير من بدايته حلو

OZYEEE
OZYEEE
نرجع مع ..
الجزء الثاني
سلسلة الصدمات!
أول ماعزمنا على روما وقصينا التذاكر وبتديت ابحث
فالانترنت .. قريت ..
الشعب همجي! جاف , غير متعاون!
الجو حار مقارب لجو الخليج!
مافي طبيعه في ايطاليا بالمره!
مايتحدثون الا لغتهم ولا يعرفون الانجليزيه!
المهم! .. اول شي نزلنا من الطياره مستقبلتنا الخراطيم! بعكس الدول العربيه اللي ماتستقبلنا سوى الباصات!
تصب الخراطيم مباشره في ساحة الجمارك .. واضح جداً القسميين لحملة الجوازات الاوروبيه والطوابير الباقية للجنسيات الاخرى ..
تمشي الخطوط بشكل منظم! مع محاولات اسيويه بالتجاوز! لكن الحمدلله كانت دائما تبوء بالفشل!
وصلنا صندوق الجمارك! استقبلتنا ايطاليه بلهجتها الانجليزيه الثقيله تقول .. فيري بيوتيفل! ..
قلنا لها والله انتي اللي فيري بيوتيفول! وختمت جوازاتنا وكان في ويهنا مباشره الشناط .. التقطنا شناطنا بسرعه وسلاسه ..
حملناهم فالعربانات المتوفره بشكل كبير .. وانطلقنا لمكتب نقل .. طلبنا تاكسي كبير عشان يشيل شنطنا وعطيناهم العنوان واتفقنا على السعر ..
وانطلقنا لاواجه ثاني صدمه! .. الجو على الرغم من انه كنا الضحى يعني الشمس في عزها! الا ان الجو فالظلال كان لطيف جداً !
طبعا من اول وصولنا وعند واجهة المطار لقينا هالمحل ..
وبتدت الماركات الايطاليه تظهر مبينه انه وصلنا لديرة الموضه كلها!
الطريق ماخذ منا 20 دقيقه .. وصلنا لفندقنا ..
Marriott Roma Hotel
طلعنا الحجز واستلمنا الغرف بالشروط اللي طلبناها في دقايق!
على الرغم من انه الوقت كان مبكر جداً! .. لكنهم كانو متعاونين ولاأخرونا ولا دقيقه ..
الكونسرياج فالفندق ايضاً متعاونين كثيراً !
وحاملين الحقائب من جنسيات متعدده مثل اثيوبيا والفلبين كانو سمحيين ووايد ساعدونا! ..
الغرف كانت حلوه ذكرتني بغرف الريتز اللي عندنا فالبحرين وعجبتني فكرة (الله يعزكم) الحمام ..
مكون من قسمين منفصلين قسم مغسله او بانيو
, والقسم الثاني شور او مغسله و WC ..
اخر صدماتي كانت طلة الغرفه .. مساحات واسعه خضراء! ..
ماقول طبيعة سويسرا! .. لكن اشجار وورد وساحات خضراء جميله يمكن شفت فيها خضار اكثر من فرنسا! او في مستوى طبيعة فرنسا! ..
المهم
عيب الفندق .. موقعه بعيد عن السنتر .. والشتل اللي موفرينه يتحرك كل ساعتين
لكن يكلف 10 يورو للشخص رايح راجع فاليوم الواحد ..
انتظروا الجزء الثالث وجولة في روما .. مدينة تتجول فيها وكأنك في متحف!

ام رضا ولين
ام رضا ولين
اهلا بيكي حبيبتي ومشكورة على اجابتك ومتابعين تقريرك الجميل باذن الله

نجمة النجوم
نجمة النجوم
متابعين ياعسل واكيد تقاريرك كلها تعجبنا من بعد تقرير امريكا وعقبال كل سنة .....لا تفوتين جنوب افريقيا تهبل توني جاية منها اوروبا صغيرة..

Impact
Impact
خبيرتنا الرائعة ,,
OZYEEE
في البداية حبيت اقلك انه افتقدناكي في المنتدى كله وخصوصاً البوابة الامريكية ,, ولكن !!
واضح اننا على موعد مع الفن المتكرر والمواضيع الشيقة خارج البوابة الامريكية ,,
الحمد لله على السلامة والحمد لله انك تراجعتي وبتححفيني بتقاريرك مرة اخرى ,,
في انتظار من عدستك اللامعة وباقي الجولة الاوروبية الرائعة ...
متحمسين و تقبلي تحياتي واحترامي

OZYEEE
OZYEEE
ام رضا ولين
امباكت .. انا افتقدتكم اكثر ..
وافتقدت امريكا .. واعضاء البوابه الامريكيه كلهم ..
من كثر ماقلبي محروق! ماحب ادخل عشان مااحتر!
ماتعرف شكثر تواجدك اسعدني .. بل شرفني ..
شكرا على المتابعه مشرفنا العزيز

no nick
no nick
ozyeee
تقرير شكله عجيب
متابعين و بقوة لهذا الابداع


خصم يصل إلى 25%