من طبعي المتأصل في جذوري انني لا احب اخذ الامور بسرعه وتعجل ...
فلا اقدم على خطوه الى بعد دراسه وتخطيط اذا كان معي مجال لذلك ..
لكن ؟؟؟؟؟
في سفرتي الاخيره اخذتني العجله والتعجل في كل شي ...
فلم يدر بخلدي السفر بهذه الاجازه الصيفيه الى اي مكان ... من الدوام الى البيت ومن البيت الى الدوام ..
ولكن يوم الثلاثاء 22/ 7/ 2009 كان يوما مشهودا ..
اتصل الشباب هاتفيا صباح ذالك اليوم ...
ها يا ابو تخاوينا الشام .... ( لا يا ناس فكوني منكم )
يا رجال تعال معانا كلها خمسة ايام وراجعين ...( ما تستاهل خمسة ايام اربك جدولي علشان خمسة ايام )
يا رجال تمشية وتغيير جو ... ( ما ابي ما ابي )
المهم : بعد ما انتهت المكالمه ماش اصبح البال مشغول ( ما يصير الشباب كلهم مجتمعين وانت جالس بها اللواهب)
بعد نهاية الدوام اذا بصاحبكم يدق على الشباب ها متى رحلتكم ( ماش ما ارتاح قلبه ... مشغول معاهم )
بكرا الساعه 2 الظهر تخاوينا؟؟؟
والله ودي بس ما عملت حسابي ...
يا رجال تعال بيهونها ربك ..
بس عندي مشكله ... ايش هي ؟؟؟
الحجوزات صعبه !!!
يا رجال هونها وتهون ...
قلت وعدنا بالليل ...
المهم من بعد صلاة العصر وانا بمكتب الخطوط السعوديه..
للأسف ما فيه حجز الى بعد اسبوع وب2300 ريال ..
سما يوم الاحد ب1700 ريال ..
السوريه ب1700 ريال بس هم بعد اسبوع ...
يا رجال غير بدل ... ما فيه ضف وجهك ...
المهم طلعت وانا اضرب كف بكف ... ما فيه سفر ..
اتصلت على الشباب وقلت لهم ما حصلت حجز ... قالو ممكن خيره ...
المهم .. وانا اتمشى بطريق ديراب واذا بي ارى مكتب خطوط ( الطيار للسفر والسياحه )قلت اجرب ممكن تفلح ها المره ...
نزلت من السياره ودخلت المكتب ..
قلت للموظف بدون تحديد للتاريخ ابي اقرب حجز على اي مدينه سوريه ...
فبعد البحث اذا به يقول لي في بكرا يوم الاربعاء على الساعه 2 الظهر لكن قيمة التذكره 2150 ريال ..
قلت له توكل على الله وهات التذكره ...
طبعا الشباب على حد علمهم اني ما راح اسافر لانه ما فيه حجز ....
قلت اسويها فيهم واطب عليهم بلمطار ...
المهم رجعت البيت الساعه 10 ليلا للتجهيز للسفر واخبار الوالده والاهل ..............