فرانكفورت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
فلاديمير بوتن
10-08-2022 - 03:14 am
مرحبا
ممكن اعرف بعد المدن عن فرانكفورت بالقطار , يعني المدن القريبه بس ؟؟
وسؤال اخر عندي ترانزيت في فرانكفورت لمده 30 ساعه تقريبا , وهذه ثامن او عاشر مره ومللت فرانكفورت ففي كل مره نفس الجدول وحاب اغير شوي, هل من الممكن الذهاب عن طريق القطار لمدينه قريبه وحلوه , يعني لوقت قصير , لان كما قلت الترانزيت 30 ساعه بس !!


التعليقات (9)
فلاديمير بوتن
فلاديمير بوتن
يا جماعه الخير الموضوع تقريبا صارله 10 أيام
بس وين الردود !!!!

Hesham
Hesham
والله شوف اخوي يمكنك تروح لبون او كولن تراها ماتتعدى ساعه ونصف بالسيارة ...
هذي كمدن حلوه ومرتبه وهذا بعلمي اخوي والعذر على التأخير

نسيم نجد
نسيم نجد
أخي العزيز
نأسف لعدم الرد خلال الأيام الماضية وذلك لعدم توفر المعلومة التي تفيدك بشكل كالافي و ترضينا بوجه عام
لكن أقترح عليك مدينة ماينز التي تبعد عن فرانكفورت قرابة 25 دقيقة تنطلق لها من القطار الموجود تحت المطار و إليك هذا الرابط ليعطيك صورة مبسطة عن المدينة :
مدينة ماينز http://www.dw-world.de/dw/article/0,1564,1497736,00.html
أخوك / نسيم نجد

فلاديمير بوتن
فلاديمير بوتن
مشكورين يا اخوان والله يعطيكم العافيه
وانشالله اشوف الموقع وارد اسألكم مره ثانيه

فلاديمير بوتن
فلاديمير بوتن
المعذره يا اخوان
ممكن سعر تذكره القطار ذهابا وايابا , وهل محطه القطار في ماينز موجوده في مركز المدينه
واذا ممكن معلومات اكثر عن طريقه الوصول الى هناك
وتسلمون من الشر

Hesham
Hesham
الأخ بوتن
طبعاً اول ماتوصل المطار وهذ شي اكيد مايخفى عليك روح لمحطة القطار الرئيسية لفرانكفورت ...
ادخل على هذا الرابط وراح تحصل أسعار التذاكر للدرجة الأولى والسياحية والوقت والمسافة " http://www.raileurope.com/fs/us/fsresults.htm?fn=fsRequest&c=USD&itemIndex=-1&r=1&F0=Frankfurt&T0=Mainz&d0=15&m0=7&t0=afternoon&d1=16&m1=7&t1=afternoon&nA=1&nC=0&nY=0&nS=0&d=1&s=Continue " طبعاً انا حطيت تاريخ من راسي وهو 15 جولاي .... تقدر تغير التاريخ للي تبيه ..
ولما تروح هناك اعتقد راح تحصلها أرخص ...
بالتوفيق

النعسا
النعسا
  1. بعض النقاط **


مرحبا اخويه
ان شاء الله بس مشاركتي ما تكون وصلت في وقت متأخر .. لأنه هذي اول مشاركه لي
وبأذن الله تحصل في ردي الجواب الشافي لك ..
واصلا سجلت بس عشان ارد على موضوعك .. المهم
بحكم لزيارتي المتكررة لمنطقة اسمها (wiesbaden) وهي تبعد عن مطار فرانكفورت ما بين 20 و 30 دقيقة حسب الزحمة ..
حبيت اقترح عليك زيارتها ما دام عندك 30 ساعة .. ان شاء الله تكون المدينة تستحق قضاء ال 30 ساعة فيها ..
هذه المدينة مشهورة بالماء الساخن اللي ينبع من الأرض وعلى حسب علمي بأنها أخفض منطقة في المانيا وكانت ملاذ الألمان في الشتاء بما تحتويه من ينابيع صحيه ومياه ساخنه .. وهي مدينة يفوح منها التاريخ وبناءها يعتمد على التاريخ .. فستلاحظ بأن أشهر فندقين فيها .. بالأصل هم ابنية قديمة وتطورت لتصبح فنادق ..
هذا موقع لفندق راقي جدا جدا .. وموقعه استراتيجي (Nassauer Hof)
http://www.nassauer-hof.de/go/hotel
يقع في وسط المدينة ويطل على أشهر شارع في المدينة .. واسم الشارع هو (wilhelmstrasse) هذا الشارع في مقاهي ومطاعم ومحال من أشهر الماركات .. وعلى فكرة في سوق قريب يبعد عن الفندق 5 دقايق مشي
وكل شي قريب منك ما تحتاج تأجر سياره . . الحدائق موجوده .. المقاهي موجوده .. المحلات موجوده
فقط تحتاج أرجل للمشي :icon_wink
==============================
أما هذا الموقع .. فهو يتكلم عن المدينة بشكل عام .. واحلى شي في الموقع هو خاصية ال virtual tour
تقدر من خلال الموقع تشوف صور بالفيديو عن موقع الفندق والأماكن اللي حوله .. وكأنك موجود هناك ويعطيك فكره عن المكان والمدينة
http://english.wiesbaden.de/index.php
للوصول إلى خاصية ال virtual tour
اذهب إلى ..
Congress & tourism
بعدين ادخل
The Kurhaus
بعدين ادخل
Virtual tour
وعلى اييدك اليمين .. اختار bowling green
وفي خيارات أخرى تعطيك الفرصة انك تشوف مناطق غير عن الفندق
=============================================
أنصحك بهذه المدينة .. بما أنها مدينة لا تكتظ بالبنايات الشاهقة مثل فرانكفورت .. بل هي مدينة قريبة على القلب
وفي فندق ثاني اسمه Radisson Sas وهو اقرب للممشى السوق .. لكن أفضل الفندق الأول بما أنه يقع في أرقى الأماكن وحوله اماكن تستحق الزياره .. ومدينة قريبة من مطار فرانكفورت

بعض النقاط **

  • * بتلاحظ وجود الكثير من الأتراك .. لا تستغرب عادي
  • * في مطعم إيراني موجود في الممشى الطويل .. وعلى حسب علمي اسمه (1000 nacht) يعني ألف ليلة وليلة .. وصاحب المطعم طيب وايد وايد ويتكلم انجليزي شويه وقوله يحط لك أغاني محمد عبده
  • * في قنوات عربية تطلع مثل دبي ومصر وتونس في فندق (Nassauer Hof) وحتى في ال radisson sas ..
  • * أشهر كازينو يقع مقابل الفندق (اللي كان تابع للقيصر مالهم) والحدائق بعد كانت تابعه له اذا سرت لفندق ال (Nassauer Hof) .. فالحدائق بتكون أمام عينيك وتقدر تتمشى فيها وتزور ال theatre

والحديقة اللي ورا ال theatre .. وفيها مقهى وبحيره
  • * شي ستار بكس وماكدونالد في الممشى
  • * بالنسبة للمحلات تفتح الساعه 8 وتسكر الساعة 8 . . ماعدا السبت والاحد .. أسأل الفندق احسن

بس ما اعرف شو اقول زياده ..
اذا تحتاج أي معلومات زيادة لا يردك إلا كيبوردك

Hesham
Hesham
اختي النعسا
والله هذي المعلومات جميلة جداً وموب بس بوتن بيستفيد منها الا الكل مع انه ويزبادن مدينة معروفه ... لكن مافيه خبره والخبره معك الله يسلمك ...
والشكر موصول لأخوي بوتن اللي بموضوعه خلاك تسجلي وتجاوبي بارك الله فيك وفيه ...
مكشورين وماتقصري

النعسا
النعسا

===============================
العفو اخويه هشام ..
وطبعا اكيد اشكر صاحب الموضوع .. هو اللي خلاني اسجل في منتداكم
اما بالنسبة للمعلومات .. ان شاء الله تكون وافية ومفيدة للكل طبعا .. لا تزعلون :smile105:
بس خوفي الريال يسافر ولا يلحق على ردي :unsure:
ان شاء الله ما ببخل عليكم .. بحط لكم الصور اللي من تصويري ..
===============================


خصم يصل إلى 25%