وينكم ما في احد رد !!!؟؟

نادي الشباب الرياضي ويقع على طريق القصيم امتداد لطريق الملك فهد وبتلقاه على اليمين

مر على اي فندق ، وادفع اشتراك لمرة وحدة ، أسعارهم ، فيه 75 ريال ، 100 ، 120 ريال ، وانت عليك الخيار ،

مشكورين .. وما قصرتوا

هلا اخوي ما حددت كم تبيه من يوم ؟ وكم فلوسك ؟
فيه نوادي اللياقة وهي كثيرة واسعارهم للشهر تقريبا800 ريال ول 3 أشهر ب 1600ريال .. شاملة لكل الاشياء الموجودة ..

al.sfr
عندك نادي وقت اللياقة تقاطع شارع التخصصي مع العليا احسن مسبح ممكن تشوفه

مسبح نادي الشباب .... كم سعره للشخص للشهر او لصيف كامل او لسنه كامله

..
عندك أبطال الجسم body master وفروعه كثيرة بالشمال..
ولهم تصنيف لفروعهم تختلف الأسعار بناءً على هالتصنيف..
يعني فيه الفروع العادية (نسيت وش اسمها عندهم)، وفيه فروع فضية، وفيه ذهبية..
وأنصحك تدخل وتشوف قبل ما تسجل.. وتشوف العروض إذا كانت موجودة، لأنك ممكن تشترك اليوم ثلاث شهور ومن بكرا ينزلون عرض شهر مجاني مع اشتراك الثلاث شهور، واللي سجل قبل ما يعطونه وجه(وجه مبتسم)..
لهم فرع فضي على مخرج 9 مقابل جامعة نورة للبنات
ولهم فرع عادي (أظنهم يسمونه ألماسي) في حي الوادي
ولهم فرع ذهبي بامتداد طريق الإمام محمد بن سعود (مخرج9) غرب، ديور مع إشارة العليا (لكزس)، ثم ادخل يمين بعد الجمعية الخيرية لرعاية المعاقين ومطعم الناضج، استمر 400 متر يجيك ع اليمين.
وفرع ذهبي آخر شمال الخطوط الجوية في المروج بين طريق الملك فهد والعليا
وعندهم ميزة...
بأنك لما تشترك في فرع تستطيع تدخل كل الفروع المماثلة له، وكذلك الفروع الأقل مستوى منه حسب تصنيفهم..
معلومة:
بعض فروعهم العادية أفضل من بعض الفروع الفضية، وكذا الحال بين بعض الفضيية وبعض الذهبية..
والسبب يعود إلى أن هذا الفرع العادي جديد بينما ذاك الفضي قديم ويحتاج إلى صيانة ولم يحن موعد صيانته وتجديده.. وهكذا
أتمنى تكون معلومتي مفيدة وجيدة وواضحة،،
يوزر نيم

مشكورين وماقصرتو ..يعطيكم العافية
اخووي ( مسافر للوطن )
ابي اروح النادي اسبوع واذا ماعندهم..ابي ليوم واحد فقط.. وبالنسبة للاسعار ماتهمني..