كوالالمبور المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
hamny
09-07-2022 - 04:49 am

مساء الخير اتمنى من المشرفين وخبراء السفر الاجابة على موضوعي للاهمية
السنة الماضية سافرت لماليزيا وسكنت الايام الاخيرة في ريجنت كوالا لمبور وكان موقعة جدا رائع ابغى اا تكرمتو ترشحون لي فندق على نفس الشارع ويكون ممتاز ونظيف وسعرة معقول
ارجو الرد وعدم تطنيشي :m9:


فنادق ماليزيا
التعليقات (8)
صادق الاحساس
صادق الاحساس
حياك اخوي
طبعا ان ماني عرف وشهو معيار معقول عندك
لان ممكن واحد يشوف ان سعر 400 رنجت معقول
وفيه واحد ثاني يشوف ان سعر 200 رنجت هو المعقول
لكن بريحك من دوشتي وكثر كلامي وفلسفتي
هذا رابط موقع فيه الفنادق اللي في شارع بوكيت فقط
وتقدر تعرف السعر جنب كل فندق ومعلومات عن الفندق
http://directrooms-malaysia.com/kuala-lumpur-hotels/bukit-bintang-price1.htm
ولو عندك اسئلة ثانية
لاتحرمني من شرف خدمتك

hamny
hamny
تسلم لي اخوي صادق الاحساس وجزاك اللة الف خير
ابثقل عليك وبسال عن فندق دوسيت ريجني مستواة

الشعيبي
الشعيبي
حياك الله اخوي hamny
وحبيبي الغالي راعي الواجب اللي ما يقصر ابد صادق الاحساس
كفى ووفى ربي يحفظه
وحاب اتليقف بعد اذن اخوي صادق الاحساس
في رأيي ان بغيت شيء بنفس مستوى ريجنت وافضل منه
عندك الويستن الثلاثي المرعب بشارع العرب في رأيي
الويستن وريجنت وماريوت ... رلنز كارلتون عيبه انه سعره
مش فيه وموقعه اقل ... ينطبق عليه قول ارحموا عزيز قوم ذل ...
الماريوت انهرى من ابناء بني جلدتنا
اما دورسيت ريجنسي فأعتبره افضل فندق 4 نجوم بشارع بوكيت
بينتانغ .. تراه جار رلتز كارلتون ... وسعره فيه اعتقد الان في حدود
200-210 ... افتكر قبل سنتين اخذت الليلة فيها ب170 وكان والله
ممتاز ... سواء موقع اونظافة ... وتراهم والفين على العرب
وايامها كان اغلب نزلاء الفندق اخواننا من الكويت ...
صراحة فندق نظيف وماعليك بضيق اللوبي ... اقل شيء ينقال
فيه سعره فيه
تحياتي لكم الله يسلمكم ورحلة سعيدة والسلام عليكم

صادق الاحساس
صادق الاحساس
حياك اخوي
طبعاً اخونا الشعيبي حرمنا شرف خدمتك
لكن تبي الصدق انا يوم اشوفه يرد على واحد افرح
لان بصراحة مهما الواحد تكلم ما يجي شيء جنب كلام اخونا الشعيبي
ما شاء الله عليه يعطيك الموضوع من جميع النواحي وبجميع الاذواق
حتى الاسئلة اللي ماخطرت ببالك .. يتوقعها ويجاوبها لك قبل تسألها
الله يحفظه راعي ايداي بيضاء
بالنسبة لفندق دورسيت انا نزلت فيه قبل سنتين
وبالضبط مثل ماقال اخونا الشعيبي حتى السعر قبل سنتين نفس ما قال
بس انا لي ملاحظة على دورست تخصك انت ما تخص احد غيرك
فندق دورسيت حلو بس انا خايف انه يكون لك موب حلو تدري ليه ؟؟
لان انت سكنت المرة اللي راحت في الريجنت
وطبعاً الريجنت مستواه افضل بكثير من دورسيت
وموقعه في وسط شارع بوكيت اما دورست لازم تمشي خمس دقايق
انا خايف انصحك فيه وما يعجبك لمن تروح له .. موب لانه سيء لكن لان انت تعودت على الريجنت
تدري عاد الواحد فينا لو تعود على مستوى معين صعب ينزل للمستوى اللي تحته
عدا انت احسبها وشوف اللي يريحك
بس انا حبيت اوضح لك الفكرة كاملة
وصدقني كثر اسئلتك ما تزعل
بالعكس انت تعطينا فرصة نتشرف بخدمتك

hamny
hamny
حياك اللة اخوي الشعيبي مانستغني عن رايك وجزاك اللة الف خير :x1:

hamny
hamny
صحيح مصختها بس تحملوني شوي
ابغى رايكم في فندق بوكيت بنتاق في شارع العرب مقارنة مع دورسيت ريجنسي
ولكم جزيل الشكر والامتنان

ابن عقيل
ابن عقيل
االويستن أولاً وأخيرا
بصراحة أنا ارتحت في ذا الفندق كثير خصوصاً ان سعره كان ممتاز جداً ( 290 رنجت + الفطور في غرفة مطلة على البرجين ) هذا العام الماضي
موقع جاي في مكان هادئ في قلب الزحمة ( لايذ شوي )
ولو أروح لماليزيا مرتن أخرى ما راح أسكن الا فيه
بس فيه عيب واحد
الحمام ( الله يكرمك ) نظام أوروبي بدون ماء..
لكن مع ذلك
هذا الفندق بصراحة غير نظرتي لمستوى الراحة في الفنادق

اغنية المطر
اغنية المطر
الله يعطيكم العافيه يا اخوان ... من جد استفدنا منكم


خصم يصل إلى 25%