بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



ندى الذكيه ندى الذكيه
باكر إن شاء الله بجي الرياض لأول مره
26-09-2014 - 01:58 am

السلام عليكم ورحمة الله وبركاته


باكر بجي عن طريق السياره من الكويت الى الرياض وحابه أسكن باستراحه في شرق الرياض


وتكون متوسطه المساحه لن احنا 4 اشخاص فقط ويفضل يكون فيها مسبح :surfing:ومساحه للعب الأطفال :11ccer:


فياريت الي بعرف استرحه يدلنا خصوصا انها اول زياره لنا وأبونا:m9: ما يدل فيها

واجمل الاماكن والمطاعم بوسط وشرق الرياض


وحديقة الوطن وين مكانها بالضبط ؟؟؟

:110: ساعدوني باكر بنجي ومانسقنا السفره للحين





المشاركات

سيرفس15 سيرفس15
باكر إن شاء الله بجي الرياض لأول مره


الله يحفظكم في حلكم وترحالكم

وتوصلون إن شاء الله بالسلامة ..

لكن هل عندكم ميزانية محددة للإستراحة لأن في إستراحة بــ 2000 ريال لليوم وفيه إستراحات بــ 300 لليوم وكلها في شرق الرياض ..




الجوهره بنت فهد الجوهره بنت فهد
باكر إن شاء الله بجي الرياض لأول مره


تسكنون في استراحه
كم يوم يعني ؟
اختارو شمال الرياض احسن المطاعم و الأسواق في الشمال احسن
و اي استفسار رح احاول افيدك
حياك الله . :)


ندى الذكيه ندى الذكيه
باكر إن شاء الله بجي الرياض لأول مره


سيرفس جزاك الله خير والميزانيه لله الحمد موجوده

الجوهره
الشمال أفضل ؟؟ شنو الأماكن الي بالشمال

تقريبا بنجلس 6ايام


*عمر قمر* *عمر قمر*
باكر إن شاء الله بجي الرياض لأول مره


حديقة الوطن في وسط الرياض في مركز الملك عبدالعزيز التاريخي.
عطني مكانك في الرياض وأنا أوصف لك.
طبعاً إذا وصلت الرياض.


قضت الاسامي قضت الاسامي
باكر إن شاء الله بجي الرياض لأول مره


هلاااااااااا بك ياندى وش رايك انا اخذ بيتكم وانتي تجين بيتنا انا بروح الاسبوع الجاي الكويت ان شاء الله :)
غريب موضوع الاستراحة ، انا اعرف فيه ناس يجون للرياض يسكنون في قرية الثمامة تشبة الاستراحات بس يسمونها شاليهات حلوة وفيها امان باذن الله وفعاليات قناة المجد هناك يعني حتى لو ماطلعتوا بتنبسطون


$$s3oood$$ $$s3oood$$
باكر إن شاء الله بجي الرياض لأول مره


استراحه زي ايش يعني في احد موصيكم على شئ
لكن انا اشوف ان احسن شئ تسكنون للشمال ترى الشرق اقل مستوى والوسط اغلبه وافدين وشعبي
شوفوا فندف ولا شقه قريبه من المولات والمطاعم واذا شاليهات فيه المرسى مخرج تسعه وقريبه وموبعيده عن الماكن يعني شمال شرق


سيرفس15 سيرفس15
باكر إن شاء الله بجي الرياض لأول مره


بسبب الأجواء في الرياض ,, والكل له راي ما أيد اللإستراحة ,,, وحنا في الرياض مانطلع للإستراحة إلا بعد صلاة المغرب ,, من حلاة الجو عندنا في النهار,,

وبما أن الميزانية مناسبة يعني مايفرق لو أخذتوا شالية بــ 2000 ريال وهي شاليهات كلوسترز ولو بحثتي في المنتدى أو في قوقل السعودية راح تلقين تفاصيل عنه أكثر ,,

وإذا ودك بمكان مناسب عند بودل في شمال الرياض ورائعة جداً وهي شقق فندقية .. وكل شيء حولها ,, وإذا بغتوا شاليهات عندك تاملاسى وفنتزي لاند والثمامة وأسعارها معقولة أكثر من كلوسترز المبالغ فيها ,,


والله يوفقكم ,,,


بحر الخيال بحر الخيال
باكر إن شاء الله بجي الرياض لأول مره


اختي الاستراحة في هذا الحر ما تصلح,, بالنهار ما تطلعون برا وش فايدتها اذن..... خذو شقة محترمة وبعدين اطلعوا لاستراحة ولا شاليه مرة مرتين ولا يمنع انك تسالين في فندق الفهد كراون عندهم فلل... بعدين حلاوة الرياض بالاسواق والمجمعات الكبيرة ... اما حديقة الوطن ماهي بمستوى العنوة بصراحة اهل الرياض اهل بر بالشتا واستراحات و مطاعم بالحر يعني الحدايق ما تهمهم...اسالي برضه عن شاليهات سبلاش يمكن تعجبكم ... وش جابكم بذا الحر ... رحلة سعيدة


D7ooM-990 D7ooM-990
باكر إن شاء الله بجي الرياض لأول مره


آول شيء الله يحيك في دولتك الثآنيه

بالنسبه لأسترآحه شرق الريآض .. والله مأعرف في الاسترآحآت
لكن بالنسبه للمطآعم والاسوآق

عندك المطآعم .. والاسوآق في شمآل الرياض
ومن الاسوآق اللي تعجبني وفخمه .. المملكة - الفيصليه - رياض جاليري - حيآة مول ..
طبعاً هي شمآل الرياض .. ولو تركبون تآكسي ض1 ع طول يوديكم له
وبالنسبه للمطآعم كل حي فيه مطعم لكن في شارع آسمه التحليه
فيه مطعم آسمه آفآد مجنوووووون آكلآت هندييه مع اني مآحب الاكلآت الهنديه الا انه له طعم رهيب

.. وان شاء الله عطيتك فآيده ..



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

باكر إن شاء الله بجي الرياض لأول مره