ايطاليا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أبـي أسافر
19-05-2022 - 01:15 pm
السلام عليكم ورحمة الله وبركاته
كيف حالكم ان شاء الله مرتاحين
انا عندي سؤال بسيط وصعب بنفس الوقت
سؤالي هو انا ان شاء الله راح اطلع على ايطاليا من لندن
في تاريخ 5/8/2009 صباحا
والرحله راح تكون على النحو التالي
يومين روما يوم فلورنس ويومين فينيسيا
بحيث تكون الرحله 5 ايام
وأنا والله أول مره أطلع على إيطاليا ولا أعرف فيها شي أبد
فياليت أحد يقدر يخدمني وينظم لي الرحة من وإلى
من أماكن سياحية وأماكن تستوجب الزيارة مع الوصف لها
والمطاعم الحلوة الي تستاهل أيروح لها وكل شي في المدن الثلاث
لأن والله إني خايف تفشل الرحلة لعدم التنظيم المسبق
مع العلم إن السكن محجوز مسبقا
وحنا شخصين فقط
وشكرا لكم
تقبلو تحياتي


التعليقات (4)
أبـي أسافر
أبـي أسافر
وينكم ياناس
اتمتى تردون علي
ترى رحلتي باقي عليها اقل من اسبوع
وانا الى الان ما سويت شي
ارجوكم تجاوبو معاي
وشكرا لكم

Exciter
Exciter
السلام عليكم
الأماكن السياحية بروما كثيرة جدا. وأغلبها في المنطقة التاريخية وقريبة من شارع Via Veneto وهذا من أشهر الشوارع بروما.
عندك بروما مثلا نافورة دي تريفي De Treve وعندك المدرج الأسباني وعندك COLOSSEUM وهو المدرج الروماني الشهير وعندك الفاتيكان.
بالنسية لروما الأفضل انك أول ما توصل تاخذ الباص السياحي المكشوف واذا كنت ساكن بشارع Via Ventro بيكون قريب منك وياخذك جولة على ابرز الاماكن السياحية بروما واللي يعجبك انزل فيه.
بالنسبة لفلورنس عي صغيرة وممكن تاخذ بعد الباص السياحي ويوديك على أبرز الاماكن السياحية مثل تمثال مايكل أنجلو وجسر الذهب. واذا عندك وقت ممكن تروح بالقطار لمدينة بيزا Pisa تشوف البرج المائل والقطار ياخذ حول ساعة ونص.
ما بالنسبة لمدينة الحلم فينيسيا فهي من أروع الاماكن اللي زرتها وما فيها أماكن سياحية لكن المدينة نفسها تحفة أهم شي اسكن قريب من ساحة سان ماروك وكل شي بيكون قريب منك مشي.
لو تحتاج معلومات اضافية تفضل بالمرور على تقريري المصور وان شاء الله يفيدك.https://artravelers.com"black">/
واي معلومات اضافية أنا حاضر.
أطيب تحياتي
أبو ضي

بدي أسافر
بدي أسافر
اي احد يدخل يجاوبني بليز
من ضيقت صدري سالت نفس السؤال بكل المواضيع :sad1:
على اول اوقست بتسكر المحلات لمدة شهر؟؟
عشان يمدي اكنسل وادورلي على ملفا ثاني قبل لا تخلص الاجازه
بنتظار ردكم

Exciter
Exciter
بدي أسافر
أخوي
العام الماضي كنت بايطاليا لغاية 3 أغسطس وكانت كل المحلات مفتوحة والدنيا تمام. بشكل عام المحلات التجارية كثيرة جدا ومتفرقة بكل أنحاء روما ومن المستحيل ان كل المحلات تقفل والبلد مليانة سياح.
أطيب تحياتي
أبو ضي


خصم يصل إلى 25%