الرياض المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
della red
23-09-2022 - 09:56 pm
السلام عليكم
بدون مقدمات
بودي لو تدلوني على مكان لبيع الاشمغة في الرياض طبعا
مثل ماركة جفنشي ودنهل وغيرها
مكاني بالملز
يفضل يكون قريب مني


التعليقات (8)
sweetness.life
sweetness.life
مرحبا.. صديقي بالنسبة للاشمغة انا دايم اروح لطيبة والعويس كل شي عندهم وتقدر تتفاهم معهم ولا تشيل هم البرستيج ههه
اما بالنسبة للمطاعم انصحك تتوجه لأحد فروع الصبف الهندي طبعا انا ما جربته للأمانة ولكن يمدحوه والصيني عندك دايموند اللي بالتحلية خطير .
هذا كل اللي عندي اتمنى اني اكون افدتك ولو بشي بسيط

della red
della red
مشكور يا عزيزي
بس وينهم فيه العويس وطيبة ذي بالضبط لاني ما ادل زين في الرياض
بالنسبة للمطعم اسمه الصبف ؟ اجل الله يستر خ
ايضا وين مكان المطعم
ويا لبى قليبك على قولك في ذا

سيرفس15
سيرفس15
ياسلام عليك
عندي لك محل في كل حاجاتك الثنتين ..
الأولى : طريق الملك عبدالعزيز في محل وكيل أشمغة ( الفاخرية ) جفنشي ودانهل ..ومكانه بعد بنك ساب وقبل اكسترا ..
وتطلع من المحل وتروح لمطعم مكاني قريب من المحل بعد المحل تجيك إشارة العروبة تعدها تجيك الإشارة اللي بعدها إطلع يمين إمشي مسافة يجي المطعم يمينك (( المطعم أكل كويس وسعره ممتاز لكن ديكورة بايخ ))
وبالعافية عليك ..

ولد العنقري
ولد العنقري
جيفنشي ودينهل أمام الفيصلية بشارع الملك فهد وأيضا بيركردان أمام الفيصلية بشارع العليا
لكن ياخوي اذا ملزم على جيفنشي ترى باقي هالشهر وينزل الشماع الجديد منهم لانه سنوي ينزل باول رمضان.

sweetness.life
sweetness.life
عفوا المطعم اسمه الصيف مش الصبف بس خطأ مطبعي
بالنسبة للأشمغة انا مو ذاك الزود لأني ما البس كثير بس العويس وطيبة وانت رايح من طريق الملك عبدالله تدخل على العليا باتجاه الشرق وعند اول اشارة يصير على يسارك العويس وطيبة

المسافر التميمي
المسافر التميمي
لا يفوتك .. أبو سراج
في سوق الزل .. طب وتخير

مسافر للوطن
مسافر للوطن
هلا اخوي ..
جيفنسي ودنهل فيه محل على طريق الملك فهد بعد التحلية يمين وانت وجهك جنوب ..
ولهم فرع ثاني في شارع الثميري ..
اما مطعم هندي فيه مطعمين في السليمانية .. التاج الهندي ومطعم مكاني ..
تحياتي ..

della red
della red
والله كلكم كذا
طبعا انا عدت لدياري ولله الحمد
وشريت كم شماغ من شارع الثميري في البطحا
دخت لين وصلته
بس صراحة سوق ابداع للمستلزمات الرجالية
وانصح الجميع بزيارته
سعره ممتاز
والبضاعة متنوعة
شريت شماغ فرري ferre ب290 من العويس
لقيتها عندهم ب270
شماغ club rivera ما حصلتها في العويس
شريتها من عندهم ب240
غير الغتر البيض غير الطواقي
غير السبح
طبعا جفنشي زي ما ذكرتوا اخواني
الموديل الجديد لسى ما نزل
راح ينزل برمضان
فيه جيفنشي موديلين بس مقاساتها 55 وتحت
واسعارها 210 و280
دنهل متوفرة جميع المقاسات بس انا مو مقتنع فيها كشماغ
والدليل انها بعد كم غسلة تصير كرمشتها بزيادة
يعني ما يمديك تلبسها مرة وحدة الا وهي مكرمشة
عموما انا طولتها وهي قصيرة
بس المعلومات ذي كنت محتاجها انا سابقا
واكيد الكثير منا محتاجها
لذلك حبيت يستفيد منها الجميع
ومن له اضافة فاتشرف فيها
ولكم مني خالص التحايا وأنقاها


خصم يصل إلى 25%