المراهق الكسلان
22-09-2022 - 06:47 pm
السلام عليكمانا لم أزر الاردن من قبل وحاب ازورها بعد رمضان ان شاء الله انا وزوجتي وحبيت استفسر عن بعض الامور ,,,,, اتمنى ان تجوبوها لمن يمكلك المعرفة ؟؟؟
1- ايهما افضل اجي بالسيارة (وانا مادل شيء) ابدا او اجي بالطائرة ؟؟ وهل اذا جيت بالطائرة يوجد تكاسي و مشرفين سياحيين وهل تاخذ التاكسي باليوم او بالمشوار ؟؟
2- كم المسافة بين الحدود السعودية وعمان بالكيلو مترات ؟؟؟ والمسافة بين عمان والحدود السورية ؟؟؟ وكم تبعد اربد والزرقاء والبحر الميت عن عمان ؟؟
3- ايهما افضل الشقق الفندقية او الفنادق ؟؟؟ وهل يوجد احياء يفضل السكن فيها ؟؟؟شكرا لكم .............
السلام عليكم
يا عزيزي
ابالنسبة لاسئلتك
انا بقترح عليك تيجي بسيارتك اذا بتتحمل سفر البر بالنسبة للمسافات بين السعودية وعمان ما بقدر افيدك لانو بختلف حسب الطرق والمدينة الي انتا طالع منها الشباب راح يفيدوكبالنسبة للتكاسي في عمان بطلعو معاك على العداد وفي منهم بستغلو انك غريب وما بشغلو العداد اول اذا بدك تطلع في تكسي لا تسألو كم بتوخذ ؟؟ لأا اطلع في التكسي واحكيلو وين رايح وراقبو بشغل العداد اول لأا اذا ما شغلو احكيلو شغلو لو سمحت
اذا اصر ما يشغلو وطلعلك اعذار قولو نزلني واخلص منو واي اشي بصير معك احكي مع الشرطة مباشرة
ثاني نصيحة بالنسبة للتكاسي في منهم اذا شغلو العداد كمان لأنك غريب ممكن يلفلك طريق اطول يعني هاي مشكلة ثانية
فالصراحة انا بنصحك تجيب سيارتك معك ممكن تشحنها من مدينيتك للقريات او تبوك ما بعرف بالزبط وبعدين بتكمل لعمان مش بعيدة بتوقع
كمان بعد رمضان بتكون شتا صعب تحصل تكسي بسرعة مرات
وعمان مش صعبة اذا اجيت بسيارتك بتتعرف عليها والناس بتدلك بسيطة
بالنسبة للمسافات
عمان الزرقاء بدك ساعة زمن او 45 دقيقة حسب الازمة بس ما الك مصلحة في الزرقاء فش فيها اشي تروح عليه
عمان البحر الميت نص ساعة -45 دقيقة
عمان اربد فيها 80 كيلو بدك ساعة ونص
بالنسبة للسكن شوفلك شقة مفروشة فندقية بتكون ارخص بعد رمضان من الصيف
او شوفلك شقة مفروشة في بناية من مالكها بعطوك اياها مفروشة والطبخ والنفخ والغسل عليك
من افضل الاماكن للسكن
الجبيهة-الجامعة-تلاع العلي- شارع مكة- الجاردنز- (عمان الغربية)
لا تسكن في مناطق بعيدة عن الخدمات او شعبية ما الك مصلحة
اي استفسار حاضرين