بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



أبو سلافـ أبو سلافـ
فزعتكم ابي استراحه حلوه بالرياض
25-09-2014 - 10:57 am

السلام عليكم ورحمة الله وبركاته

يالربع :11ight:

عندي مناسبة خاصه وابي أستراحه تكون حلوه ونظيفه وتكون بشمال او شرق الرياض

ياليت اللي عنده معلومه عن أي إستراحه يحطها لنا وماله إلا الدعاء





المشاركات

wszwsz wszwsz
فزعتكم ابي استراحه حلوه بالرياض


شاليهات كولسترز

إستراحه الضيافه (طريق القصيم تقاطع طريق العماريه)


أبو قمر أبو قمر
فزعتكم ابي استراحه حلوه بالرياض


وعليكم السلام ورحمة الله وبركاته


يا خوي عندي لك أستراحه حلوه ونظيفه

في شمال الرياض


أسمها الأنوار

حلوه بمنى الكلمه

سعرها

القسم 800

والقسمين 1600

وفيه أستراحه ثانيه حلوه مره

بس الأستراحه كبيره مره مره

حقة عزايم فيها ملعب كبير ومسبح ودكه وبيت شعر ومطبخ و صالة كبيره

ون كنت تبي أسترحه حقة عروس فأبشر

وأي حاجه أنا مستعد


مسافيرو مسافيرو
فزعتكم ابي استراحه حلوه بالرياض


في استراحة حلوة مرة بس الاثاث مومرانظيف بس حلوة {شاليهات كان زمان} انت تختار الحجم لو تبي كبيرة جابولك كبيرة لو تبي وسط ولا صغيرة يجيبولك اي شي:24::109:


نوف2008 نوف2008
فزعتكم ابي استراحه حلوه بالرياض


افضل استراحة العاذريه

بحي الصحااافه

مررره رووووووووووووعه نظام تراث ونظيفه وكبيره


سيرفس15 سيرفس15
فزعتكم ابي استراحه حلوه بالرياض



العاذرية حلوة

وفي استراحة على طريق الرياض سدير إسمهم الطبيعة يمدحونها للعزايم ..

وفيه إستراحة كبيرة شوي بس بعيدة عليك >> في الدرعية


والله يعينك


نايف نايف
فزعتكم ابي استراحه حلوه بالرياض


اخوي

مدري انت تبيها عشان عزيمه والا عشان تسكن فيها كم يوم والا عشان ايش ؟

حدد بالضبط


وراح اخدمك من عيوني


أبو سلافـ أبو سلافـ
فزعتكم ابي استراحه حلوه بالرياض


wszwsz


قواك الله

بس الشاليهات صغيره وأنا أبيها كبيره شويات

أستراحة الضيافه وين موقعها بالضبط ؟؟

وجزاك ربي الجنه والله يحرم والديك ومن يقرا عن النار ...


أبو قمر

ماقصرت ياغلاي أشهد أنك ذيب

الأنوار وين موقعها وهل هي صغيره و لا كبيره

وعطني وأنا أخوك وصف الثانية أنا أبي كبيره

وجزاك ربي الجنه والله يحرم والديك ومن يقرا عن النار ...



مسافيرو


هلا وغلا باحلى مسافيرو

بحطها ثاني أحتمال لي في حال أني مالقيت أستراحه

وجزاك ربي الجنه والله يحرم والديك ومن يقرا عن النار ...



نوف2008


هلا وغلا بوخيتي

وين فيه موقعها بالضبط وهل لهم تلفون

وجزاك ربي الجنه والله يحرم والديك ومن يقرا عن النار ...



سيرفس15


ياهلا وغلا فيكـ

بشوف العاذريه شكلها رايقه

إستراحة الطبيعه هي اللي قبل محطات القصيم على اليمين ؟؟؟

حقت الدرعية عندك أسمها ولا رقم تلفونهم ؟؟؟

وجزاك ربي الجنه والله يحرم والديك ومن يقرا عن النار ...


نايف

هلا وغلا بنايف

أبيها وأنا أخوك عزيمه بس أبيها تكون تشرح النفس لأن المناسبة تميمه لبنتي وأبيها تكون جلسه حلوه :surf

وجزاك ربي الجنه والله يحرم والديك ومن يقرا عن النار ...


شاي عاقد شاي عاقد
فزعتكم ابي استراحه حلوه بالرياض


ياليت تحطون ارقام انا ابي استراحة تشرح الصدر ونظيفة


Eqa3 Eqa3
فزعتكم ابي استراحه حلوه بالرياض


ياليت تحطون ارقام او وصفها بالضبط

العاذريه لو سمحتو رقمها او وصفها لانو مااذكر فيه شي في الصحافه

شاكره لكم



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

فزعتكم ابي استراحه حلوه بالرياض