الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
رجل مسافر
09-12-2022 - 12:53 pm
السلام عليكم احبتي أعضاء المنتدى وزواره الكرام شلونكم عساكم يخير -- اليوم جبتلكم تقرير وصور لسوق الجمعة بالكويت طبعا هناك اسواق بدول العالم مثل سوق الأحد وسوق الثلاثاء وغيره وكلها تتميز بالأسعار الرخيصة وحبيت اني أعطي فكره للأخوان زوار الكويت انه هناك سوق يتميز بالرخص نوعاً ما مع الإنتباه قد تكون بعض السلع نفس أسعار بره لكن ما يمنع ان الأخ الزاير يزور سوق الجمعة ويتعرف عليه وأنا أفضل زيارته بعد المغرب علشان الحرارة تكون منكسره شوي وانا بوريكم بعض الصور لكني صورتها بالليل مع المعذرة اذا كانت الصور مو واضحة وارجو ان تنال إعجابكم
السوق يقع خلف لولو هايبر بمنطقة الري ( الشويخ )

وهذي بعض الصور لسوق الجمعة

وهذي بقالة ومطعم ممكن طفي عطشك ببارد

شنط للبيع شرايكم ماركات ولا لا

النظارات آخر موديل ( ديرو بالكم )

عطورات ما تلاقونها بتناغرا ولا بيضون ولابدبنهامز

بدون تعليق

ياسلام أحسن شئ لل -----

وينك ياللي تبي تسافر

فيه سوق للمستعمل لا تقربون يمه

وبعد ماتخلص اشرب بارد واتكل على الله

وبعد الصور ارجو اني قد افدتكم بشئ


رحلتي الى الكويت
التعليقات (8)
هنوف1200
هنوف1200
مشكور وماقصرت على هالصور

navvaf
navvaf
ياحبي للقرابيع والبسطات الي كذا
احب الفسافيس مع انك اتحصل لوازم تستفيد منها كثير
برخص
تشكرات خيو

Hambka Q8
Hambka Q8
ودي اروحله يوم من الايام..
شكله يونس خ..
شكرا خيو ^.^

bnt_q8
bnt_q8
هذا سوق الجمعه اللي يقولون عنه ..
بس كنت اشوفه بالتلفزيون غير عن جذي ..

أروجي
أروجي
الله يعطيك العافية
بس عندي سؤال كيف حرارة الجو هناك
يقولون انها اكثر دول الخليج حرارة في الصيف

bohasoon
bohasoon
صراحة سوق الجمعة ممتع لكن الجو ما يساعد
فكرتك حلوة
الصور احلي و التعليق يضحك
تسلم الايادي

استقلال الحلوه
استقلال الحلوه
ماشالله الف شكر على التقرير عن سوق الجمعة
بس عندي ملاحظة
بعض التعليقات بصراحة موحلوة بحق الكويت

alrashedq8
alrashedq8
انا رايحله من زمان بس ماكان فيه مظلات وكاان صبخه
يمكن طوروه الحين
مشكور وماقصرت


خصم يصل إلى 25%