السلام عليكم
بالنسبة للسفر من اسبانيا الى فرنسا بالسيارة فهو سهل والطريق مهوب صعب.
سبق لي ان طلعت من مدينة بلباو (Bilbao) الى مدينة سان سابستيان (San Sebastian) شمال غرب اسبانيا بعد كذا الطريق أسهل اقظب بس الخط اللي يوصلك الى بوردو(Bordeaux) جنوب غرب فرنسا.
بعد مدينة سان سابستيان بتجيك الحدود، اهم شئ انك تحتفظ بتذكرة تاخذها بشكل آلي عشان تعطيعها لكشك بعد عدد من الكيلومترات، و تحتفظ بنقود معدنية عشان ترميها في علبة و ينفتحلك الطريق. كل هذا وانت بالسيارة.
لاحظ انك راح تكون بالشرق،مدينة برشلونه، والي مكتوب فوق بالشمال الغربي، فاحسن شئ انك تزور الموقع ادناه و تحدد موقع المغادرة (برشلونه) وموقع الوصول الي انت مخطط له.
http://www.viamichelin.co.uk/viamichelin/gbr/tpl/hme/MaHomePage.htm
الموقع رائع و يعطيك المدن الي تحتاج تمر عليها و الوقت المتوقع وخريطة مصغرة.
يبدو لي الطريق من برشلونه خلال مدينة اندورا لافيلا (Andorra La Vella) هو الافضل.
وبالنسبة لارجاع السيارة الى فرنسا فهو امر وارد، لكن يزيد السعر، ممكن تسوي كذا عن طريق شركة ايفيس (AVIS).
اقتراحي ترجع السيارة في جنوب فرنسا بعد يومين او ثلاث وتاخذ من هناك القطار الى باريس، لأنها تراها مشوار.

اخوي البيرتر..
يعطيك العافيه على هالمعلومات..
بس ابغى رايك،، هل ترى ان فيه مكان في جنوب او غرب فرنسا ترى انه افضل من آمسي؟، وتنصني اقضي ليلتين فيه او ثلاثه ؟
او وش رايك لو اسلم السياره في برشلونه واطلع بالقطار لباريس،، ومن هناك استاجر سياره؟
بمعى آخر: وش اروع مدينه في فرنسا لقضاء الثلاثة ليالي الأخرى

هلا SALAS
عندك خيارين اما انك تختارالجنوب الشرقي الي هو في الحالة هذة اقرب لك شوي. و هذه المدن الي ممكن تزوها في الجنوب الشرقي ولاحظ وكلهم حول بعض:
Nice, cannes, Merseille
اما الجنوب الغربي راح يكون عندك المدن التالية وكمان كلهم حول بعض:
La Rochelle, Bordeaux, Royan, Saintes
البعض يفضل الجنوب الغربي و انا منهم لهدوء المنطقة وأمانها، مع انه خلال رحلتك في اغسطس ماراح تكون مره هادية.
ممكن انك تزور آخر يومين في اسبانيا الغرب ومن ثم تروح الى جنوب غرب فرنسا في هذه الحالة.
بالنسبه للسيارة فأنصحك انك تاخذها من برشلونه وتظل معك وانت في جنوب فرنسا ومن جنوب فرنسا تروح لباريس بالقطار.
بالنسبة لمدينة آمسي، فما اعرفها.
تحياتي ،،،

السلام عليكم
أنا سمعت عن مدينة آنسي وشاموني وإيفيان وهم قراب من جنيف على ما أعتقد

خوش موضوع
أنا بعد أسمع أن الريف القريب من ألمانيا و سويسرا جميل يا ليت النطرق الى الريف الجميل الهادى اللي أبى أصيف فيه كل سنه مع العائله الكريمه.
همتكم حبايبي الله يخليكم لا تنسون أن العائله الكريمه وياي ولا كان أجرت سباره و وين ما تغيب الشمس أفندق (حلوه أفندق مادري من وين طلعت لاكن يمكن شعور الحريه طلعهاههه)
نسلمون أعضاء أفضل منتدى سياحي عربي
نحياتي