فيينا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
حسينو
09-08-2022 - 12:52 pm
السلام عليكم ورحمة الله وبركاته ..
هذي اول مشاركه لي وان شاء افيد واستفيد بهالموقع الجميل وبين اخواني ..
انا عندي استفسار واتمنى ما اثقل عليكم ..
انا زواجي في شهر 12 يعني 20 / 12 / 2009
والمدام بخاطرها فيينا-النمسا بس مادري انا اول مره اروح لهالديره والاسئله :
1- هل اللغه الانجليزيه كافيه هناك والا لازم بلغتهم ؟!
2- هل الوقت او التاريخ اللي بسافر فيه مناسب والا يكون الجو بارد والاسعار غاليه ؟!
ملاحظه : مع العلم ان ميزانيتي بشكل عام ما تتعدى 2000 د.ك تذاكر وفنادق ومصروفات والخ ...
3- هل العبايه والنقاب او العبايه فقط بالنسبه للمدام راح تسبب لنا مضايقات او احراج او ردة فعل من الشعب النمساوي ؟!
4- انا سفرتي مدتها 15 يوم هل هي فتره كافيه للسياحه في فيينا ومناسبه لميزانيتي 2000د.ك ؟!
5- ياريت تفديوني يا اخوان واخوات اي هو الافضل الشقق او الفنادق بالنسبه للميزانيه والمده ؟
ملاحظه : ياريت تنصحوني بفنادق او شقق حسب اجوبتكم وارائكم !!
6- واذا كانت فيينا ليست مناسبه بهالفتره ياريت تنصحوني وين ارووح - مع ضرورة التعامل باللغه الانجليزية -بالنسبه للميزانيه والمده ؟!
بلدان عربيه وماليزيا ما نبي
7- هل الحجز عن طريق السفريات أفضل ام عن طريق النت ؟
واي سفريات تنصحوني او اي موقع ؟؟
8- واي طيران تنصحوني ؟؟ الاماراتيه ام القطريه ؟ او أخرى ؟
وآسف على الاطاله وشكلي بطيت جبودكم


التعليقات (9)
ALI_Q8_77
ALI_Q8_77
اخوي اولا مبروك الزواج ..... ثانيا بتكون النمسا في هاذا الوقت جدا بارده وامطار تمنعك من المتعه فيها ... وايضا زيلامسي وسالزبورغ بتكون ثلوج وجميع الفعاليات الصيفيه مغلقه .... اما بالنسه للميزانيه يعتمد على سعر الفنادق والتذاكر ... وطبعا المصروف والاماكن الي بتزروونه يعني يبيله حسبه مع تقليل مدة السفر برايي ... كلمه ونصيحه ( خل السفر الى النمسا بالصيف ) وشكرا وانا بنتظار اي استفسار

بيمو
بيمو
مثل ماقالك خبيرنا واحب اضيف :
بالنسبة للوقت غير مناسب جدا .. ثلوج وبرد شديد بيعكر عليكم شهر العسل .. وبالنسبة للنقاب طبيعي وعادي جدا ويمكن نظرات استغراب من كبار السن فقط .. واللغة الانجليزية كافية .. وبالنسبة للميزانية تعتمد على سعر التذكرة اللي بتحصله ونوعية الفنادق .. والحجز عن طريق النت افضل بالنسبة للفنادق .. والطيران اللي تلقاه ارخص احجز عليه ..
بالتوفيق ..

Attractive Lady
Attractive Lady
يؤؤؤؤؤؤؤؤؤ انا بتزوج بشهر نوفمبر يعني هالوقت كله ثلوج
خلاص اجل بقوله يقدمه لشهر اكتوبر ولا انه يأجله الصيف انا مابي الا النمسا
والله بالمره حطمتوني

ALI_Q8_77
ALI_Q8_77
مبروك الزواج اختي وبالتوفيق

almutairi
almutairi
الف مبروك اخوي ... واحب اضيف علي كلام الاخوة انه في وقت سفرتك ستكون اعياد الميلاد وبكل تاكيد ستكون الاسعار مرتفعة والفنادق غالية

حسينو
حسينو
شاكر لكم جدا التفاعل مع الموضوع والله يعطيكم العافيه بس ياريت تنصحوني وين اروح بهالفتره بما ان الجو بارد وثلوج وامطار واسعار غاليه ؟؟؟
ارووح دولة اورووبيه ام اروح عربيه مثل مصر ام الامارات ؟

private banker
private banker
كفو و وفو الاخوان ...
أروع جو راح يكون في اكتوبر و اول كم يوم من نوفمبر...
في ديسمبر اكيد بيكون في برد شديد و غلاء مبالغ فيه بسبب النيو يير و الكريسمس و باقي الاحتفالات ...
الإمارات يمكن تكون خيار مناسب بما انه الجو راح يكون رائع جدا في دبي خلال هالفترة ..
اعتقد تونس او تركيا يمكن يناسبونك ايضاً ولكن للأمانة مازرت اي وحدة فيهم ولكن سمعت عن جمالهم من كثير ناس..
الحجز من النت اوفر بكثير جداً ... وأهم شي في الرحلة التحضير الكافي للرحلة (من حيث وفرة المعلومات) ..
و سفرة سعيدة يا عريس

noorsamar
noorsamar
دامه شهر عسل افضل لك الجزر
روح لك جزيرة موريشس او المالديف ، الوقت هذا يكون عندهم صيف لانها في جنوب خط الاستواء
تحصل في تقارير في قسم الجزر مع الخبير ابو عزيز .
ومبارك عليكم مقدما

حسينو
حسينو
مشكورين من كل قلبي حبايبي وهذا من طيب معدنكم واخلاقكم وبيض الله ويوهكم ..
شكلي راح اختاري الامارات او جزر المالديف مثل ما اذكروا الاخوان ..
الله يعطيكم العافيه يا اخوان وجزاكم الله خير ,,,


خصم يصل إلى 25%