السلام عليكم ..
بعد ما كتبت عن السيرك الاول .. كوزا Kooza الي مستمر بالعرض في امريكا ولكن بيكون في مدن ثانية ..
هذي صور لمن رحت له ..
خيمة السيرك ..
قسم المعروضات و الكافتيريا ..
ممنوع التصوير داخل .
بصراحه تقيمي له كان جيد جدا وحلو كتغير.
وبحكم ان عرض السيرك كان وقت دراسه في دول الخليج .. وكثير ما قدروا يرحون له احب اكتب اليوم عن سيركين مهوب واحد ..
الاول تقليدي وفيه حيوانات ..
العرض راح يكون موجود من 18 جولاي .. الى سبتمبر .. طبعا في بعض الايام يكون ما فيه عرض.
في بعض الايام اكثر من عرض و تختلف الاوقات على حسب اليوم.
موقعه في كوني ايلاند coney island..
تقدرون ترحون لها بالسياره و بنفس الوقت بالمواصلات العامه "Sub way"
بالنسبة للاسعار التذاكر:
صور من العرض:
الي يحب يشوف تفاصيل اكثر ويشتري تذاكر عن طريق موقعهم بس تاكدون ان العرض الي تشترون تذكرته هو الموجود في كوني ايلاند.
http://www.ringling.com/TopLanding.aspx?id=21270
انا ما اعجبني السيرك الي فوق يمكن حلو اكثر للاطفال.
طبعا السيرك هذا تبع السيرك المعروف : Cirque du Soleil
بعض شخصيات العرض:
العرض راح يكون في مدينه Newark في ولاية نيوجيرسي.
بس الحلو ان العرض سهل الوصل له من مدينه نيويورك عن طريق المواصلات العامة. يعني ما يحتاج سياره.
العرض راح يكون لخمس ايام فقط من تاريخ 15 جولاي الى 19 جولاي .. و بعض الايام فيها اكثر من عرض.
اسعار التذاكر:
في خصم للطلاب ب 25 دولار ولكن ما ادري هل يقبلون الطلاب الي من برا امريكا او لا.
العنوان و طريقة الوصل للعرض:
العرض بيكون في Prudential Center في نيوجيرسي.
الي ما عنده سياره الوصول للمركز الي فيه العرض سهل عن طريق Path وهذا قطار يربط بين مدينه نيويورك و ولايه نيوجيرسي.
انا بذكر اسهل طريقه تروح الى محطه WTC مركز التجاره العالمي الموجوده في منهاتن ومنها تركب قطار الباث Path "الخط الاحمر" ولكن انتبه ان القطار الي تركب اخر محطه يوقف فيها اسمها Newark
واذا وصلتوا للمحطه المركز قريب يمديكم تمشون له.
وعلشان ما يزعلون الي مهوب في نيويورك السيرك راح يكون في اكثر من مدينة .. وهذا الجدول يوضح بعض المدن والتواريخ..
الي بيحجز يتأكد انه يحجز في المدينه الي بيكون فيها لا يحجز في مدينه ثانية. و يتاكد من وقت العرض الي بيحجز له.
فيديو للعرض و معلومات اكثر و التذاكر عن طريق موقعهم:
http://www.cirquedusoleil.com/en/shows/alegria/default.aspx
"هذا العرض افكر اروح له خصوصا عرض يوم الجمعه او السبت او الاحد لاني بكون عطلت :8888: الله يعدي الماده الاخيره على خير"