1. :smile002:


2. أحيكم فردا فردا أحبابي في بوابة النور الفرنسية ,,,,


3. مالكم فالطويل حاجة

:smile002:

أحيكم فردا فردا أحبابي في بوابة النور الفرنسية ,,,,

وصلت بحمد الله الى مدينة ديفون بعد مغادره باريس فالساعة 4:10 عصرا عن طريق سيارتي المؤجره من يوكار :36_7_14: وقد اخترت طريق الهاي واي المتجة لليون ومن ثم اخترت الطريق الريفي لما فية من متعة ولكن الارتفاعات في قمم الجبال اخافت الاطفال وامهم :36_1_7:
وصلت في تمام العاشره مساء وبالغلط دخلت في فيلا جميلة جدا وبالصدفة وجدت سيدة كويتية واطفالها في بهو الفيلا وقلت لها تايه يابنت الاجواد فقالت ابشر بسعدك ماتضيع وانت في مضاربنا ولك الحماية بس اسفط سيارتك واعقل ناقتك وتقهو وعين من الله خير ادري فيك تعبان من وعثاء السفر فقلت على استحياء والله ودي بس الحجية اللي وياي معية ولسان حالها يقول معصي والله ماتنزل حتى لو تشرب ماي اصلا قربة الما اللي معانا للحين مليانة وتو معبينها من قلمة محطة توتال فقلت لا ياوليه اصلا انت مابتعرفيش ان الجماعة دول عندهم جواميس وبأر (بقر) وحليبها اطعم من حليب دانو شدو من ودانو ومن وينك ياحليب السعودية ومن الكي دي دي وعاملين شوية كرثي تاكلي صوابعك وراهم
يالله يامره افلحي وخلينا ننزل ونعين من الله خير نغتبق من هالحليب اللي فقدناه في باريس جعل مثوى جدتك صافيناز هانم الجنة

مالكم فالطويل حاجة

الكويتية جزاها الله خير دلتني على الفندق والله كنها ادلني على فرع جمعية بفريجهم اطلع يسار يجيك اول دوار اخذة سيدة وبتل يجيك ثاني دوار هم بتل سيدة لي صار على حجاجك الايمن مطعم فقلت الله الله (مندمج مع الوصف ) فقالت انت توحي فقلت الله الله للمره الثانية فقالت المطعم قلت ايه شفية المطعم قالت لاتشتري منه ترى اكلة ماهو حلال :112:
ووصفتنا فندقنا اللي عباره عن منتجع حلو وغرفة ممتازة بس اللي حيرني منه كأني داش شاليهات الخيران كل رواد هالمنتجع ربعنا الكويتيين
مع جوعي ريحة المجابيس تهب علي من كل مكان وانا ماعندي الا خبز وجبن لافاش كيري المثلث وشرايح خس واقول للعيال وامهم افتحوا الدرايش والبلكونه خلونا نتبخر بهالريحة الطيبة ونستنشق ريحة المجبوس :222: وناكل خبز وكل نشقة ومعاها لقمة خبزة والله كنهم معشينا الجماعة
المهم انا حبيت ابلغكم اني بديفون ووصلت بالسلامة والحين انا قفلت خلاص شطبت بنام :36_1_50: ولا كان طولت السالفة اكثر من كذا