تعلم اللغات الاجنبية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
criss angel
16-12-2022 - 04:28 pm
السلام عليكم ورحمة الله وبركاته
إخواني واخواتي زوار المنتدى حبيت اسأل عن اختبار التوفل هل تكفي سنه واحده لإجتياز هذا الإختبار علما اني ميح ابيض في اللغه يعني ممكن اذا حأدخل معهد ادخل من المستوى الثاني ... فهل تكفيني سنه للنجاح في التوفل لأني بأكمل ماجستير خارج المملكه والنظام زي ما انتم عارفين لازم اجتاز ولو طلبت تمديد للبعثه تمدد تقريبا 3 شهور حسب مااعرف ..


التعليقات (7)
بعد قليل
بعد قليل
هلا اخوي ،،، على حسب يعني على حسب
وشلون يعني إذا انت جاد بمعنى كلمة جاد و درست دراسة فعلية يعني تدرس بالمعهد وبعدين تطلع وتدرس اللي اخذته وتفهم زين وتحفظ كلمات ( كمية كبيرة من الكلمات ) . وايضا ممارسة كيفية الاجابة على القطع . وممارسة الاستماع والتدرب عليه زين مرة . راح تمشى . ولكن ايضا هذا على حسب الدرجة المطلوبة . يعني كم الدرجة المطلوبة للقبول .
وفي النهاية اقول على حسب جديتك وعزمك على الدراسة .
وعلى حسب الدرجة المطلوبة .
و اسال الله لي ولك التوفيق .

criss angel
criss angel
يعطيك العافيه أخي بعد قليل
الدرجة المطلوبه اتوقع ماحتكون أقل من 450 حسب ماسمعت من الشباب
وجزاك الله خير بالتوفيق أخي الغالي

زعيم الاحساس
زعيم الاحساس
اهلا وسهلا
شوف اخي العزيز ....
التوفل مو سهل مثل ما يتصوره بعض الناس ...ولا صعب مثل ما يتصوره بعض الناس
يبي لك تفهم كيف تلعب الاختبار مو كيف تحل الاختبار ؟؟؟
انت لو تحاول تضغط على نفسك كثير كثير كثير راح تجتازه خلال سنة
يعني تقدر تسمع لغة 8 ساعات يومياً والا لا ...
حاول تغير كل شيء انجليزي ...
فيه كتب للتوفل اشترها وحاول تمارسها
اذا حصلت لك واحد امريكي او كندي لأنهم هم اللي يعرفون الاختبار
فاتمنى تلتحق معه بدورة ...
كل شيء يجي بالادب واللي ما يجي نروح نجيبه ونجي
انت اضغط على نفسك وانا خوك ... واسأل الامريكي كيف اعرف
الغاز الاختبار مو اللغة نفسها ... :wink: :wink:
اتمنى لك التوفيق

criss angel
criss angel
زعيم الاحساس
يعطيك العافيه اخي العزيز
صراحة فتحت عيني ع شي ماكنت حاطه فدماغي
مشكور الله يسعدك
تحياتي

مالها حدود.
مالها حدود.
اهلا كريس أنجل
يبي لك تفهم كيف تلعب الاختبار مو كيف تحل الاختبار ؟؟؟
يازعيم الاحساس,أنا اعاني منها
وهي كلمه واسعه تعني اشيَن كثيره(اشيَن = اشياءن بس حبيت اكتبه كيذا )
تشمل الوقت
ومن ناحية الاسئله الابدا فالأبدا ..يعني الاهم فالمهم
وإلخ
اتمنى ان اجد لك مواضيع في هذا القسم يازعيم..فإجاباتك مُذهله
او ارشدني اليها
هل تكفي سنه واحده لإجتياز هذا الإختبار علما اني ميح ابيض في اللغه
كريس
انا مالي في الاختبار وهل سنه تكفي له,
ولكن لي قولك ( انا ميح ابيض )
فأقول لك.. اللغه سهله
ولكن أقدم عليها وانت صافي البال مركز,ناوي انك تجيبها
وراح تجيبها
وراح يصير لونك أسود بدل الابيض
لي في رد آخر
اللغه الانكليزيه ليست صعبه,صدقني
بس يبغالها حاجه وحده؟
(بال صافي,ومركز)
ويوم ماتتقنها بتحس.. ابي اتعلم لغه غيرها
فيه نصيحه توو شفتها للأخ زعيم ايضاً .. امش عليها راح تنفعك بأذن الله
الا وهي
اخي الفاضل ،
لتعلم اي لغة بالعالم كله يلزمك اربع مهارات اساسية فقط :
اذا اتبعتها واخذت من كل مهارة درس درسين راح تتطور >>>مجرب
1- القراءة ( اسأل نفسك كم تقرأ باليوم )
طبعا حسب مستواك اذا كان مبتدئ لا تروح للجرايد الانجليزية لا ...
اكتب في قوقل short stories يطلع لك ملاين القصص القصيرة
خذ وحدة واقرأها وترجم الكلمات اللي فيها وحاول انك تفهم بالاخير القصة تتكلم عن ايش.
2- الكتابة ( هل تكتب يومياً )
اكتب كل شيء جملة بسيطة ...يعني فاعل وفعل ومفعول به ...
subject + verb + object
I drink water.
اكل الفصفص ما ادري العنب حبة حبة خ
3- الاستماع والتحدث ( اسأل نفسك كم ساعة تسمع للغة ؟ ايضا كم ساعة تتكلم ؟ )
البعض يقول ما فيه احد اكلمه انجليزي وش اسوي . فيه حل انا مجربه وكثير اكيد ...اللي هو
القراءة بصوت عالي ...تقرأ كل شيء لكن بصوت عالي ...كأنك بتلقي قصيدة >>>فالك البيرق
بالنسبة للاستماع
حاول انك تسمع يوميا على الاقل ثلاث ساعات او اربع بدون ترجمة ...يعني لا تطالع بالافلام
وتقول والله اني سمعت ...حاول تسمع اي شيء لكن نصيحة بدون ترجمة
4- القواعد :
حاول تبدأ بالقواعد الاساسية ومو يوم او شهر او سنة راح تفهم القواعد ...
يبي لك وقت كبير لكن انت ابدأ بالاشياء البسيطة ...كيف اكون جملة ؟ وكيف اسأل ؟
و...يعني تبدأ بزمن المضارع البسيط وبعدها الماضي البسيط وتنتقل المضارع المستمر
وبعدها الماضي المستمر وبعدها المضارع التام وبعدها الماضي التام وهكذا ...شوي شوي
اخر شيء :
اذا طبقت كل المهارات مع بعض وخصصة على الاقل 20 دقيقة لكل مهارة راح تشوف تطور
وما يحتاج لا معاهد ولا هم يحزنون ...الا في القواعد لكن ليس الآن ...
لك اعطر تحياتي واتمنى لك التوفيق
.
.
كُل التوفيق لك

ابو الحروف2
ابو الحروف2

مالها حدود.
اخي العزيز كل عام وانتم بخير ، وشهركم مبارك
هل يوجد مواقع على النت تفيد في الاستماع ؟

HudaAbdullah
HudaAbdullah
ابو الحروف2
حياك الله
تفضل هذا الرابط وراح تحصل فيه موقع خاص بالأستماع وجداً واضح ...
https://artravelers.com/p/re/311341
بالتوفيق يا رب


خصم يصل إلى 25%