المقناص ... في مكان مرتفع على جبل .. توجد به قاعة للرماية و توجد كل أنواع الأسلحة رشيت لما قلت بس اهناك (( إرهابي انا ههه ))
تقدر تسأل تاكسي عن مكانه او استقبال الفندق ... أنا أذكر إني رحت له مشي مع الوالد
و بالنسبة للمطعم يوجد مطعم اسمه أعتقد علي بابا أو علاء الدين .. موجود بالقرب من ماكدونالدز في نفس السوق و بالقرب من فندق ثيرمال
يقدم مأكولات و مشروبات عربية و شيشه و صاحبه فلسطيني
و لا أعرف مكان أخر على رغم من ذهابي إلي كارلوفي فاري ثلاث مرات

مشكور اخوي وما قصرت بس اي جبل؟ ما في يمه علامة فندق شي مميز؟
والمطعم الي تتكلم عنه انا فعلا شفته اليوم بالصدفة
بس اكله زين؟
ومشكور وما قصرت

بالنسبه للرمايه ما اذكر بالظبط المكان وين .. بس تقدر تسأل .. اسأل استقبال الفندق .. وروح مع تاكسي .. ولو إن ترا مو بعيد حيل .. و لأن أغلب السياح اهناك يمشون لأسباب تتعلق بالرجيم و الصحه .. الكل يروح له مشي
بالنسبه للمطعم .. ترا أكله عادي (( زوجته وولده يطبخون )) .. بس عنده شيشه اذا تحب ... ويحط اغاني عربيه .. و ترا غالي شوي على إعتبار إن المطاعم العربيه قليله
بالنسبه لي أنا ما أهتم بلأكل في كارلوفي فاري و الكل ما يهتم اهناك ولو تلاحظ مافي تنوع في المطاعم .. عدد المطاعم قليل .. و اغلب المطاعم تكون ذات طابع تشيكي او اوربي و يقفلون بسرعه .. لأن أغلب السياح يعالجون من السمنه أو مختلف الأمراض و يلتزمون في برنامج غذائي في المصحات و الفنادق إلي يسكنون فيها
كارلوفي فاري هدوء .. راحة .. استجمام .. بشكل عام
حاول يوم تزور سوق Tesco تروح له عن طريق باص .. السوق كبير و ما يعتبر مجمع أو مول .. بس فيه كل شي .. مثل مركز سلطان إذا تعرفه
زرت مقهى تب سبورت ؟؟ ترا يفتح 24 ساعه ؟؟
زرت فندق جراند هوتيل بوب .. عنده مطعم يفتح للساعه 4 الفجر
ويوم الجمعه و السبت تلاقي في حركه كل الاماكن تشتغل لأن نهاية اسبوع

و في مطعم في امبريال يفتح للساعه 3 الفجر .. بس ما عليه إقبال إلا بنهاية الاسبوع بس
و أربع أماكن تفتح على نهاية الاسبوع على ما اذكر .. كالفورنيا .. شارك .. أيرش .. في واحد رابع ما اذكر اسمه
طبعا في العاصمه براغ الاماكن عد و خربط بس بكارلوفي فاري الاماكن محدوده لأسباب ذكرتها لك سابقا

مشكور وما قصرت ياالغالي

كارلوفي فاري كم تبعد عن براغ لان لسا جاي من كارفينا في التشيك والصراحه مدينه حلوه وهاديه

تبعد عنها حوالي ساعتين بالسيارة .. ولاتفوتك المدينة .