استراليا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
NNO
04-09-2022 - 12:55 am
السلام عليكم جميعا ,,
هذي أول مره اكتب بساحة استراليا لكثرة النصائح من الزملاء بأنها وجهه مفضلة للعرسان ,, وكلي أمل ان تفيدوني بما تعلمون بمايلي :
1. مدة الرحله ان شاء الله 19 يوم , تبدأ من 9 جولاي لحد 29 جولاي .
2. بما أن الرحلة رحلة شهر عسل ,, ارجو ان تفيدونا بالاماكن المفضلة وعدد الاقامه فيها .
3. تكلفة شهر العسل ,, نوعية الفنادق ,, خطوط الطيران.
4. الجو هل هو مناسب.
5. أفضل مكتب / وكالة طيران ,, تقدم عروض لاستراليا ,, ومتى تبدأ هذه المكاتب بتقديم هذه العروض.
6. كم من المبلغ يكفي لهذه الرحلة كتكلفة فنادق وطيران فقط ,, وهل 15,000 الف ريال سعودي كافيه.
7. سؤال أخير لو خيرتوا بين استراليا و "النمسا" اي الخيارين ستختارون,, وبوجهة نظركم ايهما سيكون الارخص بنفس المميزات والشروط السابقة.
شاكر لكم مقدما


التعليقات (9)
saroona989
saroona989
مبروك على الزواج والله يوفقكم ويهنيكم شوف أخوي بصراحة أستراليا حلوة وايد وأنا ودي أعيد التجربة مرة ثانية بس النمسا مارحتلها بس أنا متأكدة انها مونفس أستراليا بالرحلات طبعا والجو لأن رحلاتها وايد يعني يمكن ما يكفيك الوقت أنك تخلص كل الرحلات وبعدبن جوها روعة لأن عندهم شتاء يعني ماراح يكون في موجة حر مثل أوربا و بعدين كل منطقة بأستراليا لها طابع مميز مثلا سيدني كلها تكنولوجيا ومبانيها حلوة و أسواقها بعد .. وعندك ملبورن كأنها لندن منناحية المباني وسوقها حلو ورحلاتها حلوة مثل رحلة الثلج . أما جولد كوست خيال يعني الصبح تلبس صيفي و الليل تلبس شتوي ورحلاتها لا تعد ولا تحصى . بس في النهاة أنا محتارة نفسك يا أعيد التجربة مرة ثانية مع أبو العيال يا نروح النمسا ؟؟؟ إذا توصلت لقرار قولي

NNO
NNO
أجل راح أنتظر انا وانتي لين مايتكرم أحد من الاخوان ويرد علينا

فتى الشرقية
فتى الشرقية
حياك الله اخوي NNO
والف مبروك الزواج مقدما, ورزقك الله الذريه الصالحه
سبحان الله, انا كنت في نفس حالتك قبل سنه بالضبط, كنت محتار بين النمسا واستراليا
والاخير توكلت على الله واخترت استراليا لاكثر من سبب:
اولا... سهولة استخراج الفيزا من مكتب الخطوط الاستراليه (كوانتاس) حيث المطلوب فقط صورة الجواز وصوره شخصيه ومبلغ 375 ريال للشخص. احسب اسبوعين بالضبط والمكتب يدق عليك يقول لك تعال استلم الفيزا
بعكس الفيزا الاوروبيه اللي يطلبون شهاده من العمل وتامين صحي وكشف حساب من البنك و و و ...الخ :112:
ثانيا... الجو البارد والمنعش في استراليا خلال ايام الصيف. بعكس اوروبا اللي تجيهم موجات حر احيانا.
ثالثا... تنوع الرحلات والبرامج السياحيه في استراليا. كل شي تبيه وتتمناه كسائح... طبيعه خلابه, شواطئ جميله, مدن ترفيهيه, رحلات بريه وبحريه, جبال ثلجيه, .... الخ
والان نأتي الى استفساراتك:
1. مدة الرحله ان شاء الله 19 يوم , تبدأ من 9 جولاي لحد 29 جولاي .
2. بما أن الرحلة رحلة شهر عسل ,, ارجو ان تفيدونا بالاماكن المفضلة وعدد الاقامه فيها .
اقترح عليك قضاء 5 ايام في سيدني, 4 ايام في بريزبين, 11 يوم في جولد كوست.
3. تكلفة شهر العسل ,, نوعية الفنادق ,, خطوط الطيران.
حط ميزانيه حوالي 30 الف ريال على المده اللي ذكرتها, صدقني مو خساره في شهر العسل لانها رحلة العمر والذكريات الحلوه تعيش معاك للابد.
فنادق الاربع نجوم ممتازه وتوازي 5 نجوم عندنا في الخليج.
بالنسبه لخطوط الطيران, انا جربت الخطوط الاستراليه وكاثي باسيفيك. عيب الرحله الانتظار الطويل في هونغ كونغ. ممكن تجرب طيران الامارات عندهم رحله مباشره من دبي.
4. الجو هل هو مناسب.
الجو بارد في سيدني يعني لازم تاخذ معاك ملابس شتويه.
وبالنسبه لجولد كوست وبريزبن, الجو ربيعي في النهار, بارد ومنعش بالليل.
5. أفضل مكتب / وكالة طيران ,, تقدم عروض لاستراليا ,, ومتى تبدأ هذه المكاتب بتقديم هذه العروض.
الخطوط الاستراليه (كوانتاس) ولهم فروع في الخبر والرياض وجده.
6. كم من المبلغ يكفي لهذه الرحلة كتكلفة فنادق وطيران فقط ,, وهل 15,000 الف ريال سعودي كافيه.
اتوقع راح تكلفك 17 الف ريال على المده اللي ذكرتها.
7. سؤال أخير لو خيرتوا بين استراليا و "النمسا" اي الخيارين ستختارون,, وبوجهة نظركم ايهما سيكون الارخص بنفس المميزات والشروط السابقة.
استراليا
يمكن النمسا ارخص, لكن استراليا افضل من وجهه نظري كشهر عسل. النمسا لاحقين عليها بعدين اذا جونا عيال وما حبينا نبعد كثير
بالتوفيق ان شاء الله واذا في اي استفسار ثاني انا حاضر
تحياتي

NNO
NNO
فتى الشرقيه ,, ماقصرت على ردودك بس ياليتك وضحت الفنادق اللي سكنت فيها وأجمل ماشفت ,, وياليت المدة والاماكن وتكلفت الرحلة اللي رحت فيها بعد ,, ومادري سمعت ناس تمدح منطقة اسمها "بورا بورا" شو رايك ؟؟

فتى الشرقية
فتى الشرقية
حياك الله اخوي NNO
بالنسبه للفنادق في سيدني انصحك بفندق فور بوينت شيراتون (اللي سكنت فيه) او ستار سيتي او نوفوتيل
و في جولد كوست سكنت بفندق كورت يارد ماريوت في منطقة سيرفر بارادايس.
بالنسبه للاماكن السياحيه, ممكن تقرأ مواضيع الاعضاء في المنتدى ومنها:
رحلة الباحثه الى سيدني رحلة الباحثه الى جولد كوست رحلة طيف الورود الى جولد كوست وبريزبين شقراوي في سيدني شقراوي في بريزبين https://artravelers.com
ان شاءالله راح تلقى كل المعلومات اللي تسأل عنها والاماكن السياحيه بالصور
وبالنسبه لمنطقة تورا بورا...أقصد بورا بورا
للاسف ما أعرف عنها شي وما سمعت عنها.
اي سؤال ثاني انا حاضر
تحياتي

NNO
NNO
تسلم ياعسل ,, بس برضه ماقلت لي كم كلفتك وكم كانت المدة

PAPARAZZI
PAPARAZZI
اخوي نينو انا نفسك الحين عزمت الحمدلله انا وزوجي اننا نقضي شهر العسل باستراليا بس مثلك ابي اشوف الفنادق الزينة والاماكن الي ينراح لها بس اعتقد لشهر العسل احسن شي جزيرة لانها وايد هادية ورومانسية واحترت بين جزر فيجي وجزر بورا بورا الصراحة كل واحدة احلى من الثانية بس اخترت فيجي لانها اقرب من مطار بريزبن الطيارة تاخذ 3,30 على air pacific لكن الأسترالية تاخذ 7 ساعات لانك لازم تروح من بريزبن الي سيدني وتنتظر كم ساعة بالمطار هذا اذا كنت بجولدكوست اما اذا كنت بسيدني ممكن تاخذها بس ماعندي فكرة كم ساعة او شلون الرحلة واذا تبي تعرف انا حاضرة....
تحياتي......
والله يوفقك انشالله

فتى الشرقية
فتى الشرقية
يا هلا اخوي
رحلتي كانت 20 يوم (4 ايام سيدني, 4 ملبورن, 12 جولد كوست)
كلفتني 18 الف ريال تذاكر وسكن ومواصلات من والى المطار
واكثر من 14 الف ريال مصروف جيب ورحلات سياحيه وتمشيه
انا ما ذكرت لك ملبورن عشان توفر قيمة التذكره.
ونصحتك بمدينة بريزبين لانها قريبه من جولد كوست, اقل من ساعه بالسياره. والكل يمدح فيها
بالنسبه لمصروف الجيب ممكن توفر كثير في المواصلات والرحلات السياحيه.
مثلا رحله بلو ماونتن من سيدني كلفتني 120 دولار استرالي للشخص بالباص, وبعدين دريت ان القطار يروح لنفس المكان بقيمة 40 دولار للشخص. يعني كان بامكاني اوفر 160 دولار
وهلم جرا, ممكن توفر باغلب الرحلات.
احسب حسابك 10 ريال مصروف جيب ورحلات
تحياتي

NNO
NNO
السلام عليكم ,,
يااخوان هاللحين فيه عروض نزلت عن طريق الاسترالية هالايام ,, اكيد شوفتوها ,, وش رايكم فيها ,,


خصم يصل إلى 25%