باريس المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
sereemjio
07-10-2022 - 04:42 pm
ابسأل عن مصانع العطور في باريس وين مكانها بالضبط ؟ سمعت ان فيه في منطقة الاوبرا .. بس ودي اعرف تفاصيل عنها لو تكرمتوا ، و فيه مدينة في فرنسا قالولي ان مصانع عطور شانيل فيها ، و ممكن تشتري العطر منهم قبل لا ينزل السوق ، اذا تعرفون عنهم اي شي ياليت تفيدوني ...
و عندي استفسار فجأة ماله علاقة بالموضوع : سعر التاكسي من المطار الى اي مكان في باريس 50 يورو ؟؟ ولا حسب المنطقة ؟؟؟
جزاكم الله الف الف خير مقدما ...
في انتظار اجاباتكم ....


التعليقات (8)
أم سيف76
أم سيف76
هلا اختي في موضوعي رابط لمصنع من مصانع العطور اسمة فريغنرد
واختاري من الموقع المحلات الي في باريس وشوفي الصور من الصور تعرفين هالفرع فيه مصنع في الطابق الثاني مصغر ولا لا لان المصنع الكبير في غراس وفيها مصانع كثيرة غراس بس مالها فروع في باريس وفيه مصنع كتب عنه اخونا كير فور يو
عطوراته يبيعها سافورا والغالاري بس انا يوم دريت ان سفورا تبيع هالعطر قلت ليش اشتري منه اكيد جابوه وحطوة في فروعهم اهنيه بالسعودية عشان كذا ما فكرت ادور عليه حتى وفيه مصنعين غير الي اعرفهم بس موجودين في غراس يعني اذا بخاطرك عطور غير روحي غراس تراهم يمكن 4 او 5 مصانع
وبالنسبة لعطور شانيل ماعندي اي خلفيه عنها
ومن ناحية التاكسي يبدا السعر من 40 يورو الى 100 يورو لانه بالعداد يمشي

abofawaz
abofawaz
مصنع العطور اللي بباريس بجانب جاليري لافييت وفية متحف صغير وانا بسفرتي الاخيرة صورتة ويبيع عطور روعة وعند اختيار خلطتك راح تحتار اسم هالمصنع والمتحف fargonard musee du parfum
حاولت انزل الصورة ماقدرت لانة مبين عندي انة لايمكنني اضافة مرفقات ( اتمنى اللي عندة خبرة يعلمني شلون يمكنني اضافة مرفقات بحيث اقدر انزل الصور )
بخصوص المواصلات من المطار الى باريس فهي بحدود 45 يورو الى 70 يورو وهناك شركات فيها تكاسي تحت الطلب وكذلك سواقين عرب عادة تكون سياراتهم كبيرة الحجم بحيث تاخذ من 7 ركاب واكثر وتأخذ اكبر عدد من الحقائب وينصح بالتعامل معهم عند العودة لان الحاقائب تكون متخمة بالهدايا ووارمة من التسوق ويقومون بالدخول معك وتخليصك من كل اجراءات السفر والتاكس فري وخلافة لغاية دخولك بوابة السفر وسعرهم ب 80 يورو

sereemjio
sereemjio
مشكورين ما قصرتوا ، بالنسبة للمصنع الي ذكرتوه اذا ممكن تحطون موقعه بالضبط وين عن الجالاري لا فاييت ..
جزاكم الله الف خير ..

ام ريوم
ام ريوم
حبوبه هذا سايت ( رابط ) مصنع fragonard musee du parfum
http://www.fragonard.com/?noredirect=1
والسايت ممكن قراءته باللغتين الفرنسية والانجليزية والمصنع له افرع بكذا دولة
وهذا هو عنوانه بباريس
Le musée du parfum
9 rue Scribe
9PARIS
FRANCE
Tél: +33 (0) 1 47 42 04 56
Fax: +33 (0) 1 47 42 17 45
وهو يفتح من يوم الاثنين الى يوم السبت من الساعه 9 الصبح الى 6 الليل
اما يوم الاحد وايام العطل يفتح من الساعة 9 الصبح الى الساعة 5 الليل
وكل شي بالتفصيل بالنسبة للمرشد المرافق لج بالمتحف وموقعه بالضبط وقريب لأي مترو وغيره
كله بتلاقينه ان شاء الله بهذي الصفحة
http://www.fragonard.com/parfums_grasse/GB/fragonard/paris/
وبداخل السايت ذاكرين اسامي ماركات العطور اللي ينتجها المصنع
وان شاء الله جذي اتكون كل الأمور واضحة عندج بخصوص المصنع
مشاركاتي ...
https://artravelers.com

sereemjio
sereemjio
يعطيك الف عافية اختي ام ريوم ،، و الله يخليلك ريوم انشالله و تفرحين فيها ..

ام ريوم
ام ريوم
sereemjio
الله يعافيج اختي
ومشكورة على هالدعوة الطيبة
وحياج الله
مشاركاتي ...
https://artravelers.com/p/re/199276

abofawaz
abofawaz
فعلا كفيتي ووفيتي
دائما ياأم ريوم تخلصين وتتعبين على الرد اللي دائما يكون وافي ومعلوماتك دسمة ومن تردين خلاص ماتخلين احد يضبف جديد لانج ماتخلين شي
ماشاللة عليج يامميزة

ام ريوم
ام ريوم
abofawaz
الحمد الله .. عيل طلعت مميزة وانا مادري :55654:
هذا من ذوقك اخوي .. ثانكس
مشاركاتي ...
شي مو طبيعي ب .. اندونيسيا ! https://artravelers.com/p/re/247373The Three Colored Lakes
الأطعمة المحرمة باللغة الانجليزية ...... عن تجربه ...... دزني فرنسا ...... اهتم بصحتك و سافر https://artravelers.com/p/re/235741


خصم يصل إلى 25%