فيينا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
OZYEEE
21-07-2022 - 12:34 am
السلام عليكم ..
اخواني انا اول مره بسافر للنمسا او محتاجه مساعدتكم للتخطيط ..
احنا بنيي من فينيسيا فاللي عنده أسهل طريقة مواصلات؟
مع الاخذ بعين الاعتبار انه رحلاتنا في الى فيينا بتكون بعد جوله في ايطاليا ولكروز .. لذى بتكون الشناط ثقيله بعض الشي ..
السكن في فيينا بيكون في فندق ماريوت فالسنتر مثل ماشفت فالتقارير ..
فياريت تعطوني برنامج لقضاء 6 ايام فيينا .. نغطي فيها الاسواق والاماكن السياحيه ..
واهم المطاعم او مواقعها
وبعدها من فيينا الى زيلامسي ؟ هل القطار اسهل وسيله؟
ومانبي نبدل قطارات فشلون الطريقه؟ وشسم المحطات إن امكن!
في زلامسي .. بنسكن في فندق جراند هوتيل في زلامسي ؟ فشالبرنامج غير الثلج او الشلالات ؟
نبي نروح للمناطق اللي ممكن نروح او نرجع نفس اليوم فوين احسن شي نروح له؟
وشالطريقه؟ والاسواق القريبه؟
طلباتي كثيره لكن مابقى على سفرتي شي ! ومحتاره؟!
بانتظاركم!


التعليقات (2)
بيمو
بيمو
  1. حياك خبيرتنا الكريمة ..

  2. وهذة مجموعة برامج سياحية لزيلامسي :


حياك خبيرتنا الكريمة ..

طبعا الوسيلة الاسهل والوفر القطار .. لكن اذا كانت شناطكم مثل ماقلتي ( دسمه شوي ) تقدرون تستأجرون سيارة بسائق توصلكم .. واذا بالقطار هذا رابط للريال يوروب ( القطار الاوروبي ) هنا http://www.raileurope.com/us/rail/point_to_point/triprequest.htm.. ماعليك سواء كتابة الوجهتين والتاريخ وعدد الاشخاص لمعرفة المواعيد والرحلات المناسبة ..
هذي مجموعة برامج للاماكن السياحية والاسواق :
بالنسبة لفيينا في النهار قصر الشانبرون .. الجبل المطل على فيينا .. برج الدانوب للغداء .. التمشية على ضفاف النهر وزيارة الجامع الكبير القريب من البرج وهو على ضفاف النهر ..
ومساءً التمشيه في شارع الكارتنر .. شارع المارياهلفر ..وحديقة شتاد بارك .. ومنطقة الكارلز بلاتز وشتيفن بلاتز .. والبراتر ( الملاهي ) ..
بالنسبة للاسواق .. عندك شارع الكارتنر ( ساحة ستيفنز ) كله محلات وماركات عالمية .. وشارع الماريا هلفر كله محلات .. وبالنسبة للمولات عندك مول شوبنق سنتر سود .. وعندك اوت لت باندروف يبعد نصف ساعه وهو يستحق الذهاب له .
الذهاب الى زيلامسي بواسطة القطار من محطة Wien Westbahnhof .. ولابد من التوقف في سالزبورق وتبديل القطار لعدم وجود رحلات مباشرة الى زيلامسي .. و اسم محطتي سالزبورق وزيلامسي بنفس اسم المدنتين ..

وهذة مجموعة برامج سياحية لزيلامسي :

بالنسبة لزيلامسي ..التجول على البحيرة وركوب القوارب الكهربائية .. التمشية في وسط زيلامسي .. مرتفعات كابرون .. شلالات الكريميل .. ركوب الطائرة الشراعية والباراشوت .. الزحليقة الصيفية .. تلفريك اكسبريس في داخل زيلامسي ..
وهذا موضوع للاخت هداوة ( هنا https://artravelers.com/p/re/121015) لاكثر من 30 برنامج سياحي في زيلامسي .. وتفتقر زيلامسي للاسواق الكبيرة نظرا لصغر القرية .. ولكن يوجد محلات في على امتداد الشارع المقابل لبوابة القراند والى نهايته على اليسار ايضاً ..
بالتوفيق

OZYEEE
OZYEEE
يعجز اللسان عن شكرك اخوي بيمو ..
كفيت او وفيت جزاك الله خير ..


خصم يصل إلى 25%