روما المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
i6ali
06-02-2022 - 12:34 pm
بسم الله الرحمن الرحيم .....
في البدايه أحب أعتذر عن تأخري في الكتابه عن رحلتي إلى إيطاليا ....
لكن الظروف أحيانا تخلي الواحد مشغول على طول ....
و موضوع مثل هذا يحتاج تجهيز و يحتاج لتنزيل الصور لموقع مستضيف ......
لكن أتمنى أنكم تعذروني و لا تتوقعون مني موضوع مميز .....
لأني ماكنت حاط في بالي أني راح أنزله في منتدى أو راح يكون تقرير سياحي ....
المهم مالكم في الكلام الزايد ....
نبدأ على بركة الله .......
في البدايه أحب أقول أني سبق و أن تكلمت عن جزء من رحلتي ل إيطاليا في موضوعين منفصلين .....
الأول ::
أضغط هنا لدخول موضوع رحلتي إلى روما https://artravelers.com
الموضوع الثاني ::
أضغط هنا لدخول موضوع ديربي العاصمه لازيو -- روما ... متعه لا توصف https://artravelers.com
بعد انتقالي من روما كان يجب علي الذهاب لمدينة بيروجيا الايطاليه (( سامعني يا بن بطوطه اقوول بيروجيا )) لأنه راح يبدأ الكورس الدراسي تبع اللغة الايطاليه ...
و كانت رحلتي من روما الى بيروجيا بواسطه القطار (( التنقل في ايطاليا بالقطار أفضل وسيله خصوصا لو كنت تعرف تتكلم لغة ايطاليه حتى لو كانت بسيطه والسبب أنهم ماراح يخلونك في حالك و تلقى نفسك تسولف معهم بدون ماتدري و يروح عليك الوقت بسرعه عجيبه !! ))
و طبعا مدينة بيروجيا تشتهر ب أنها مدينة الطلاب الاجانب لوجود جامعات عريقه و لتميزها في هذا الجانب ولكنها في نفس الوقت ليست مدينه سياحيه ابدا ..
و مافيها الا أماكن بسيطه تقدر تروح لها ...
و رغم كذا صارت لي فيها ذكريات حلوه لأني للمره الاولى اروح ادرس في المدينه هذي .....
صور من المطل الموجود في وسط المدينه في يومين مختلفين
و طبعا تشتهر مدينه بيروجيا بكثرة الطلعات و النزلات ....
يعني الكل راح يتعب و الكل يشتكي من كثر ماينزل ويرقى ......
و ممكن تسئل أي شخص ايطالي وش اكثر شي تشتهر فيه بيروجيا ؟؟
يقول لك انها مليانه طلعات ونزلات
طبعا بعد وصولي أخذت تكسي من محطة القطارات للجامعه عشان اسجل أوراقي واكمل الاجراءات .....
و بعدها بديت أدور لي سكن مع عائله (( طبعا تلقى كم عجوز و كم شايب جالسين عند باب الجامعه و أنت تبدأ تختار و تحاول تشوف الي يناسبك ))
بعدها شفت لي عجوز وقالت لي ان بيتها قريب و ان الغرفه زينه و و و ....... الخ .
قررت أني أروح معها و توكلت على الله ....
و كانت المده 21 يوم مقابل 350 يورو (( تقريبا 1800 ريال )) .......
طبعا بدون وجبات و بدون غسيل ملابس ولا شي :112:
و رحت معها و حطيت اغراضي و ريحت شوي و بعدها بديت في اكشتاف المدينه .....
هذي النافوره موجوده في وسط المدينه تماما و حولها المحلات و المتحف الوطني و الكنيسه الكبرى في المدينه ....
و هذا تمثال لأحد القديسين الموجود بجانب الكنيسه الكبرى هناك ....
طبعا المدينه مافيها أشياء ممكن أني أصورها و أعرضها لكم عشان كذا لا تتوقعون أن فيه صور حلوه .....
لدرجه أني ما فكرت أني أصور في بيروجيا الا بعد اسبوع تقريبا من وصولي لها ....
و في اليوم الثاني و مع بدايه الكورس الدراسي اكتشفت ان نظام الدراسه في بيروجيا يختلف تماما عن باقي الجامعات .....
الاختلاف في نقطه بسيطه جدا و مهمه جداا بالنسبه لي ...
وهو ان عدد الطلاب كان كبير حوالي 80 طالب ....
و كانت صدمه كبيره بالنسبه لي .....
كيف ممكن استفيد من خلال هالعدد الكبير !!!
صار لي احباط كبير و كرهت بيروجيا في البدايه عشان هالشي ......
و طبعا الي خفف علي اني كونت صداقات من اول لحظه لدخولي القاعه ....
طبعا كانت علاقتي طوال فتره مكوثي في بيروجيا مع شخصين .....
الاول من اليونان
و هذي صورة خويي من اليونان (( والله من زود الشين فيه ))
طبعا صورته في القاعه الي ندرس فيها دائما .......
و الثاني كان من اليابان ....
(( مافيه صوره للياباني عاد اعذرونا ))
و كانت علاقه غريبه تربط بين مسلم و مسيحي و ملحد !!
صدقوني كانت علاقتنا كأنها من سنين و كان وقت كبير نقضيه مع بعض و ذكريات مستحيل أنساها ....
و هذي صور للجامعه هناك ....
صوره خارجيه للجامعه من الامام
صوره جانبيه للجامعه من الخارج
صوره داخليه لسقف أحد القاعات في الجامعه
صوره لأحد الممرات
صوره للدرج (( بالله ؟؟ ))
طبعا تلاحظون شلون التاثير الروماني في مبنى الجامعه و هي جامعه عريقه و في نفس الوقت شهادتها قويه .....
لي عوده مره أخرى لإكمال الموضوع و الكتابه عن المظاهره التي شاركت فيها ....
و ايضا كيف قضيت عيد الاضحى المبارك هناك ؟؟؟
و أمور اخرى ......


التعليقات (9)
ميلانو
ميلانو
اخوي ايطالي الحمدللة على عودتك القوية والرائعة
تفصيل جميل وصور اجمل من شخص مو غريبه عليه هذي المواضيع
وان شاءللة انك ماتطول الغيبه مرى اخرى ياعسل و ةتحرمنا من مثل هذي المواضيع

ايطالي مسافر
ايطالي مسافر
ياسلام عليك يا ايطالي
والله انك ولد مواضيعك تهز بلد
ايش هالزين كله
بالنسبه للجامعه المذكوره الصور مبينه انو جوها دراسي لأبعد حد
وعلى قولتك اخوي العلاقات السريعه والمؤقته دائما تكون ممتعه
لكن مالقيت الى هاليوناني شكله بخاري والى جاوي

الفارس الاسود
الفارس الاسود
تمام عليك اخوي
هذه السفره الجيده
تمشيه وهيصه
وتعلم لغه ايطاليه
الى ودي موت اتعلمها
لكن ان شاء الله قريبا
الف شكر لك على موضوعك الجميل

Hesham
Hesham
خبيرنا الأيطالي i6ali
بارك الله فيك ...
أنت تقول ان هالمدينه مافيها شي يذكر وبمجرد انك مكثت فيها كم يوم .. أرتحت لها وهذا بحد ذاته كافي ... مرات موب كبر المدينة هو حافز للراحة وربما يكون كبر المدينة نقمه ...
مضاهرات أفا والله وش هالعلم اخوي ناوي تودينا بداهيه ...
طيب تدري خلنا نشوف وش ينتهي عليه هاليوم وربك يستر ...
الف شكر لك وتميزك

ايطاليانو
ايطاليانو
الصوره حلوه جدا
دائما متميز ايطالي
لكن من جد شوقتني للمظاهرات
الله يسلمك على موضوعك
وننتظر الباقي

Awal_7abib
Awal_7abib
شوقتنا لهالبلد يخوي أيطالي
بس لو الله يفكنا من دول آسيا كان شفنا هالمدن من زمان
لكن ما نقول الا الله كريم وان شاء الله نشوفها بالقريب العاجل

njood_aldlo3ah
njood_aldlo3ah
الله عليك i6ali ريبورت رائع
وصور اروع يعطيك العافيه ولاتبخل علينا من هالمواضيع الحلوه الي نستفيد منها
تحياتي لك وننتظر جديدك دايم من المميز

fouad95
fouad95

برافو على هالمواضيع
ولو أن سالفة الخطوط السعودية في مطار جدة مالها داعي تكون موجودة في وسط موضوع روعة كذا
كأنها بهار حار مكتوت على قطعة حلى (مثال: شيز كيك ستروبيري)
تسلم يالإيطالي وعساك عالقوة

Red
Red
اخي العزيز i6ali
الله الله شهالزين الله يعطيك العافيه
منتظرين البقيه


خصم يصل إلى 25%