اندونيسيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
بومشتاق
10-11-2022 - 12:50 pm
  1. بخصوص كاها..........................

  2. وماجاكم الا الصدق

  3. تاريخ الاسعار هو يوم 2و 3 و 4 - 6 -2009م


مع التحية للجميع

بخصوص كاها..........................

يأاخوان انا رحت وشفت اكثر من مكتب هناك متخصص في الحجوزات وترى كاها حاله حال اي مكتب واللى شهر كاها هو الناس خلال 2 او 3 سنوات الماضية
بعطيكم الحقيقه اللى صار كله خلال هذي الرحله وتأكدت بنفسي انه الحجز من كاها خاصة او من مكتب سياحي عامة هو خطأ اذا كان مش مبني على سؤال في مواقع النت للفنادق او زيارة مواقعها والتعرف على الاسعار عامة...........بتقولون لي ليه؟؟؟
اليكم الموضوع::
اول شي يااخوان عند التفكير في السفر والتخطيط على دولة معينه راح نفكر في السكن اول شي ووين راح يكون وكم قيمة الليله الواحده ووين مكانه بالنسبه للمدينة اوكي شي جميل
اول حاجه ندخل النت على مواقع الحجوزات ونشوف الاسعار الموجوده وحتى الاماكن نشوفها على الخريطه ونتأكد من موقعها وايضا صور الفندق ونسجل اسم الفندق اللى نبقى وكم قيمتة ونركز على كذا فندق في هذي المنطقة...
بعدها نروح نستفسر من موقع الفندق ونشوف الاسعار فيه ايضا.........ونمر على جميع الفنادق اللى اخترناه....
وبعدها ايضا نستفسر من كاها وغير كاها من المكاتب الموجوده..........
ونشوف النتيجة..............
طبعا ياخوان بتقولون والله شغله وماادري ايش.... لا والله انا صار لي هالشي وحبيت اقولكم لا كاها ولا غيره
انا الاسبوع الماضي كنت هناك واول ماوصلت وماني خبير في اندونسيا ولا شي نسمع ونسمع واول مره اسافر لها ولوحدي ومريت المحلات والمكاتب في المطار لغاية مالقيت خوينا هذا المكتب اللى تسمونه كاها,,,,,,,
وقفت عنده وسألته عن اسعار هذي الفنادق :
الجرند المينتنج 3 نجوم - البارك لين 5 نجوم - مناهتن 5 نجوم - اكاسيا 4 نجوم - باراغون 3نجوم - ايبس 4 نجوم
ركزوا معاي وعلى الاسعار الموجوده....
الجرند المينتنج 3 نجوم - 360الف روبية
البارك لين 5 نجوم - مليون ومائة روبية
مناهتن 5 نجوم- 850 الف روبية
اكاسيا 4 نجوم- 580 الف روبية
باراغون 3نجوم - 350 الف روبية
ايبس 4 نجوم- 420 الف روبية
هذي كانت اسعار كاهاا.....
اما اسعار النت كما هي مسجله عندي قبل سؤالي عنها كانت كالاتي:
الجرند المينتنج 3 نجوم - 350الف روبية
البارك لين 5 نجوم - مليون و95الف روبية
مناهتن 5 نجوم- 900 الف روبية
اكاسيا 4 نجوم- 750 الف روبية
باراغون 3نجوم - 400 الف روبية
ايبس 4 نجوم- 380 الف روبية
طبعا انا لي خوي ساكن في الجرند مينتنج وقالي اترك عنك الخربطه وتعال لي وخلك من كاها...
رحت الجرند مينتنج 3 نجووم ودخلت وعند الرسيبشن خويي واقف وسلم علي ويشوف الوضع شنو بسوي مع الاخوان في الاستقبال قلت لهم كم السعر قالوا 320الف قلت طيب وعشان المشوار خ قالي 300الف واخذت الليله ب 300الف
والله ويمين انه في اقل من 24 ساعه جبت اسعار الفنادق الباقية بعد زيارتي لمواقعها في اليوم الاول والثاني وهي كالاتي :
الجرند المينتنج 3 نجوم - 320الف روبية طبعا اخذته ب 300الف فقط لليلة الواحده وجلست فيه ليليتن يستاهل (:
البارك لين 5 نجوم - 980 الف روبية
مناهتن 5 نجوم- 720 الف روبية
اكاسيا 4 نجوم- 460 الف روبية
باراغون 3نجوم - 310 الف روبية
ايبس 4 نجوم- 380 الف روبية:8888:

وماجاكم الا الصدق

تاريخ الاسعار هو يوم 2و 3 و 4 - 6 -2009م

هذا للعلم وحبيت انقلكم الصحيح واللى المفروض تسوونه لا كاها ولا غير كاها يااخوان ابحثوا في النت وبالتلفون وبالمكاتب السياحية وشوفوا الفروقات وراح تعرفون شنو تختارون....وللعلم ترى المكاتب كلها سوى مافي شي اسمه في اندونسيا اذهب الى كاها فقط واترك الباقي...والشي الثاني المنتدى خذ واستفسر منه واسأل لاتاخذ اي كلام وتمشي وتضيع وتضيع فلوسك هواء...:bounce8:
تحياتي للجميع واتمنى أفدت البعض في موضوع كاها...


التعليقات (9)
jaka
jaka
اخوي الغالي
شكرا لك لطرح تجربتك
كتبت رد طويل عريض ثم توقفت عن اكماله
ان اردته ساكتبه لك لكن قبل وضعه ساقول لك انه قاسي وقد لا يعجبك
دمت بود

هاروس باقوس
هاروس باقوس
اخوي الغالي ( بومشتاق )
نشكرك على هذا الموضوع المتكامل من ناحية البحث والتدقيق الشخصي لتوضيح الصوره ..
صدقني اخوي من قدم الشهره لمكتب ( كاها ) بكل أسف هم اناس لا يريدون ان يفعلو اي
شي غير ادفع استلم الفاوتشر حق السكن وتوكل على الله !!!!
يا اخوان السفر متعة وريح نفسك واشتر راحتك بفلوسك هذا كله صحيح
بس
المتعة اكثر عندما تعرف انك وضعت فلوسك بالمكان الصحيح بشكل صحيح
ليش ما يكون سفرك مخطط قبل السفر بوقت كافي
اكثر من يذهب الى إندونيسيا مع الاسف الف مره ومن واقع تجربه
قص تذكره وانطلق بدون اي حجوزات او السؤال والبحث عن طريق ( الانترنت ) او المكاتب السياحية
وينزل المطار وسيده على ( كاها ) والله استغرب هذا الشي والمشكلة (( نشرو هذي الثقافة )) !!
بين الكثير من المسافرين الى إندونيسيا وخاصة الجدد ...
وهذا اكبر غلط ارتكب بحق الكثير حيث تم برمجتهم بسالفة
( لا تحجز ولا تهتم لحجز السكن من يوم تنزل المطار سيده على مكتب كاها )
حتى اصبح المكتب ضامن الزبائن في كل لحظة ..... !!!
يجب يا اخوان ان يكون تفكيرنا بشكل جمعي صحيح ( للمصلحة العامة )
ولا يتم توجيهه بشكل فردي عن طريق جهل بالبديل أو لمطامع شخصية ... !!
تقبلو تحياتي.

فوق مستواك
فوق مستواك
مشكور يالغالي وحمدا لله على السلامة
فنادق الثلاث نجوم اسعارها بدون حجز افضل لانها تكون متقاربة والمكتب لايستفيد اي عمولات منها
اما الخمس نجوم الفرق يكون اكثر من 20% الى 30%
وانا اتفق معك بخصوص وجود مكاتب كثيرة وتعطي اسعار ربما افضل من كاها
لكن كاها غالبا مسيطر وذو سمعة جيدة
وبصراحة الشرح يطول عن الحجوزات والمكاتب
لكن المكاتب هي الافضل للحجز لكن يجب ان نبحث عن مكتب جيد
بعض المكاتب تحصل على اسعار خاصة جدا لبعض الفنادق بينما المكاتب الاخرى لاتستطيع
الحصول عليه يعني سمعة المكتب علاقاته بالفنادق وهل بأستطاعته احضار وتنسيق
عدد كبير من القروبات والسياح للفندق كلها تأخذ بعين الاعتبار
ومكاتب المطار دائما يكون التخفيض في السعر اقل من المكاتب الخارجية وهذا متعارف عليه
في كثير من الدول
تحياتي لك

زائر
مع احنرامي لك ومن تجربة كاها ارخص لكن مو من المطار المكتب اللي في المطار اغلى ممكن تحجز ليلة ولما تريح روح لكاها اللي عند الاتريوم وعندك كاميليا او فهمي وهما يزبطوك وعلى فكرة تراهم يتكلمو عربي او انجليزي او كلمهم من السعودية واحجز ومن المطار عليهم دايركت وتاخذ الفوشر.

أبن السعودية
أبن السعودية
الله يعطيك العافية يأخوى بو مشتاق على شرحك وتفصيلك للموضوع لاكن الاغلب تكون
المكاتب السياحية أرخص من الفنادق تحية طيبة لك أخوى الكريم بو مشتاق 000

ببياي
ببياي
مشكور اخوي على المقارنه بس ياليت اللي عنده رقم كاميليا او فهمي يعطيناه بما انها يتكلمون عربي علشان نتصل عليهم قبل السفر ونشوف

عربي جاكرتا
عربي جاكرتا
تجربة طيبة
لكن ليست شافيه ولا كافيه
قد تشتري عناء الدوران بين الفنادق بفارق عشرة اوعشرين ريال
على العموم
انا ودي اشوف رد جاكا القاسي

رحال شرقي
رحال شرقي
السلام عليكم
اخوي بومشتاق وضعك انت مختلف
لان هناك من سهل لك عملية الحجز والسكن
لكن غيرك قد يلف ويدور على الفنادق ولايجد حجز
يعني مرمطة بعد تعليق في الجو لاكثر من 8 ساعات
والفارق زهيد لو حجزت من احد المكاتب انا لا اقول احجز من كاها
لكن الحجز عن طريق المكتب ايسر واسهل واريح خاصة عند وصولك
فإذا استقريت بإمكانك البحث عن الافضل والارخص وانت مروق
تحياتي للجميع

هاروس باقوس
هاروس باقوس
حياكم الله إخواني
ما ودي أطول الكلام
نحترم النقاش وتبادل الاقتراحات
بس الظاهر يوجد من يرسخ قاعدة ( لا تفكر نفذ فقط ).
لأنه من شب على شي شاب عليه ...
وهذا الرابط دليل على ذالك :
https://artravelers.com/p/re/288208
يريدون منا ان نقول (كاها) وبس والباقي خس
عجيب والله
رسخو هذي الثقافة في السابق وألان يريدون ان يسلبوك حتى مجرد التفكير في البديل !!
المشكلة يوجد من سجل هنا مشاركة بأسلوب و (( مستوى.. )) مختلف عن ما سجله هناك ..
مع الخيل ي .... !!
مع كامل احترامي للجميع


خصم يصل إلى 25%