بالفعل 15 يوم شوي على بولندا
هو عموما غريبة عادة اذا كانت الفيزا اول مرة تستخرج يعطونك على حسب المدة الموجودة في التذكرة مو على حسب مدة السكن .. الشي الثاني بولندا شينجين يعني اذا تقدر تستخرج على السريع فيزا ايطالية بحكم انها الاسهل بحيث انها تدخلك بولندا .

1. عزيزي s.trader


2. انا ما ادري انت ايش اللي طيحك على هالسفارة

s.trader
في البداية تحية طيبة للجميع .. والسلام عليكم ورحمة الله وبركاتة

عزيزي s.trader

انا ما ادري انت ايش اللي طيحك على هالسفارة

انا زرت القنصل البولندي قبل فتره يمكن قبل شهر ونص وانا وكيل لاحد المصحات في بولندا اسم المصح St.george وصاحب المصح بنفسة زارني في السعودية ومر السفارة وقال لهم ان هالمكتب وكيل لي وياليت تتعاملو معه وتساعدونه في استخراج الفيزا واعتماد فاوتشر الحجز تبعه المهم مالك في الطويلة كلمت السفارة واخذت موعد على الساعه 12.00 ضهراً بعد ما رحت للسفارة كانت السفارة عبارة عن مدخل صغير للزوار مساحت الغرفة اللي يستقبل فيها المسافرين او طالبين الفيزا تتراوح بين المترين في ثلاثه متر ولا فيه مكيف وحر وباكستاني ما ادري هندي يستقبل الطلبات مع خشمه المهم عرفته بنفسي واعطيته عروض المكتب عندي وخطابات التوصية من رجل الاعمال البولندي وراح كلم تلفون وقال لي خلاص تعال لي يوم الاربعاء !! قلت له ليش ؟ انا مكلمك وانت قلت لي القنصل موجود وتعال والحين تاجلني للاربعاء ليش ما اعطيتني الموعد على التلفون ؟ قال لا القنصل في اجازة راح يجلس شهر !! (( من الغباء انه يقول لي بيسافر شهر وفي نفس الوقت يقول لي تعال بعد يومين عشان المقابلة مع القنصل ,, !! شكل السفارة هذي فيها خمسين قنصل )) المهم تشادينا بالكلام على بعض ومن ضمن الكلام (( قلت له ياعزيزي انا من الناس اللي جالس ادعم السياحة العلاجية في بلدكم وما جيتك عشان اخذ فيزا شنقن لاني اتعامل مع السفارة التشيكية ولو اطلع كل يوم 200 فيزا من التشيك ماراح احد يعطلني .. لكن انا جيت لبولندا لان العلاج في بولندا يطول اكثر من 90 يوم ونحتاج نمدد فيزا العملاء من شرطة الاجانب في بولندا .. قال لي باختصار شديد (( انت شايف انك تدعم السياحة العلاجية في بلدنا وان المصحلة لنا .. لكن احنا شايفين ان احنا ندعمك والمصلحة لك ))
عموماً السفارة هذيك بالعربي يعني بعد ما قابلت القنصل اللي فهمته منه انه مانبي احد يجي بلدنا لكن مازلت ادخل جوازات عملاء بولندا عندهم واخذ المدة اللي ابغاها من عندهم ولكن بخطابات من نفس المنتجع في بولندا ومدة استخراج الفيزا عندهم ما تتعدى 14 يوم بالكثير
تحياتي لك . ونصيحتي لك ولكل من شاف هالرد البولنديه لا تجونها
تحياتي معالم التشيك ,,,

شكرا اخي العزيز على هذه المعلومات والتنبيه وبارك الله فيك

Arsenal-R7
شكرا على التعقيب ,, انا طلعت الفيزا البولندية مو حبا في هالدوله ولا انا رايح لها , انا رايح المانيا وما ادري وش دخل هالسفارة في راسي وكنت مصمم اني اطلع الفيزا منها ...
معالم التشيك
حياك,,
سالفة الحر والباكستاني اللي هناك تبين سوء هذه السفارة والله يعينك اذا انت مازلت تتعامل معاهم,, وألف شكر على التنبيهات واتمنى الجميع يتجنب هالسفارة

حياك الله اخوي داوود ,, المنتدى واللي فيه يستاهلون كل خير ..

اكسلانس
الايطالية ؟؟؟؟؟؟؟ هذاك اول الحين الموعد بالنت ومو مشلكه اذا الشغله تنظيم بس طلعت مع الاسف تصريف لانه ما فية موعد بالرياض اطلاقا ومع ان المواعيد تبداء الساعه 9:30 حتى الساعه 10:30 وكل دقيقتين موعد خاص باللي معه جواز او جوازين يعني يستقبلون 30 شخص و60 جواز ومن 10:30 حتى 11:30 للذين معهم اكثر من جوازين وحتى 9 كل اربع دقائق موعد طبعا هذا شيء حلو ومنظم ولكن الكترونيا فقط اما على ارض الواقع فلانني لم اجد موعد اطلاقا ذهبت بنفسي للسفاره ومع الاسف حصلت الشباك الخاص بالفيزا السياحية فاضي ما عنده اي مراجعين والموظف مقفط عفشه وماشي وحصلت فقط خمسة اشخاص وكلهم يبون فيزا بزنز وشباك البزنز فقط هو الذي يستقبل اخذت رقم وصفيت معهم وخمس دقايق وصلني الدور قدمت اوراقي وسويت نفسي ما ادري قالت فيزا بزنز قلت لاء قالت لازم تسوي موعد لانه ماعم بيمشي الحال قلت ما ذبحنا في السفارات الا حقين كلمة ماعم بيمشي الحا ا ال يعني النت ما فيه موع والشباك فاضي شكلها تصريفه مع العلم بان القنصلية في جده تقدر تحصل موعد من اليوم الثاني واللي يبي يشوف بنفسه ويجرب يدخل موقعهم ويختار جده بس باللغه الانجليزية علشان يفتح له رابط مواعيد جده تحياتي

s.trader
السلام عليكم
أنا اول مرة اطلع فيزا وودي اروح لبولندا
بس انت ما تنصح اني اروح للسفارة البولندية, أجل اروح لاي سفارة؟
و مشكور

والله يا anaszaker اذا بتروح بولندا اوكي طلع من السفارة البولنديه لكن لا تتوقع انهم يعطونك مده طويلة راح يعطونك على حسب الايام وخذ بعين الاعتبار انك تقدم عليها قبل بشهر ونص كحد ادنى....
حاول قدر المستطاع انك تستخرجها من غير هالسفاره حتى لو تبي تروح لبولندا,,, شوف السفارات: التشيكية-الايطالية-اليونانية-البلجيكية.