ايطاليا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
OZYEEE
11-05-2022 - 12:12 am
  1. السلام عليكم ..


السلام عليكم ..

انا بحاجه ماسه لمساعدتكم .. خصوصا انه موعد السفر 30-6 يعني مابقى عليه شي وهذي اول زياره لي لايطاليا من اوروبا رحت من قبل جينيف او باريس وبريطانيا .. واكثر وحده عجبتني جينيف .. فزرتها اكثر من مره .. المهم ايطاليا جديده علي وماعندي اي خلفيه عنها ياريت تساعدوني ..
أولاً - حاولت ابحث فالتقارير المصوره عن تقرير يشمل رحلة الكروز الى الخط اللي بنروح عليه .. ولضيق الوقت مامداني ابحث في كل مكان و مالقيت فياليت اللي يتذكر تقرير فيه هالخط يعطيني الرابط ولا عليكم امر ..
الخط يطلع من .. روما ويمر نيس في فرنسا ويمر فلورنس وجنوا ويصل الى برشلونه ويرجع الى ايطاليا
وللي ماعنده تقرير بس راح فهالرحله .. شالنصايح؟ شنو افضل الرحلات اللي نروح لها في كل محطه؟
ثانياُ - الفنادق في اول شي احنا حجزنا في روما - فندق ماريوت بارك هوتيل.
شلونه؟ انا شفت انه شوي بعيد عن السنتر لكن في باص مجاني كل ربع ساعه يودي!
بس احد جربه؟
انا سمعت انه في اسواق فالضواحي رخيصه وفيها اشياء .. يعني مب خرابيط اشيا تسوى
المطاعم القريبه .. المده في روما 4 ليالي .. اول يوم بنقضيه فال110 open وبنشوف فيه الاماكن السياحيه والاثار .. او مانبي نرجع لهم فالايام الباقي ..
الايام الباقي شنسوي؟ وين نروح؟
ثالثاً - ميلان - الماريوت ايضاً احد جربه؟ وشلون موقعه ومستواه؟ واذا في اكثر من واحد او لا؟
بنقضي فيها ليلتين شنو اهمهم؟
رابعاً - فينيسيا (ستار هوتيل) شلون الفندق؟ ومستواه وشجنبه؟ ووين نروح وشنشوف الجو في شهر يوليو شلون؟
اخيراً - طريقه الانتقال من روما الى ميلان ومن ميلان الى فينيسيا ومنهم الى النمسا نفضل القطار طبعا .. او اذا الطياره الداخليه احسن ليش؟ وكم الاسعار و من وين نحجز؟
الباقي فالنمسا بسأل فالبوابه هناك .
ومشكورين


التعليقات (8)
الزعيمة
الزعيمة
اهلا .....خبيرتنا.....
لي رجعة بأذن الله.....انتظريني

الزعيمة
الزعيمة
هلا اختي......عدنا
بالنسبة لايطاليا.....لاتتوقع انها بتكون زي جنيف......لان سويسر افضل من ايطاليا بأشواط لا من ناحية
الطبيعة او الجو
او حتى النظافة!!!!!!!(مع كذا احب ميلان):8888:
استفساراتك........بخصوص الكروز.......انا ما قد جربت الكروز بس اخي الهلالي عندة تجربة ممتعة بالنسبة
للكروز وهذا رابط الرحلة..........
https://artravelers.com/p/re/143802
انا بقفز من السؤال الاول الى السؤال الثاني....لاني لا امتلك خبرة بفنادق روما.....
بالنسبة لميلان......فندق ماريوت ميلان..... فندق رائع بس بعيد عن السنتر......الافضل انكم تسكنون في
الدوامو
مدام هي بس يومين اريح لكم................وممكن ارشح لك كم فندق اذا حبيت بس انت ماعليك الا انك
تقول لي من اي فئة حاب الفندق وكم ميزانيتك بالليلة وكم عدد الاشخاص.....
بالنسبة لفندق فينيسيا.....اذا انت تقصد هذا الفندق.....
http://www.starhotels.com/hotel/splendid_venice_venezia/starhotels_splendid_venice.php?idalb=18&lin=2
فأنه رائع بجميع المقايس.......لا غبار علية
نجي للجو...........الجو في ايطاليا حر في يوليو....بالليل احسن شوي الى حد ما.....بس اذا رحمنا ربي
من بعوضهم :112:
التنقل بالقطار اختيار موفق بجميع الحالات.....الا ان مشكلة الشنط هي المملة....
يعني اذا كان معكم شنط كثيرة من ميلان الى النمسا فالافضل ان تأخذون الطيران الاقتصادي
واسعاره جدا رخيصة مقارنة بأسعار طيران الاوربي العادي:x1:
وبالتوفيق اختي الكريمة.....

OZYEEE
OZYEEE
يعجز اللسان عن شكرج اختي الزعيمه ..
يزاج الله خير ..
بالنسبه لميلان .. نبي فندق 5 نجوم او 4 مب اقل ..
الميزانيه مب مشكله وعدد الاشخاص 4 يعني غرفتين ..
الماريوت طلع علينا ليلتين ب240 دينار بحريني لغرفتين
يعني قريب من ال2400 ريال سعودي
مثل ماقلتي المده قصيره فنبي مكان كلشي يمنا ..
احنا عندنا تايم شير مع الماريوت عشان جذي نفضل انه الماريوت يكون اول الخيارات عشان نستفيد من النقاط ..
لكن في هالحاله مب مشكله ..
الستار هوتيل اهوا اللي بنسكن فيه ان شاءلله ..
جزاج الله خير اختي وماقصرتي ..
By the way
انا اختج
ياريت احد يساعدني فالبرنامج فهالايام والاسواق

الزعيمة
الزعيمة
هلا اختي.....اعذريني صايرة النظر رايح فيها من كثر الردود على النت......
بس ولا يهمك....ببدأ انتبه زين من المرة الجاية غاليتي....
بالنسبة للفنادق في ميلان.......بعطبك بأسماء فنادق مميزة في ميلان.....قريبة جدا من الدوامو
Starhotels Rosa
Grand Hotel Plaza
Hotel De La Ville
Hotel Straf
اخر واحد موقعة رهيب....الا ان ديكوراته غريبة!!!!
اذا جلستكم كله يومين....خلي اول يوم في الدوامو وماحوالينها من اسواق
اذا عندك اطفال.....فروحي اوت لت سكريفي سيرفالي....لانهم عندهم محل كبير لملابس الاطفال لماركات كبيرة بنصف
السعر.......
اما اذا ما عندك اطفال....فروحي اوت لت فوكس تاوون في لوغانو....ومنها ممكن تمرين على كومو
وبالتوفيق غاليتي

DUDE911
DUDE911
مرحبا بخبيرتنا
أنا مرة سكنت بالماريوت
صراحة كان حلو بس مشكلته انه بعيد عن كلش يعني لازم تكسي دايما
بس تراه قدام محطة القطار على طول

DUDE911
DUDE911
نسيت أقول لك
مرة سكنت بستار هوتل روزا
صراحة كان ممتاز وجوا الدوامو

الهلالي
الهلالي
والله بالنسبة لي الموقع مهم و هذا رابط بخصوص فنادق روما :
https://artravelers.com/p/re/226597

OZYEEE
OZYEEE
الزعيمه .. معذوره يالشيخه ومشكوره ماقصرتي ..
دخلت على موقع Straf عشان اشوف الصور حسيت اثاث الغرف جامد ..
اظن بنستقر على Starhotel ..
وبالنسبه للسوق مامعانا اطفال فأن شاءلله بنختار الاوت لت الثاني ..
يعطيج العافيه
DUDE911 .. شكرا على اظافتك اخي الكريم ..
وبالنسبه للفندق قالولنا انهم مسوين خدمه باص مجاني يودي لوسط المدينه .. كل ربع ساعه ..
المشكله انه استعيلنا او دفعنا .. اللحين شفت من الرابط اللي عطاني اياه الاخ الهلالي فندق روعه
الهلالي .. اوافقك 100% ..
لكن ان شاءلله نعوض هالشي فالمناطق الثانيه شكراً لك اخوي..


خصم يصل إلى 25%