افريقيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
00روعه00
11-12-2022 - 08:57 pm
السلام عليكم ابغى اسالكم الله يجزاكم خير زوجي مسافر يوم الخميس القادم بتاريخ 11/6 الى جوهانسبيرج للعمل ويبيجلس فيها يومين بعدين بيروح لمدينه ثانيه تبعد 70 كيلو بيجلس فيها يومين بعدين مدينه ثالثه ورابعه وخامسه وكل مدينه يومين وكلهم قراب من بعض بعدين بيرجع جوهانسبيرج 10 ايام وبعدها لكيب تاون اسبوع سياحه سؤالي وش رايكم:انا وولدي عمره 4سنوات نجلس اثناء تنقلاته في جوهانسبيرج في الفندق او نتنقل معاه هو خايف علينا يقول تجلسون في الفندق أأمن من انكم تتنقلون معاي وعلى فكره اذا بنجلس الفندق على حسابنا اما اذا كنا معاه على حساب الشغل وسؤال ثاني ذا تنصحوني اجلس وين اسكن ابغى فندق مو غالي وآمن بنفس الوقت اهم شي الامن الله يخليكم لا تتأخرون علي موعد السفر قرب


التعليقات (9)
تركي الخرج
تركي الخرج
شوفي أختي روعه
الله يخليكم لبعض ويديم مودتكم
ويخلي لكم البطل ابو 4 سنوات
اقول روحي معه واعتبريها سياحة والوضع آمان إن شاء الله
مو معقولة تجلسين بالفندق لوحدك
أنا أشوفها صعبه
وانواع الملل
واللي فهمته من كلامك لو جلستي بالفندق راح تجلسين 10 أيام لوحدك
لا لا
أنتي بين أمرين
ياإنك تروحين معه وتتنقلين معه ******** والوضع آمان إن شاء الله
ولا تجلسين في بيتك الله لايهينك >>> في حال رفض زوجك الخيار الأول
تمنى لك التوفيق أختي
وتروحون وترجعون بالسلامه
أ

نجمة النجوم
نجمة النجوم
انا مع اخوي ارهابي مومعقولة تجلسين كل المدةبلحالك روحي معه وما يكون الا كل خير............

00روعه00
00روعه00
الله يجزاكم خير ومشكورين يا ارهابي قلوب ويا نجمة النجوم مشكلة زوجي انه يشيل هم وحريص وخواف زياده عن اللزوم يقول صعبه اني انقلكم معي الديره ماهي امان وانه بيتنقل مع قروب الشغل يقول وشلون اشيل معي حرمه وطفل مع رجال حاولت اقنعه ناخذ سياره بسواق لحالنا كذا يكون أأمن واريح لنا وله واوسع صدر واوفر من انه ناخذ فندق 10 ايام بس مو راضي يقتنع يقول ياتجلسون بالفندق او لاتسافرون معاي الحقوني بعد 3اسابيع اكون خلصت شغلي ونطلع سوا على كيب تاون سياحه طبعا الحل هذا مستحيل اولا من ناحية الشرع مايجوز اسافر لحالي بدون محرم ثانيا صعبه اسافر انا وطفل المسافه ماهي قريبه ثالثا انا ساكنه لحالي في جده واهلي واهله في الرياض صعبه اجلس ببيتي 3اسابيع وتوني جايه من اهلي جالسه عندهم 10 ايام لان زوجي مسافر للشغل معليش فجرت راسكم وقلتلكم قصة حياتي هاه بعد القصه الطويله هذي وش رايكم

00روعه00
00روعه00
جبت لكم جدول زوجي وانتم احكمو بتاريخ 14/6 في رستنبورغ وبتاريخ 15/6 في بريتوريا وبتاريخ 17/6 في رستنبورغ وبتاريخ18/6 في بريتوريا وبتاريخ 20/6 في بلومفونتين وبتاريخ21/6 في بريتوريا وبتاريخ 24/6 و28/6 في جوهانسبيرغ وش رايكم الله يخليم لا تتاخرون علي

00روعه00
00روعه00
وش دعوه كل شوي افتح الصفحه مافيه تفاعل مافيه ردود ما احد تحمس معاي زعلتوني منكم

مهبط الوحي
مهبط الوحي
السلام عليكم ورحمة الله وبركاتة
فكرتك حلوة انه ياخذ سيارة لكم لوحدكم توصلكم فقط للمكان اللي بتجلسو فيه وكل مرة كذا
واذا رافض مافي الا الجلوس في البيت والله ييسر امرة ولكن ::::::::
جلوس لوحدكم في السكن مرة مو رأي صايب

00روعه00
00روعه00
مشكور اخوي مهبط الوحي واتمنى من الاعضاء او المشرفين اذا عندهم فكره عن كم تبعد هذي المدن عن جوهانسبيرغ اكون شاكره لكم جميعا

نجمة النجوم
نجمة النجوم
طيب روحو معه واذا وصلتو لبريتوريا اجلسي في الفندق يعني خلي جلستك في بريتوريا لانها تقريبا اكثر مكان بيروحلة واذا رجع جوهانسبيرق ارجعي معه ومنها لكيب تاون ....وش رايك؟؟

00روعه00
00روعه00
الله ينور عليك يانجمة النجوم والله اني فكرت بالحل هذا حتى احس انه بروتوريا احسن من جوهانسبيرغ احساسي بمحله ولا لا


خصم يصل إلى 25%