انا كنت في كييف في الثلث الاخير من مايو الماضي قعدت فيها اربع ايام
الجو حلو ومشمس
والامان موجود حيث كنا نتمشى على
طول الاربع ايام محد ضايقنا او تعرض لنا واياض استعملنا المترو ليلا وكل شي طبيعي
بالمحلات والمطاعم نعن تلاقي من يتحدث الانجليزيه
الشعب من الشباب يطقطق انجليزي بس لا تحط هذي انها مشكله

اشكرك اخوي بس ودي اسئل عن العمله اي عمله يستخدمون وبالنسبه الى لبس النساء النقاب عادي ولا منبوذ وهل يوجد لحم ودجاج حلال وبالنسبه للمواد الغذائيه هل هي متوفره وترى رااح اأذيك بكم سؤال بس بعد ماتجاوبني على اسئلتي وشاكرلك على الاهتمام

كوويتي مسافر
افا عليك اذني كثر ما تقدر
والشي اللي اعرفه راح اجاوبك عليه

والله انك اخجلتني بردك السريع واشكرك على وسع صدرك بالنسبه للعرب ينصحوني بالمنتدى بعدم التعامل معاهم بسبب الاستغلال انت شتقول يعني اتعامل معاهم ولا لأ والسكن عندهم نظيف ولا لك عليه والاسعار اشلونها رخيصه ولا غاليه والمطار اشلون عنه اموره سهاله ابي تفيدني عنه وهم ترى راح اأذيك بكم سؤال اذا اخطرت الاسئله على بالي وشاكرلك على الاهتمام بصراحه انت جيتلي من السماء شاكرلك

كوويتي مسافر
المطار ليس كبير , تنزل من الطياره وتركب الباص يوديك لبوابه كونترول الجوازات , اول ما تدخل المطار عليك بتعبئه ورقه موجوده تكتب فيها اسمك ومعلوماتك المطلوبه , وكم يوم بتقعد في اوكرانيا وعنوان السكن (اهم شي عنوان السكن).
طبعا الورقه مكونه من وجهبن دخول وخروج , انت تعبي الوجهين , الموظف سيختم على الاوراق وعلى الجواز ويعطيك ورقه الخروج , وعند انتهاء السفره والمغادره عليك بتسليم الوقه الى موظف الجوازات (لاتضيعها).
طبعا انا وم حضرت لكييف بس سألني سؤال واحد موظف الجوازات , قالي هالعنوان , عنوان فندق , قلت له نعم .
وبس

مشكور ماعليك امر المكتب السياحي وين عنوانه بالكويت؟ الموظفون بالمطار يتكلمون انجليزي؟ والورقه هل هي بالانجليزي؟تعرف احنا بالكويت مانعرف غير الانجليزي اقدر امشي نفسي فيه ولا لازم اربع وعشرين ساعه معاي مترجم؟تعرف الواحد هم وده يمشي بروحه هل اقدر اسلك معاهم؟هل لديهم رز يعني بالكويتي عيش؟ وهل متوفر البسمتي هذا السؤال من المدام؟؟؟ بالنسبه للمترو هل متوفر بكثره ولا لازم اأجر سياره اوتكسي واسف على كثرة الاسئله بس مثل ماقلتلك انت طحت علي من السماء ومحتاج منك معلومات وسامحني ترى بواصل اتعبك كل ماخطر في بالي سؤال ها صج بالنسبه لسلع الاطفال متوفره من المميات والاحفاضات وهم هذا السؤال من المدام ؟؟؟ واحنا شاكرين تعاونك معانه.

كوويتي مسافر
كل شي موجود
مميات وحفاظات ودلاغات ههه
حياك الله اخوي باي وقت

مشكور على الردود الجميله بس لوسمحت خلك متواصل مع الموضوع لان من الممكن اسئلك كم سؤال بالايام القادمه واشكرك على وسع صدرك

كوويتي مسافر
افا عليك انا متواصل معاك
وكل يوم اشيك على موضوعك هذا
على فكره في اعلان بجريده الراي العام اليوم الثلاثاء 9 يونيو
مكتب مسوي عرض تذكره وفندق ما اذكر كم بالضبط بس تقدر تشيك عليهم تشوف