فرنسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
nohaty
22-09-2022 - 06:27 pm
انا باسافر لفرنسا وسويسرا وش احسن برنامج حلو وموكلف من جميع النواحي
من السكن
والاماكن الي تستحق زيارته
والتنقلات
والتسوق
والمطاعم
وش رايكم تنصحوني اروح احجز من مكاتب للبرامج السياحيه ولا تضرب بالاسعار-----


التعليقات (9)
أم سيف76
أم سيف76
بصراحه اذا انت اول مرة تسافر فيها اوربا
انصحك ببرامج المكاتب السياحية وانا اتعامل بكذا مكتب بصراحة كل مكتب عرضة احلى من الثاني
شوفي هالعرض بس لسه ما تقصيت عن السكن وين
الرحلة 14 يوم 7 في باريس و7 في لندن
تذاكر ونقل من والى المطار في المدينتين ووسكن وبداية الرحلة من مطار الدمام ب9500 ومن جدة والرياض ب9100 للشخص
عروض لخمس ايام و4 ليالي رائعه مثل ريدسون ساس ب1530 ريال للشخص معا فطور واذا شخصين ادبل السعر
طبعا بس سكن
ماريوت الشانز ب6500 ريال لنفس عدد الايام واذا شخصين دبل السعر معا فطور طبعا
واجد عروض عند المكاتب لفي عليهم واخذي البرشرات الي عندهم وقارني موقع بوكنج معا العرض وشوفي الافضل
والله يسر امرك يارب

طبشوره
طبشوره
أختي ضروري تحددين وقت و مدة السفر حتى نقدر نساعدك
عموما لو فرضنا انه الرحله اسبوعين
الذهاب لزيورخ و العوده من باريس
من مطار زيورخ تتوجهون مباشره الى
انترلاكن 5 أيام
جنيف أو مونترو 5 أيام
بالقطار 3 ساعات و نص إلى
باريس 5 أيام
الحجز من الانترنت غالبا أفضل و أرخص من المكاتب السياحيه

nohaty
nohaty
مشكوره أم سيف76 على مرورك
وصحيح هذه اول مره اسافر بس اكيد البوكينج موثوق ومجرب اخاف اروح واتوهق هناك ---

nohaty
nohaty
مشكور 6am 6am اومشكوره على مرورك
انا رحلتي راح تكون من 8 جولي الى 17 جولي يعني 10 ايام راح تكون بديتها من باريس --- ثم سويسرا
ابي فندق حلو ورخيص
وميزنيتي 15الف ريال غير التذاكر بس معيشه هناك وسكن تتوقعون تكفي ---

أم سيف76
أم سيف76
  1. nohaty

  2. هلا يالغالية بوكنج ما علية غبار

  3. بعدها شوفي الفنادق والاسعار

  4. نجي للغدا وجبتين لكم من ماكدونالدز بالخضار او السمك 30 يورو

  5. يعني تقدرين تزيدينها 150 يورو وتصير لك وجبتين غدا وعشا او انك

  6. ركوب قوس النصر للشخصين 16 يورو


nohaty

هلا يالغالية بوكنج ما علية غبار

امان واوكي وسهل التعامل بس مثل ما قلت لك فيه عرووض كثيرة وانصحك تخلين احد من اخوانك او زوجك يلف على المكاتب الثقة بالسعودية او في منطقتك وانا انصحك بالمكاتب الرسمية مثل الطيار وفرسان والزامل وكانو اهم شي مكتب كبير مو مبتدأ ويجرب فيكم ويطلب بس عروضهم لباريس وسويسرا طبعا العروض هم دايم المكاتب يعملها على ورقة ملونه a4 او كتيب وفيه المسار كامل بحيث في البداية تشوفين الطياران لازم يكون من نفس المنطقة الذهاب والعودة اوفر لك اما الذا كانت رحلتك دمام باريس
جنيف دمام مثلا
راح تكون اغلى
فتخلينها دمام باريس دمام وتفتحين مواقع الخطوط
وتشوفين ارخص الاسعار شيكي الخطوط الهولندية klm والقطرية والاتحاد والسعودية وطيران الخليج والاردنية والتركية
الفرنسية لالالا

بعدها شوفي الفنادق والاسعار

اذا سكنت في فنادق بقيمة 500 ريال معناها 10 الايام ب5000 ريال يبقى لك الف ريال يومي = 200 يورو لشخصين صح؟ يبيلك بصراحه ازيادة افضل
المترو في باريس عشرين بطاقة ب24 يورو تقريبا تكفيك 5 ايام 4 ليالي بحيث تستخدمينها من المطار الى الفندق ومن الفندق الى محطة جاردينورد عشان تروحين منه جنيف او انترلاكن وتذكرة انتر لاكن مو بسيطة انا ماعندي خلفيه عن الاسعار لان استاجر سيارة بس فية مواقع تفيدك بالاسعار

نجي للغدا وجبتين لكم من ماكدونالدز بالخضار او السمك 30 يورو

لفة بالباص الاحمر لمدة يومين او ثلاثة ب24 يورو دخول لبرج ايفل ب12 يورو ركوب نهر السين ب11 يورو تقهوي بسيط ب20 يورو دخول متحف اللوفر ب10 يورو واذا رحتى لقصر فرساي ببطاقات المترو راح تركبين باص من المترو عشان يوصلك لحد القصر بعد بمبلغ ودخول كل قاعة بمبلغ يعني راح تصرفين بفرساي يمكن 50 يورو من دخول القصر a ةقاعة المرايا بسعر الحديقة بسعر وتاجرين لك سيارة صغيرة او تركبين قطار يلف فيك بالحديقة بسعر لانها كبيرة حييل ما تنلف بالرجل
دخول دزني بللبارك والستديو ب59 يورو للشخص
اذا تبين نحسبها بشويش بنشوف كم تكلفتك
بالوجبات 30 باليوم ×5 ايام= 150يورو
لفه بالباص راح تاخذين تذكرتين ومرة وحدة راح تشترين التذكرة لفترة تواجدك ب48 يورو
دخول برج ايفل راح تدخلينه مرة واحدة ب24 لشخصين
التقهوي البسيط وكامل لشخصين ب100 يورو
نهر السين لشخصين 22 يورو
متحف اللوفر 20 يورو
دزني ب120 يورو تقريبا
فرساي ب100 يورو
كلها 584 يورو = 2950 ريال سعودي لمدة خمس ايام في باريس

يعني تقدرين تزيدينها 150 يورو وتصير لك وجبتين غدا وعشا او انك

ركوب قوس النصر للشخصين 16 يورو

هذي المصروفات لو نحسبها لمدة 5 ايام تكلفك بس بشرط الاكل من الفاست فود والتقهوي تتاكدون من الاسعار قبل ماتطلبون لان باريس اغلى مافيها دخول دزني والاكل اما التنقل بالمترو ورسوم دخول الاماكن التاريخية ما فيه اي تكلفة
وخلي اخر يوم لك في باريس اشتري منه اشياء للذكرى وبس او عطر عن خاطرك
وراح تكون روحة اقتصادية بحته
وان شاء الله قدرت احسبها لك صح

فراشة سويسرا
فراشة سويسرا
شوفي تقريري هاذا وان شاء الله بينفعج جدول لمدهة 9 ايام في باريس
https://artravelers.com/p/re/279990

nohaty
nohaty
مشكوره ياقلبي على مرورك ومن نجد شرحتي الرحلة صح الله يسعدك
وانا اصلا تحمست اروح الباريس من رحلتك مرره كانت تجن الله يوفقك-----

الشيخة هلا
الشيخة هلا
ام سيف
والله انك شيختهم
تسلمين يا قمر على المعلومات الحلوة الي استفدنا منها
وتسلم الي سألت
ولو تعذريني يالغلا بسؤال اوجه للاخت ام سيف بخصوص فنادق مجربة لليالي ب 500 ريال
سواء بسويسرا لانه زوجي يحبها او باريس؟؟؟؟؟؟؟
وكيف عن الجو نهاية شهر 7 وبداية شهر 8؟؟
وتسلمون

أم سيف76
أم سيف76
الشيخة هلا
تسلمين يالغالية ما نسوي الا الواجب
بس من ناحيتي ما جربت فنادق ليلتهم 500 ريال بس مرة في موضوع لاحد الاخوان او الاخوات طلب فنادق بهذه الاسعار وحطيت له روابط الفنادق من موقع بوكنج
ومثل ما قلت له يبان على الخيل اثمانها
وهذا النص الي كتبته له
فيه مثل يقول يبان على الخيل اثمانها
اذا تبي رخيص عليك تحمل العواقب
يعني ممكن نظيف بس اثاثة قديم او خدمتهم شينه او بعيد اشوي عن الشانز او غرفة صغيرة حييل معا ان اغلب غرف باريس صغيرة بس الواحد يخاف من النظافة على العموم هذي ارخص الفنادق وتعتبر شبه قريبة من الشانز مونسية اليزية Monceau Elysées
https://www.booking.com/hotel/fr/monceau-elysees.html?aid=1300939
سعر الليلة تقريبا 400 ريال
الفندق الثاني Hotel Elysée Park
https://www.booking.com/hotel/fr/elysee-park.html?aid=1300939
سعر الليلة 500 ريال
الفندق الثالث Angleterre Etoile
https://www.booking.com/hotel/fr/angleterre-etoile.html?aid=1300939
سعر الليلة 500 ريال
واغلبهم 3 نجوم او نجمتين
الفندق الرابع Hôtel des Pavillons
https://www.booking.com/hotel/fr/des-pavillons.html?aid=1300939
وسعر الليلة 500 ريال
من ناحية الاجواء هذا الموقع راح يفيدك كثير
http://www.wunderground.com/global/stations/07157.html
وان شاء الله قدرت افيدك بشي


خصم يصل إلى 25%