انا بعد لو يذبحوني مافهمت حق لااندر قراوند وكل ماسالت احد يقول سهل جدا
فهمتي....؟
طيب كيف افهم ....؟
هو به محطة اسمها سهل جدا...........؟
طيب نبي توضيح....وش لون...؟ وش زون 1 و2 و3

ههه يابنت الفيصل وراك معصبة لا تخافي انتي تابعي الموضوع وبالكثير يومين وانتي خبيرة بالاندجراوند من البيت تر ا الاعضاء مايقصرون ان شاء الله .. وانا حاس اني فاهم بس خايف انا يكون فهمي غلط عرفتي؟
عموما انا ابي انتظر واشووف الردوود

ترى انا قبل ما أطلع على باريس كنت شايل هم الدنيا كلها فوق راسي من ناحية الأندرجراوند وقريت كثير في المنتدى لكن ما فهمت الوضع مزبوط إلا يوم طلعت هناك في أول مشوار ليا وصلت وفهمت الطريقة هذا ومترو باريس أصعب كثير من مترو لندن .
حاولوا تقروا كثير وتسألوا كثير وهناك راح تفهموا الوضع ع الآآآآآآآآآخر .
راح أحاول أشرح الوضع : كل خط مترو له بداية ونهاية يعني مثلاً لو تلاحظ في خريطة المترو عندنا خطين باللون الأخضر واحد من الأعلى للأسفل وواحد من اليمين لليسار ويتقاطعوا مع بعض خلوكم في الخط اللي من الأعلى للأسفل يبدأ الخط بمحطة Edgware Road وينتهي بمحطة Wimbledon لاحظوا إنه في محطات بينهم .
لو كنت أو كنتي في محطة Bayswater على نفس الخط الأخضر وودك تروح أو تروحي لمحطة Marble Arch على الخط البرتقالي اللي يقطع الخط الأخضر تبعنا تكون الطريقة كالآتي :

• تلاحظ إنك إذا بغيت تروح على محطة Bayswater تتوجه لجهة محطة Edgware Road أو لجهة محطة Wimbledon يعني راح تتوجه للأعلى أو للأسفل في نفس الخط ??

أكيد راح تتوجه لجهة محطة Wimbledon للأسفل , راح تلاقي لافتات داخل محطة المترو اللي إنت فيها , واحدة مكتوب فيها Marble Arch يعني من هنا اللي وده يتجه لجهة Marble Arch ولافتة أخرى مكتوب فيها Wimbledon يعني من هنا اللي وده يتجه لجهة Wimbeldon فإنت مباشرة تتجهة للافتة wimbledon وتطلع في القطار .
طبعاً محطة Marble Arch اللي إنت رايحها في الخط اللون البرتقالي لذلك تنزل في المحطة اللي توقف في الخط البرتقالي وهي Notting Hill Gate أول ما تنزل تلاحظ الخط البرتقالي يبدأ من محطة Epping وينتهي في محطة West Ruislip , طيب من محطتك الحالية إذا ودك تروح لمحطة Marble Arch أي جهة راح تروح لمحطة Epping ولا محطة West Ruislip ?
أكيد راح تتجه لجهة محطة Epping وقتها دوّر على لوحة محطة Epping و أركب قطارها وخليك راكبها المحطة الثالثة هي محطة Marble Arch . و ألف حمد الله ع السلامة .
حاولت في الشرح أسهل المشوار فجبت مشوار قصير و إذا فهمتها خلاص كل مشوار يعتبر عادي وسهل

مشكور يا استاذ شكري على المعلومات واشوى طلعت فاهم الموضوع يعني فهمي مو غلط .

هلا اختي سويت
اغلب المناطق السياحيه في زون ون وتو
قليل جدا يكون خارجها وفي حالة انك تبين محطه برا في زون 3 مثلا
خذي تذكره وحده ذهاب وعوده ويكون لزون 3 مثلا يعني تستخدمينها من محطه 1 في زون 1 الى محطه 2 في زون 3 والرجعه نفس الشي لانك ماراح تروحين لها كثير
واي سؤال انا جاهز

شكرا المختلف وللمعلومية بس تراني ذكر

شكري بخاري
شكرا لك وعلى جهدك
بس مانة مقدرت اكمل الموضوع حسيت جاني حول..... ودوار البحر

الي يسأل عن الاندرقراوند ومدى صعوبته وفهمه
نظريا واذا بتقرونه راح يكون صعب
لو تقرى من اليوم الين بكره ماراح تفهم شئ
بس مع الاستخدام وكثرة المشاوير راح تشوفون انه سهل جدا
انا كنت شايل همه بس طلع عادي مرره
وحط شئ ببالك اذا وصلت هناك وحسيت انك متورط وماتدري وش السالفه
في كل محطه تلقى فيها زي الامن او مسؤول واقف عند كل مخرج اسأله وصدقني ماراح ياكلك ... بيدلك طريقك ويفهمك حتى لو مامعك لغه راح تفهم له
انت خليه يشوف الخريطه وقله ابي اروح هنا وراح يساعدك على طول