السلام عليكم
ممكن يكون هذا اول موضوع اتكلم فيه عن معشوقتي سويسرا مع ان عدد من الاعضاء كانو يتمنون ان انزل تقرير عن سفرتي عام 2007 و 2008 لكن لضيق الوقت
و الصراحه مو ضيق الوقت الا ان عندي 2000 صوره غير مقاطع الفيديو
المهم احب ان احرص الاعضاء و الزوار من الانتباه في التعامل
و اشدد على موضوع طولة البال و ان حقك بتاخذه باذن الله
ذيك الديار اللي يقولون ما ضاع حق وراه مطالب
مو ديارنا
عندي لكم موقفين صارو لي عام 2008 الحمدلله بعام 2007 ما صادفني اي موقف مع انها اول مره
المهم :
كنت بسيارتي اللي مستأجرها من يورو كار و كنت بانترلاكن وقفت عند محطة بنزين
و عندهم طريقه اكيد اللي سافر عارفها اللي هي :
فيها جهاز تحط فيه بطاقة الصراف او المبلغ اللي تبي تعبي سيارتك و بعدها تعبي سيارتك
انا حطيت 100 فرانك ما شفت الاله الا علقت ابي فلوسي و من اوقف واحد قال لي روح للشرطه
و انا بخاطري اقول وش دخل الشرطه مهب صاحين اظن مثل عندنا محطات التسهيلات و نفط و ........
اقتنعت و رحت للشرطه اخذ مني معلوماتي كامله بعدها قال اعتبر الموضوع منتهي طلعت من الشرطه
و انا كل تفكيري الله يعوضني راحت فلوسك يا صابر
دخلت الفندق و ما اشوف اللي صاحبه الفندق تناديني تقول ان الشرطه كلمتها و عرفت بالسالفه
و خذ فلوسك و انا لما يرسلون ال100 فرنك على الفندق تاخذها على كلمها هي ضامنه رجوعها
طبعا كان فندي سي هوتيل توصيات حبيب الكل ابو عزيز
هذا موقف ان ما يصيع لك حق انشالله
اما الحركه الغيبه اللي صارت مني و بصراحه من اللحظات اللي ماني ناسيها بحياتي
كنت ساكن في فندق دي لي باكس في لوزان
صحيت الصبح مثل العاده و كان ترتيبي اتمشى في جنيف تمشيت و كان الكرنفال اجواء حلوه
نسيت نفسي ما رجعت الا الساعه 12 اللي من قرادة حظي
و الله كل يوم ارجع الساعه 8 و لا 9 بالكثير
المهم رجع بذاك اليوم و انا داخل الفندق الا موظف الاستقبال تناديني وش يبي هذا ؟؟؟
طبعا يا حبايبي بيقول لي عن الحركه الغبيه اللي سويتها و هي اني ما انتبهت لتاريخ المغادره من الفندق و ان المفروض انا مسلمهم غرفتي السعه 12 الصبح
وش شفت بالاستقبال اول شي شنتطي و انصدمت خير انشالله لا يكون بيطردوني
بعدها بين لي ان ما لي مكان عندهم بالفندق اخذت اغراضي و لأمانه كانو امنين معي
كان بالغرفه حول 1000 فرانك يعني ما صارت في سرقات و لله الحمد
بعدها طلعت من الفندق مع شنطتي و ركبت زوجتي بالسياره و في مقابل الفندق حديقه و كانت فيها انوار خفيفه جدا
الحديقه فيها ينابيع ماء و بعبي علبتي قبل امسك الطريق
اللي صار و انا ادخل الحديقه اشوف هذاك الاسمراني اللي شكله سكران قويت قلبي قلت ما راح يسوي حاجه
دخلت الحديقه و انا اعبي العلبه الا الاسمراني قاعد يحرك كتفي يبغي طويل العمر دخان و و انا ما اشرب دخان
بذيك اللحظه بخاطري اقول له اصير لك دخان بس اتركني بحالي ابي زوجتي ابي ولدي
قلت له انا ما ادخل معها سوري احترام لشخصه الكريم
مشى و علطول ركض على السياره
مسكت طريقي اطول و اصعب ........ الكلمات تخوني بوصف طريق
لوزان انترلاكن ليلا عند الواحده صباحا
و وصلت الساعه 4 بس و الله طريق كان صعب صعب صعب
افكر بشي واحد لو وقفتني دوريه وش اسوي ما اعرف اتكلم انجليزي زين و ما ادري وش بيصير
المهم الحمدلله وصلت بالسلامه فندق سي هوتيل طبعا ما كان عندي قارمن
بس كان معي نوكيا 95 ما قصر الجوال معي
اسف على الاطاله بس بعض مغامرتي السويسريه
و الله يوفقكم هالسنه القلب داعي لكم اما انا فضيعت اجازتي بامريكا ولايه سياتل حفظتها حفظ شهر كامل و انا فيها
لظروف اخي الصحيه
تحياتي