ما فيه ردود ؟

هلا......
انا اشوف انك تروح الى فينيسا يوم الجمعة احسن واروق من الزحمة........
ويوم السبت رح الى كومو ومنها مر الى لوغانو ......وتمشى فيها
اما بالنسبة للفنادق.......من اي فئه حبيت الفندق وكم مزانيتك بالليلة الوحدة وكم شخص انتم؟؟؟؟؟
اما بالنسبة للتمشية بميلان ترا ما تحتاج مرشد سياحي ولا شي لان كل الوناسة بس بالدوامو
وفينيسيا.....اهم شي ساحة سان ماركو......وكل السياحة هناك......
كومو اهم شي البحيرة اللي فيها ونفس الشي في لوغانو والمدينة نفسها
في انتظار ردك بخصوص الفندق......
وبالتوفيق

الف شكر اختي الزعيمه ,,
بالنسبه لفينيسيا فما ادري يمكن الغيتها بسبب اني راح اوصل لميلانو يوم الجمعه بالليل ,, فبيكون عندي يوم السبت ,, وطبعا ما ابي اسكن في مكان غير ميلانو لاني ما ابي اتنقل وهي 3 ايام السفره ,, فقلت بشوف اقرب ديره ,, فلوغانو اقرب من فينيسيا .. فقررت اروح لها يوم السبت وارجع بنفس اليوم بالليل ,, واجلس الاحد في ميلانو يوم المباراه ,, والاثنين اكمل جولتي في ميلانو ,, لان رحلتي بتكون الاثنين مساءا ..
فما ادري بالنسبه ليوم السبت يكون فقط للوغانو , وش رايك بالنسبه لكومو ,, تكون مع لوغانو ولا لا ..
بالنسبه للفندق لقيت فندق هولدي ان ,, وش رايك فيه ,, حنا 2 شباب ,,
كان عندك برنامج مصغر للمطاعم المقترحه ,, باستا وبيتزا وايس كريم وكوفي شوب ,, محلات كويسه للتسوق ..
سؤال ؟ هل فينيسيا نفس المسافه الى لوغانو ,,؟؟
خاصه اني ابي اروح وارجع بنفس اليوم ,,
وبالنسبه للفلوس هل اصرف يورو من بريطانيا ولا الباوند يمشي ,,
وبالنسبه للتنقل داخل ميلان هل احتاج الى تاكسي خاص
سؤال اخير . هل يطلبون مني اوراق زياره لايطاليا مثلا اني رايح لايطاليا لزياره او ما يحتااج شي رسمي
ادري ثقلت عليك بالاسئله بس والله احاتي السفره

هلا.....
فينيسيا.....تأخذ حدود ثلاث ساعات بالقطار........
اما كومو كلها ساعة بالكثير وتقدر تروح لها يالباص او بالقطار.......
كومو ما تبعد عن لوغانو الا ربع ساعة او 20 دقيقة اذا كثرت.......
ممكن تخليهم مع بعض لانك بتخلص من كومو بسرعة ومنها تمر لوغانو لانك بيكون عندك وقت يكفي......
اذا ودك تروح لفينيسيا لازم تروح لها من الصبح.....اذا ودك تشوف فينيسيا......
بالنسة للفندق اذا ممكن تجيب لي اسمة بالضبط بالانجليزي اكون لك شاكرة عشان اعرفة بالضبط......
اما بخصوص صرف الفلوس......تراهم ما يعترفون الا باليورو,,,,,,يعني اصرف يورو....
بخصوص التنقل في ميلان ما تحتاح لان كل الوناسة موجودة بس في الدوامو.......
بخصوص الاوراق الرسمية والله ما دري.......
انا يوم كنت ساكنة في ميلان وحبينا نمر لندن......ما قدرنا ندخل بأوراق الاقامة اللي معنا.....مع ان الشركة موفرة
لنا اوراق اقامة في ايطاليا الا انهم طالبونا اننا نطلع فيزا الى بريطانيا......
الافضل انك تسأل سفارة ايطاليا هناك.....افضل......!!!!!!!
بخصوص اماكن التسوق موجودة كلها في الدوامو وشارع بونيس ايروس
والمقاهي في الدوامو حدث ولاحرج كثيرة افضلها.....وانت داخل الدوامو .....تكون الكنيسة على ايدك اليمين
وهي ثاني وحدة على ايدك اليمين .....قهوة رائعة......
بالنسبة للمطاعم .....الدوامو مطاعمها كثيرة ومتنوعه.......من فاست فود الا اكل ايطالي
وماعليك من كثرة الاسئلة.....اي اسئلة ثانية انا موجودة للرد عليها بأذن الله
وبالتوفيق اخوي

الله يعطيك العافيه ما قصرتي بالنسبه للفندق اسمه Holiday Inn Milan
بالنسبه للوغانو ,, هل تنصحين باماكن معينه فيها ,,, خاصه ان الزياره ليوم واحد ,,
الكومو كم يفترض ان يحلس فيها الواحد كم ساعه يعني ..
فينيسيا يمكن اخليها في سفره ثانيه لو ربي كتب لي عمر ,, او اذا قررت اجي الخميس بدل من الجمعه فيكون عندي
الجمعه والسبت فاضيين ,,, بس نسبة تفيذ هالمخطط ضعيف ,,
عندي كم استفسار ,,
وش افضل المطاعم تنصحيني بزيارتها ,, كوفي شوبات ,, محلات ايس كريم

هلا....
الفندق هو بعيد من الدوامو.....وقريب من ملعب السان سيرو
وبالنسة لكومو على حسب وش ودك تقضي اليوم فيها......
هي فيها البحيرة ممكن تدخل البحيرة بالقارب.....او تجرب الطيارة البحرية
وتمر على اسواقها......موجودة حوالين البحيرة
بالنسبة للوغانو......هي زيها زي اي مدينة سويسريه حلاتها تكون حوالين البحيرة....
شهرتها جت من الاوت لت ,,,,,,فوكس تاوون
بخصوص الكوفي شوبات في ميلان.......
القهوة الي قلت لك عنها.....والثانية قهوة جوتشي بالغلريا......في الدوامو
وقهوة ارماني.....في ارماني كازا
بخصوص المطاعم......على حسب ما تحب من مطاعم.....شف هذا المطعم رائع......مجرب
https://artravelers.com/p/re/277174
وبالتوفيق برحلة سعيدة اخوي
واذا حبيت اي استفسار ثاني....ماعليك

الف الف شكر
واسف اني تعبتك معاي ,,
بالنسبه للفندق ,, انتي شفتي مستواه اذا تنصحيني بفندق في نفس مستواه وسعره وقريب من الدومو اكون من الشاكرين
بصراحه هذا الفندق نصحني في مكتب تومااس كوك في بريطانيا ,,,
وشكرا

هلا.....
هو الفندق جميل وسعرة رائع......بحدود 100 يورو باليوم
بس المشكلة انه ما في بها السعر حوالين الدوامو....بهذا الوقت
ورحلة سعيدة بأذن الله

طيب اختي استفسار ,, انا الى الان ما توصلت لقرار اخير ,,,
الحين جاتني فكره ,,, بم ان فيزتي من السفاره الفرنسيه فاخاف في مطار بريستول ( انجلترا ) يدققون معاي على هذي النقطه ان فيزتي فرنسيه والوجهه الى ايطاليا فجاتني فكره اني اروح يوم الخميس باريس ليله وحده ويوم الجمعه اطلع لميلان واجلس فيها الى يوم الاثنين ,,,
وش رايك ؟ وكم المسافه بين باريس وميلان بالطياره ؟ وهل في فندق يكون موقعه كويس في باريس حق يوم واحد يعني اهم شي برج ايفيل واي شيء ثاني مهم ..