اسعد الله مساكم بكل خير :36_1_39:
تم بحمد لله تحديد موعد السفر والحجوزات على طيران الامارات يوم الاربعاء 10 جون
وكان السعر ممتاز إلى حداً ما وكما نصحتني الاخت ام منوره
انا في البداية كان في نيتي اجلس (14) يوم في تايلند والعودة راح اجلس في دبي (5) ايام .
بس اكيد لو حسبت الفنادق في دبي راح تكون تقريباً نفس الشي بالنسبة لكوالا قلت اجلس خمسة
ايام في البداية في كوالا والباقي في تايلند .
قلت ابي سعرها بكوالا وبدون كوالا قالي نفس السعر 3570
قلت شلون طبعاً قبل الخصم
بعد حب الخشوم والواسطات في فرسان للسفر والسياحة صار سعرها 2870 والطفل 2264
يعني تطلع ( رياض ، دبي ) ( دبي ، كوالا ) ( بانكوك ، دبي ) ( دبي ، رياض ) .
او تطلع ( رياض ، دبي ) ( دبي ، بانكوك ) (بانكوك ، دبي ) ( دبي ، رياض ) كلها واحد ونفس السعر
لكن اكتشفت فيه ثغرة في النظام ( مهوب عاقل ) قصدي خلل صغير في خط السير
علشان اطلع من ( كوالا الى بانكوك ) راح تكون تذكرة مستقلة ويقول تقدر تاخذها من هناك
قلت افا
المشكلة اني دخلت المكتب حقهم متاخر وماقدرت اسولف معاها واخذ راحتي في الاسئلة
انا مااحب اسافر الا مخلص كل شي من هنا .
وعلشان مااكثر عليكم الكلام الا كثرت وزيادة الزبدة :
كيف اطلع من كوالا إلى بانكوك عن طريق اي خطوط ؟ الماليزية ، التايلندية ولا كيف النظام ؟؟؟
انا شاد حيلي في هالسفرة وراح اسميها سفرة العمر بس الله يستر ونروح ونرجع بالسلامه يارب
بشرون عن ذا الفلونزا مافيه خبر جديد عموما
راح اشتري كمامات يعني مسافر مسافر الله لا يعوق بشر
افضل مقاعد لثلاثة اشخاص من وجهة نظري الي بجانب احد مخارج الطوارئ صحيح ؟؟؟
تتوقعون كم ممكن تكفيني ميزانية انا حاط تقريباً من 30 إلى 35 الف طبعاً شاملة كل شي .
شرايكم تكفي ؟ ولا كثير :36_1_36: .
وشاكر ومقدر للجميع تعاونهم معي .