لندن المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
حلم الاحلام
09-10-2022 - 08:41 am
السلام عليكم ورحمة الله ..
ودي اكمل ماجستير ولازم قبول جامعه كلمت مكتب يراسل الجامعه بالقبول قالو لي اوكي بس حددي الدوله والمدينه ..
وهنا جا الاختيار الصعب .. كنت افكر بكندا وكثير مدحوها لي لكن ترددت في نقطتين ..
اولها البُعد 19 ساعه طيران
والثانيه برودتها .. لاني مااتحمل البراد الزايد
حولت على بريطانيا وبحثت كثير عن الافضل بصراحه تهت كل ماقرأت عن مدينه قلت هي
اهم النقاط اللي ابيها ..
تكون معقوله من ناحية السعر لااحد يقول لي لندن ..
ثانيا تكون سياحية بحيث اضرب عصفورين بحجر واحد ..
نسبة العرب فيها قليله نوعا ما ..
والاهم جامعتها قوية ومعترف فيها ..
عني انا رشحت برايتون / كامبردج / كاريف
واننتم مارايكم ..؟؟؟؟؟؟؟؟؟


الدراسة في بريطانيا
التعليقات (7)
البيضاني..
البيضاني..
أهلا وسهلا , بك
أنا ما أدري ولكن حسب ما أسمع أنهم قفلوا الإبتعاث إلى بريطانيا من السعودية ( إذا أنت سعودي )..
ولكن بالنسبة لبرايتون فهي كلها عرب بلا مبالغة , تحس أنك في حي من أحياء الرياض ..
بالنسبة لكارديف فهي رهيبة جدا , ولكن بها عرب ومو قليل , واللهجة صعبة نوعا " ما "
كامبردج ,, ماعندي خلفية تامة عنها ولكن ربما تكون الأفضل ,,
Oxford رهيبة أنصحك حطها من ضمن خياراتك ..
والله إذا تبي سياحة و كل شي , شوف أدنبرة >> عاصمة أسكوتلاندا ,ولكن قوية كسياحة رغم صعوبةن اللهجة هناك .
والله الموفق .

حلم الاحلام
حلم الاحلام
بيض الله وجهك اخوي البيضاني على الرد السريع وبارك فيك ..
بالنسبه للابتعاث انا على حسابي وان شاء الله ربي يسهلها ..
ان شاء الله ببحث عن اكسفورد واهم شي جامعتها قوية ؟؟
ادنبره كون اللهجه فيها صعبه هذا دليل اني ماراح استفيد من اهلها ..
وهالشي بيفيدني في السياحه لكن باللغة لا ..
لا هنت على تواجدك وننتظر باقي الاعضاء واراءهم ..

AHMAD598
AHMAD598
هلا والله اخوي حلم الاحلام
اول شي يالغالي انت رايح تدرس يعني لاتشيل هم البرد لانه بريطانيا وكندا كلها برد في الشتاء اما عن المسافة لاتشيل همها اخوي امس جاي من كندا ويقول الرحلة حلوة تساهيل الحمدلله فانا من ناحيتي كندا افضل للدراسه في الحقيقة وفيه واحد من اخواني ثاني يكمل ماجستير في بريطانيا هندسة والله يسب فيها سب يقولي الجامعه استقعاد مايبونك تنجح والجامعه ومافيها الا سعوديين وعرب والجامعات كلها وبما انك رايح على حسابك فانا انصحك بكندا اذا تبي دراسة مو سياحه لان كندا رخيصة مقارنة ببريطانيا والله يوفقك

حلم الاحلام
حلم الاحلام
هلا والله اخوي حلم الاحلام
للتعديل والتوضيح فقط لانها ماتفرق
هلا والله اختي حلم الاحلام
بالنسبه للبراد شي موب معقول براد عن براد يفرق .. درجات تحت الصفر بشي مو معقول ..
الدراسه بكندا لها ميزة ولو انها الحين متروسه بالعرب ..
وانا بصراحه في المقدمه عندي الدراسه ثم السياحه ..
شاكره لك تواجدك وردك ..
ودمت بخير ..

AHMAD598
AHMAD598
حياك الله اختي حلم الاحلام ولا تزعلين مادام انتي تبين دراسة وسياحة اجل مالك الا بريطانيا وحياك الله اختي

حلم الاحلام
حلم الاحلام
حياك اخوي ولا هنت على ردك الرائع ..
زوار بريطانيا وينكم ابيكم ترشحون لي المدن بأسرع وقت ..
عشان لازم ابدأ اراسل الجامعه ..
بإنتظاركم ..

$$s3oood$$
$$s3oood$$
انا درست ببريطانيا واعرف ناس جربوا الثنتين والجو كلهم برد
وكندا واونس واحسن شعب واقل عنصريه وارخص نصيحه اسألي المجربين وتشوفي والعرب كلهم موجودين بس يمكن بريطانيا اكثر


خصم يصل إلى 25%