مودتي لأحبتي
06-12-2022 - 05:25 am
السلام عليكم ورحمة الله وبركاته ..
أولا .. أشكر هذا المنتدى الرائع على كل ما يقدمه للأعضاء والزوار
ثانيا.. أشكر كل من قدّم تقريراً رائعاً عن مكانٍ ذهبناه من بعد وصفهم ف سعدت وفرحت بذات المكان
ثالثا .. أحب أهديكم مجموعه من التقارير كنوع من رد الجميل فتقبلوا صوري وتصويري
كانت تجربة جديدة في انو نعيش في كوخ خشبي بعيد عن اجواء الفنادق المعتادة
والسناجب رايحة رادة واهم شي انو راحة نفسية اللي تعكسها الطبيعة عليها
شاطئ مرة واسع
مرة كبير
حلو مرة للي عندهم اطفال .. قدامهم رمل نظيف يلعبوا فيه بألعاب الرمل وما عليهم خوف من اي ضرر ..
في مرفقات للخدمات العامة من تقديم عصيرات ومأكولات وحلويات والمطعم مرة قريب من البحر + محل تأجير المراكب البحرية زي البنانة والجيتس كي والبوت ومن الاشياء هدي ؛)
هذا محل قدام المسبح لهواة التلوين واللي يحبوا الاستجمام
راح يحسوان انهم في عالم ثاني ..
فيها لوحات حرير مرسوم عليها تختاروا التصميم والمقاس اللي تبغوه وتتفقوان على السعر وبعدين تلونوها وتاخدوها معاكم ..
صور تانية للرسم فيه
هذي اللوحة اللي لونتها بنتي وكتبت عليها اسمها والتاريخ وكان سعرها 65 رنجت وكمان غلفتها بعد ما انتهت منها ..
وهذا المكتب موجود في لوبي المنتجع ينسق رحلات بحرية وصيد وشوي ومانغروف وغيرها ..
والحين الطريق ل المساج ..
مكان المساج النسائي المقفل
وهنا مكان الرجال
قيمة المساج
الجسم كامل : 100 رنجت
القدم : 30 رنجت
الاطفال /
جسم كامل : 50 رنجت
بعد المساج يعطوا شاي صيني ..
وهذا محل موجود جنب المطعم يبيع اشياء كثيرة حلويات بسكويتات شيبس
وملابس وعوامات وهدايا تذكارية بس عيبة ما يبيع موية ولا عصيرات بس ايس كريم
تقول صاحبة المحل ممنوع من الفندق انها تبيع معجنات او عصيرات او مويه
ويبيع العاب للاطفال يعني يلبي اكثر الاحتياجات
تكملة الموضوع بعد قراءة الردود اذا ما عجبتني ماراح اكمل
باقي الشالية والمطعم والاسعار
ولكم خالص مودتي ومحبتي
رحلتي الى ماليزيا