- بسم الله الرحمن الرحيم اعضاء هذا الصرح الشامخ
- السلام عليكم ورحمة الله وبركاته
- اولا القاهرة
- بس انا اعتذرت منهم وقولت روحوا صلوا الجمعه احسن لكم .
بسم الله الرحمن الرحيم اعضاء هذا الصرح الشامخ
السلام عليكم ورحمة الله وبركاته
في البداية احب اوضح انه لولا الله ثم لولا هالمنتدى وتقارير الاعضاء الكرام ماكنت احلم بهذي الرحله او المتعه اللي فيها وصراحة انا نزلت مصر كذا مره ماعمري انبسطت زي هذي المره فشكرا لهذا المنتدى وشكرا لاعضاءه الكرام .
واعذروني على التأخر في عمل هذا التقرير .
التقرير راح يكون ثلاث حلقات:- القاهرة
- الاقصر واسوان
- شرم الشيخ
اولا القاهرة
طلعت يوم الخميس الساعه 11 بالليل الى الرياض من وادي الدواسر والساعه 5 ونص كنت داخل الرياض .
وعلى طول على المطار ولبقت السيارة في مواقف المطار وطلعت الصالة ماني متأكد من ساعة الاقلاع لكن وصلنا تقريبا الساعه 10 صباحا (طبعا الخطوط السعودية ) ومن حظنا كانت رحلتنا هي الوحيدة اللي نزلت هذاك الوقت ماكان فيه بشر غير الموظفين .
وهذ الي خلانا نخلص بسرعه وعلى طول اخذت العفش وختمت الجواز وعلى برى .
وهنا لقيت خويي محمود يستقبلني عند البوابه ولكن حصل موقع من شباب مصريين غير جيد :
الشباب : السلام عليكم .
انا : وعليكم السلام .
لو سمحت يافندم عاوزين منك خدمة .
ايه اامر وش تبي ؟
احنا شباب زي بعض بس ماعندناش باسبور وعاوزينك تخش السوأ الحره .
ليه وش تبيون فيها ؟
يعني عاوزين نقيب شوية حاجات وحنديك الفلوس .
وهنا تدخل خويي وكان فاهمهم وقالي هم ايش يبون :112::112:بس انا اعتذرت منهم وقولت روحوا صلوا الجمعه احسن لكم .
المهم كملنا لفندق كاراتكت فندق بعيد جدا جنب الهرم ولكن زي المنتجع مقفول عليك .
وكله اجانب وكان رخيص اخذته ليلتين ب 720 ريال عن طريق موقع اخطبوط بس كانوا حاجزن غرفة سيئه ضيقه ومطله على شارع زراعي لكن انا اعترضت وطلبت غرفة على حمام السباحه ولكن بزيادة 40 دولار قلنا ماشي ودفعنا الزيادة .
رحنا نمنا وصحينا الساعه 2 وصلينا الظهر واتغدينا في مطعم الفندق وكان اكله جميل بس الخدمه عادية .
وعلى فكره الفدق مليان ناموس فارجوا الانتباه
بعد العصر طلعنا ستي ستار وهناك قابلت اثنين من اصحابي المصريين واتمشينا شوي في ستي ستار واشتريت بعض النواقص وكملنا السهره سوى .
وبعد كذا رجعنا الفندق ونمنا .
اليوم الثاني صحينا الساعه 10 فطرنا ونزلنا حمام السباحه
منظر لحمام السباحة
وصلينا الظهر وطلعنا على عباس العقاد واخذنا واحد من الشباب ثم اتجهنا الى مطعم جندوفلي للاكلات البحرية صراحة مطعم روعه واكله جميل وخدمته فوق الممتازة
وبعد الغدا طلعنا الحسين تمشينا شوي وهناك رحت لجنب ابو الشباب اللي يبيع عرق سوس وقلت له ابي اصور معاك والغريبه انه كرشني طردني قال اقول تبي تشتري ولا اقلب وجهك قلت لا ابقلب وجهي احسن .:112:
المهم رحنا جلسنا في احد المقاهي ونشرب عصير
ونتمشى شوي ووقت الصلاة صلينا في الازهر .
وبعد العشاء رحنا تفرجنا على فيلم اسف على الازعاج .
اليوم الثالث :صحينا الظهر وسلمنا الغرفة.
وطلعت على ستي ستار حيث واتغدينا فيه وقعدنا فيه لين العصر عشان موعد القطار الى الاقصر واسوان.
وفعلا الساعه 5 كنا في المحطة بس القطار اتأخر ( حتى القطارات تتأخر:112 وركبنا الساعه 6 ونص متجهين الى الاقصر
وهذي راح اكملها في الحلقة الثانية ان شاء الله[/SIZE
وكلامك صحيح مطعم جندوفلي روعه
واكله رائع ونظيف اتمنى اللي يزور مصر
يمر على مطعم جندوفلي ويجرب اكله
وبيدعون لي تحياتي