فيينا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
وفاااء
28-06-2022 - 10:23 am
الى الاخ القدير (حدي مصر )
بصراحه ارشحك تكون خبير النمسا _ماشاء الله عليك_ الاقيك ترد على استفسارات الاعضاء برحابة صدر الله يحفظك..انا اذا الله كتب بطلع النمسا شهر 7 وجمعت بعض المعلومات عنها من خلال تقارير الاعضاء جزاهم الله خير
وكونت فكرة لابأس بها ..بس انا اول مره اطلع اوربا
لغتي يدوب امشي حالي ..تتوقع الاقي صعوبه
معي ثلاث اطفال اصغرهم خمس سنوات وش اهم شي اخذه لهم
الاندر قرواند في فيينا احس اني ماراح اعرف له والتاكسي غاالي ولا تقول استأجروا سياره لان زوجي ما يحب القياده
والتنقل بالقطارات بين المدن صعب ولا نطلع طياره ؟
واذا عندك توجيهات خااصه لاتبخل علي ..
واسفه على الاطاله....


التعليقات (5)
بيمو
بيمو
بالتوفيق اختي وفاء .. وانتي الخسرانه خلي ابوعبدالحميد ينفعك !! ههه امزح
كفو يالغالي عيني عليك باردة .. قايلك اسمع كلامي ووافق على اللي قلت لك !!
بيض الله وجهك على جهودك في البوابة ،،

حدّي مصــر
حدّي مصــر
  1. لغتي يدوب امشي حالي ..تتوقع الاقي صعوبه

  2. والتنقل بالقطارات بين المدن صعب ولا نطلع طياره ؟


حياك الله اختي وفاء وكلماتك شرف لي وتاج على صدري اعتز فيها ,,, لايهمني ان اكون خبيرا للنمسا يهمني ان اخدم اخواني وتجيني منهم دعوه طيبه لي ولاسرتي فاناى بحاجة للدعاء الصالح الصادر من القلب

لغتي يدوب امشي حالي ..تتوقع الاقي صعوبه

با النسبة للغة لاتشيلين هم تراها سهله ومافيها اي تعقيدات لان البلد اللي بتروحون له لغتة الام ليست الانجليزية فاموركم طيبة ان شاءالله وهذا موضوع للفقير الى ربه باهم المصطلحات اللي تحتاجونها با السفر ان شاءالله يفيدكم هنا https://artravelers.com/p/re/116854
معي ثلاث اطفال اصغرهم خمس سنوات وش اهم شي اخذه لهم
ماشاءالله تبارك الله عيالك رجال الله يحفظهم واهم شي تنوعون الملابس مابين ربيعية وشتوية لانه فيه مناطق بتواجهون فيها برودة جو وتاخذون احتياطات السفر من ادوية وغيرها
الاندر قرواند في فيينا احس اني ماراح اعرف له والتاكسي غاالي ولا تقول استأجروا سياره لان زوجي ما يحب القياده
انسب خيار لكم صديقيني استاجار السياره و القيادة و الاستمتاع با الريف النمساوي الرائع ولن يندم باذن الله وبيكون الموضوع في غاية السهوله وهذا موضوع عن القيادة في اوروبا بيساعدكم ان شاءالله خليه يقراه وبيقتنع هنا https://artravelers.com/p/re/148265 ترى السياره افضل لكم وارخص واسهل واريح بمراحل من القطارات
با النسبة لموضوع الاندرجراوند بفينا ترى الموضوع جدا سهل ومافيه اي تعقيد مجرد رهبه با البداية وبتزول مع اول مشوار وهذا موضوع مفصل لاستخدام الاندرجراوند هنا https://artravelers.com/p/re/42263

والتنقل بالقطارات بين المدن صعب ولا نطلع طياره ؟

ابدا مافيه اي صعوبه وسهل جدا مجرد انكم تروحون لمحطة القطارات قبل الرحله بيوم وتخلونه يوريكم الجدول للرحلات المغادره من مدينتكم للمدينة التاليه وتختارون اقصر طريق واسرعهم مع اقل تغيير قطارات وتراعون ان المدة الزمنية بين تغيير القطارات ماتكون اقل من عشر دقايق عشان يمديكم تنزلون من القطار وتنتقلون من المنصة اللي انتو فيها للمنصة الثانية اللي فيها القطار الثاني ,,,, ونصيحتي لكم فكرو با السياره اسهل واريح وارخص وافضل بمراحل من كل النواحي
موفقين ان شاءالله

حدّي مصــر
حدّي مصــر
بيمو
هلا و الله بوعبدالاله
العين ماتعلى على الحاجب طال عمرك وكلنا في خدمة اخوانا ان شاءالله
شاكر ومقدر الثقه يابوعبدالاله

وفاااء
وفاااء
اخوي حدي مصر جزاك الله خير وبإذن الله اذا رجعت بخبرك وش صار...!!

وفاااء
وفاااء
مشرفنا العزيز(( بيمو)) ما نستغني عن توجيهاتك وخبرتك ..
وشكرا لهذا المنتدى الرائع والمشرفين عليه جعله الله في ميزان حسناتكم ...


خصم يصل إلى 25%