اما بالنسبه لرقم الفله هذي ما انصح فيها لأننا واجهنا بعض المشاكل وهي اللي خلتنا نعجل بالطلعه على لبنان واولها ان اللي اسلم الإيجار ( سيدة ) بعد كذا ماشفناها ورغم اني حاولت اكلمها بالبيت وعلى الجوال بس بدون فايده هذا لأني ما خذت الفله من مكتب , حاولت اكلمها لأول سبب الصخانات خربن بنفس الليله والكهربائي مو راضي يصلحهم حتى ان صاحبت الفله تعطيه حساب قديم بنهم !! لو تلاحظون ان الفله مكتوب عليها برسم البيع يعني طايب الخاطر منها ( ب :112: س انا وش ذنبي ) , ثانياً اكتشفنا ان الحارس راح ينام معنا في نفس الفله بحجه ان الجو برد والغرفه الخارجيه ماتصلح للسكن انا ماعندي مانع بس ليش ماعطونا خبر قبل كل شي بس الصراحه ماتاخذ راحتك واغراضك كلها بنفس السكن وبنفس الوقت حرام تقطع رزق المسكين ... طاب الخاطر وقلنا نتصبر يومين ونطلع على بيروت .
المهم طلعنا اول يوم بعد الصحوه على الشام زي ماذكرت لكم طلعنا ناخذ لنا كم لفه ( فلته ) على الفنادق الفخمه ونصرف من هناك ...
الصرف يختلف من يوم الى يوم بس الأفضل انك تصرف المبلغ من واحد ثقه ( عندي عناوين بس ما احب اذكرها اللي مهتم يراسلني على الخاص ) وتتأكد من المبلغ قبل لاتمشي من عنده وتحرص على انك تعد النقد من الجهتين !! ( بعض الصرافين بدول اعالم كلها ذي لهم اسلوبهم بالغش واشهرها تدبيل الورقه النقديه بنفس الرزمه يعني اذا عديت من جهه تطلع ok بس اذا عديت من الجهه الثانيه تطلع ناقصه ثنتين 100 * 98 ) ولا تحرصون على الفيزا ابد لأنها ممكن تدبل عليك مبالغ ولا تعرف فيها الى اذا رجعت الى ديرتك , وغالباً ان الصرف الزين من 13.85 الى 14.2 وطبعاً يختلف الوقت والموسم .
الفنادق هناك ماتصلح الى للي رايح وحداني ورايح تجارة سريع سريع وراجع لأهله بس للوناسه والشله الشقق هي الأفضل بنظري .
عليك الحذر من الباعة المتجولين او تجار الشنط وخاصه اللي يدقو الباب عليك وذلك لعدم صلاحيه بضاعتهم او مشاكل محتمل احتمال كبير انك تدخل معهم فيها .
انتبه من الشحاذين اللي يطرقوا ابواب مسكنك وخاصه النساء منهم لا تتعاون معهم والأفضل عدم الإجابه على ندائهم .
بلأخير استمتع بسوريا زي مااهلها يستمتعون فيها
هذا جبل قسيون من احد الأحياء
وهذا اللوبي الخاص بفندق الشام وكان غالبيه السكان من القروبات الأجانب
وهذي الصرافه مقابل فندق الشام عذراً مو واضحه الصوره بس هي للي يسأل عليها دايماً

المريدبان والأفضل بنظر الى اليوم

والجاي افضل ان شاء الله فندق الوليد بن طلال

وفندق الشيراتون بس شوي كلاسيكي وهادئ

طبعا راس السنه كان لسه من اسبوع تقريباً

مطعم الفندق

ايضا يوجد صراف في اخر اللوبي بس صراحه ماصرفت منه ولا اعرف اذا هو دولي و لا

طلعنا الدور اللي فيه مطعم اللي هوا بس خسارة مافيه احد ( الرزق على الله )

هذي قاعت الإحتفالات بالفندق والزواجات بنفس الوقت

كان فيه حدث او اجتماع طارئ والحمد لله ستر ربك قدرت اخذ الصوره و احد انتبهلي

ومن هنا صرت كل يوم تقريباً اجي اخذ الجرايد ( الشرق الأوسط والرياض )

والفندق اللي عليه العلم المريديان بس خساره ماله صور الحين لأني ماكنت احرص على الكاميرا وانا رايح هناك لأن مطعم ست الشام يطير العقل ....

من جوا البلد مقتطفات *******

والشي الثاني لوحات الإعلانات منتشرة بشكل يوحي بعدم الترتيب والتنظيم

صورة لمسجد يقال ان وضعه استمر هكذا منذ زمن بعيد ( عدم اكتمال البنيان ) ولاكن لااعرف السبب ولا اسم المسجد ممكن الأخوان السوريين يفيدوننا حتى لو عن الإسم

الميادين والإهتمام بالتماثيل والفنون كان واضحاً في الأشكال الموضوعه

من بعد كذا لازم نزور اشهر الأسواق في الشام وهي الحماديه اولاً
من بعيد تبدو كقلعه قديمه واسم السوق اصلاً اشتق من حاكم اسمه عبدالحميد وقد تم تجديد السوق في الفترة الأخيرة منها واجهه السوق الحجرية وتنظيم البسطات هناك

اذا اتيت من الجهه المقابله عليك عبور الشارع بحذر ..... هذا كان سابقاً الأن يوجد معبر من تحت الشارع يفي بالغرض

وإذا دخلت السوق فهو كسوق الليل في مكه المكرمة مغلق من الأعلى بهذه الشاكله

وعلى جانبي السوق توجد المحلات الجانبيه والجمله

في نهايه السوق سوف يواجهك مجموعه من محلات بيع الكتب

وهذه الساحه تكون قبل المسجد الأموي

البنيان المصفوف هنا يقال انه بقايا للرومان قديما وهي عبارة عن بقايا معابد

راح يكون امامك المسجد

عظمه البنيان تدل على دلائل كثيرة راح اذكرها وراح اتطرق الى التسلسل التاريخي للمسجد بدايه من الرومان الى المسلمين السنه

رائع كعادتك
ماشاء الله عليك تصوير جميل
الله يعطيك العافيه

الله يعطيك العافيه اخوي دب بس سريع على هذا الموضوع الجميل...
فعلا موضوع وتقرير مصور متعوب عليه.... لك كل الشكر...
بنسبه للمسجد الي ذكرت اخوي دب وسألت لماذا لم يتم اكمال بنائه...
المسجد المذكور والبنايه الي بجنبه في وسط دمشق.. وسبب عدم اكمال البناء هو وجود ماء تحت البنايه والمسجد... وعلى شان كذا خافوا من اكمال البناء وسقوط البنايه....
مع العلم ان لها اكثر من خمسه عشر سنه على حسب ما قالوا لي ...

الغالي مهاجر
الله يعافيك ومشكور على المروروالكلام الطيب
الأخ سKSAعودي
حياك الله وانت الصراحه ك ذا بسرعه التجاوب للموضوع والمعلومه تشكر عليها .

اخي دب بس سريع موضوع جدا حلو وشيق ورحلة سعيدة ولكن ارجو ان تفيدنا عن فندق سمير اميس وشكرا