الرياض المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
اه من عشر سنوات
13-09-2022 - 02:47 pm
الله يجزاكم خير دلوني على محلات تبيع كنبات "مجالس"حلوه ورخيصه في الرياض


التعليقات (9)
ديما الفهد
ديما الفهد
اهلين اختي الصراحه تختلف الاماكن باختلاف اموديلات اللي انتي تبينها اذا ودك باشياء حلوه وسعرها رخيص عندك الحراج او بن دايل او عندك محلات اثاث كثيره بشارع احمد بن حنبل واذا انتي تبين فخامه وتميز واشياء مره حلوه عندك طريق الملك عبدالله مليان

رحآله نجد
رحآله نجد
مثل ما قالت لك اختي ديما
بس راح اضيف ممكن تفصلي كنب بالتصميم اللي تبيغينه بيكون احلى وارخص
والمجلس اللي ب 30 الف بتفصليه ب 20 الف او اقل على حسب جوده القماش والخشب والمصنع اللي بينفذ لك تصميمك
والافضل هو مصنع عالم السعوديه بالعويس وفيه مصنع بالصناعيه متخصص بالحفر على الخشب قمه في الروعه لكن نسيت اسمه

"ابـو فـيصـل"
"ابـو فـيصـل"
اه من عشر سنوات
بداية أرحب فيك في المنتدى و نتمنى نشوف مشاركاتك مستقبلاً
بالنسبه لمحلات الكنب
1. مخازن و محلات الجمله : و هي محلات تبيع الأثاث بأسعار الجملة و موقعها أمتداد مخرج 17 في الدائري الشرقي و أنتي متجهة غرب جهة المدينة الصناعيه ثالث أشارة يسار، الطريق كله على يمينك و يسارك محلات حتى بعضهم يفصلك حسب المطلوب
2. حراج بن قاسم يوجد قسم كبير و متخصص بالأثاث ولكن بجودة أقل من المحلات أعلاه و بأسعار أقل
3. أسواق بن دايل على طريق الملك فهد يوجد فيها مجموعة كبيرة من المحلات
4. أسواق العويس يوجد فيها محلات تبيع جاهز و بعضهم يفصل مثل الي ذكرته الأخت رحآلة نجد ((مصنع عالم السعوديه ))
5. شارع أحمد بن حنبل يوجد عليه الكثير من محلات الأثاث الجاهز
جميع المحلات المذكوره أسعارها متفاوته بين المنخفض و المتوسط
و هناك محلات تبيع أثاث فخم ولكن بأسعار أعلى
مثل بعض المحلات على طريق الملك عبدالله (( القفاري - العبدالواحد - المطلق - العمر - الرجاء- ...))

dr-fazo0
dr-fazo0
واضيف على كلام الشباب والصبايا..
عندك محلات اسواق الخليج موول او معروفه صناعيه الخليج انصحك فيها..
اثاث رخيص وفخم..
مريهم وشوفي..
وحياك الله انتي و زوجك ترى بيتنا مقابل السفينه اللي هناك على طول

kinglove
kinglove
اخوي دكتور فازو اين تقع اسواق الخليج مول ؟

نقطتين وتعجب !!
نقطتين وتعجب !!
الي عند الحراج لايفووتك انا اخذت منهم جوده عالية وسعر ارخص واسألي عن محلات العوض

M القيصر M
M القيصر M
انا مع الاخوان في اماكن محلات الاثاث
وايضا حبيت اضيف مخرج 11 (طريق عبدالرحمن الغافقي) من بدايته الى نهايته عاليمين واليسار محلات اثاث يفصلون بتصاميم جدا روعه واسعار معقوله وجوده جيده جداً

رياض الفهد
رياض الفهد
حراج بن قاسم على الدائري وسطه أكثر من اربعة مجمعات فيه كل اللي تبي

dr-fazo0
dr-fazo0
kinglove
هلا وغلا..
شوف الاسواق على شارع سلمان الفارسي..
يعتبر مخرج 30 من طريق خريص..
في الروضه..
اذا انت جاي من طريق الملك عبد الله من الغرب الى الشرق تعدي اشاره بنده الحمراء الاشاره اللي بعدها تروح يمين من الاشاره تلقاى بسطات خضار..
الاشاره اللي تجيك تروح يسار وامشي على طول الين توصل الاشاره اللي بعدها روح يمين وامشي بلكن:tongue: 500 متر وماادري كم بس تلقاها على يمينك محلات اثاث واجهزه كهربائيه ولو تروح له الحين فيه بازر في السوق نفسه الحق عليه..
ان شاء الله الوصف سهل واذا احتجت اي شي لا يردك الا لسانك..
واسف على التاخير
وحياك ترى البيت قريب من السوق


خصم يصل إلى 25%