- أعضاء المنتدى الكرام
- السلام عليكم ورحمة الله وبركاته
أعضاء المنتدى الكرام
السلام عليكم ورحمة الله وبركاته
في شهر 5 من عام 2008 تم الاتفاق بين اعضاء الرحله ابو علي وابو عيد ومحاكيكم ابو سلطان رئيس ومستشار ومحاسب ومفكر ومهندس الرحلة ابتاع كله لأنني هاوي سفريات أغلبها للشام ومصر وقليلاً من تركيا ولبنان دول الخليج ماتعد سفر المهم من هنا ومن هناك لين تم الراي على هناك قصدي الى العمه ياولد كيف الحل واروح لهذه البوابة العزيزة والغالية وهاتك يانسخ حتى عبيت كرتون صابون من الكبار وكأنني اطبع مذكرات محاضرات ايام الكلية المهم قرينا اللي كفانا وقلنا يالله الخيرة مشينا وانا أدور اللي يعذرني عن السفرة وكل مايذكر علي حب الاستطلاع اقول ياولد قدام واللي مخوفني ركوب الطائرة وهذا مما اثر على نفسيتي هناك حتى وانا مبسوط ناقل هم الرجعه كيف اصل للمدينة >>>حاشى ماهو على الارض مسافر بصاروخ للفضاء ... المهم مالكم بالطويلة ونحجز 01/08/2008 م واذكر خذينا التذاكر ب 3816 ريال من المدينة المنورة والتوقف في الدمام ترانزيت دون النزول وسريع سريع اقلعنا الى العمة ووصلناها بتوقيتهم الساعة تقريباً 3 العصر وقبل قص التذاكر كنت متردد جدا جدا حتى اني كنت بعد ماتورطت بقص التذاكر ما اقدر اقول للعيال ماني رايح فكنت ادعو الله انه يسير شئ يكنسل هذي الرحلة ومن شدة الخوف عرفوا كل الجماعة فكانو ينصحوني بحبوب اندرال وكذلك السهر قبل الرحلة بيوم او يومين وكذلك حبوب بنادول نايت وكل شئ سويته ولكن عند صعود الطائرة قلت ياولد هذا المقدر والمكتوب اكيد مابه رجعه ودع ارضك بس وتبقق عيوني 12 ساعة على الكرسي لين وصلنا والل زاد البله طينه هو المطبات اللي قبل جاكرتا ب 3 ساعات جابت لي الهم والغم وماصدقت اني وصلت للأرض لايجيني واحد مطفي النور ومكيم يقول ماعمري سافرت بالطائرة كل سفرياتي بالطائرة بس ساعة ساعتين ثلاث تنبلع لكن 9 ساعات ماأهضمها وكان ابو علي وابوعيد نعم الأخويا مستانسين رغم انهم لم تكن لهم تصورات عن تلك الديار ولا عن اهلها وراحت كل السفرة تعليق وحش في على كيف كيفك يوم ماجاني النوم في الطيارة وعند الوصول الى مطار جاكرتا على طول فيزنا وختمنا وجمركنا ولا بخشيش ولا يحزنون شكلنا نخوف تسمع صوتنا من آخر الصالات وين هذا وين هذا
