فلوريدا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
OZYEEE
27-08-2022 - 11:03 pm
من انتهى صيف 2008
ابتدينا نخطط لصيف 2009 ..
فالبدايه كان المخطط فلوريدا ..
بعدين قلنا لا السنه مافي سفره هالصيف ..
وبعدها .. قلنا لا بنروح لبنان ..
واخر شي .. والمخطط النهائي صار كاليفورنيا ..
اول شي اي مسافر لامريكا لازم يفكر فيه .. الفيزا ..
المفروض الواحد قبل لايخطط او يشفي .. يقدم على الفيزا .. ويفضل من اتي فكرة امريكا في باله ..
لانه وجودها فالجواز مايضر .. وبالنسبه للحجوزات كلها تصير وهميه ..
او ممكن تروحون لشركة سفريات يساعدونكم فالحجوزات ..
المرحلة الثانيه ..
http://www.qatarairways.com/global/en/homepage.html
http://www.etihadairways.com/
http://www.emirates.com/bh/English/
طبعا هذي ال Top 3 choices
لخطوط الطيران المباشره .. من الخليج ..
تيي فالمراتب اللي بعدها
لكن بالنسبه لنا احنا نفضل الترانزيت في لندن ومن ابرز الخطوط
http://www.britishairways.com/travel/home/public/en_us
و
http://www.gulfair.com/bh/index.asp
احنا نفضل British Airways لعدة اسباب .. اولها
تطلع من البحرين ومباشر على لندن ..
في حين لو بناخذ القطريه مثلا .. تطلع الفجر من البحرين وتوصل قطر ونقعد حاولي ال5 ساعات فالمطار ونرجع نطير 13 ساعه ..
السبب الثاني .. ساعتين او 3 بالكثير واحنا طايرين ..
مطار هيثرو كبير ولك عدت خيارات من ناحية المحلات والمطاعم
اما السبب الثالث والرئيسي هو .. درجة
World Travel Plus
اهيا درجه اعلى من السياحيه واقل من البزنس
كراسيهم محدوده لذا لازم نحجز من وقت
الكراسي كبار ومريحين كانو يستخدمون فالبزنس قبل لايسونها Sky bed
والمسافه بين الكراسي كبيره
والسعر مناسب جداً .. مب اضعاف نفس البزنس والفيرست ..
مساوئها طبعا على رأسها معاملتهم السيئه
للناس بشكل عام والعرب بشكل خاص
تفتيشهم الممل وتحججهم على ابسط الاشياء كالادويه الهامه وغيره
التعب في المطار حيث الكراسي كلش مب مريحه
المهم والخلاصه لاتنتظرون! .. من تقررون اشترو التذكره
ننتقل للمرحله الثالثه اللي يفضل انت تصاحب المرحله الثانيه
اخذ جوله في قسم التقارير المصوره .. سواء عندكم وقت او لا ..
تحبون القراءه او لا ..!
محد يعرف ذوقكم ومتطلباتكم وشتحبون كثركم ..
عندنا فالمنتدى .. مكتبة تقارير تفوق الافلام الوثائقيه متعه وافاده ودقه ..
من خلالها بتعرفون شراح يناسبكم وشبيعجبكم اكثر ..
انا حالياً قاعده اخطط لكالفورنيا .. لذا ..
اخترت تقارير بضيفهم تحت .. انا تابعت بعض هالتقارير بشكل مباشر لحظه تنزيلهم لكن الان بشوفهم بنظره اخرى ..
حيث اني تابعتهم للمتعه واللحين بتمعن فيهم او اخذ منهم اللي ابي وبتدي بكتابة الجدول ..
بالنسبه لي
حق امريكا ماحب اكتب جدول محدد
افضل احط لستة الاماكن اللي ابي اروح لها او عندما اصل اروح للي يناسب من حيث الجو
لانه تقلبات الجو عندهم كثيره .. فاليوم المشمس نبتعد عن الاماكن المفتوحه كالحدائق .. ونتوجه للحدائق المائيه او المجمعات المغلقه
والعكس .. وهالشي مانقدر نرتبه لانه الله اعلم به
والبعد
اذا كان عندنا استعداد في هاليوم نقطع مسافة بالسياره .. او نفضل نقضيه في اماكن قريبه ..
والحاله الصحيه ..
الارهاق التعب المرض .. كلها اشياء تحتم علينا عدم الالتزام بمخطط معين ..
وترك الاماكن على الضروف خصوصا اذا كان معانا وقت ..
بالنسبه للتقارير .. كلها ممتازه وعلى العين والراس ..
اخترت منها التقارير المقيمه من الاداره ب أو .. حيث عادتاً تكون اهيا الاشمل
الاوضح والانسب ..
بالنسبه حق كاليفورنيا اليوم ببتدي اقرى
https://artravelers.com/p/re/232906
ومن انتهي منه ببتدي قراءة
https://artravelers.com/p/re/234771
و
https://artravelers.com/p/re/80727
و
https://artravelers.com/p/re/171127
كلهم مره ثانيه .. وان شاءلله بحط لكم لستتي
طبعا هذي جزء بسيط من مكتبة التقارير الكبيره .. ولو تاخذون جوله بتشوفون الكم الهائل من التقارير الرائع ..
والمعلومات الوفيره ..
تابعوني
وان شاءلله تعم الفائده الجميع


التعليقات (9)
the-wise-man
the-wise-man
الله يعطيك العافيه ومبين انه المجهود كبير في كتابه هالتقرير إلى الأمام وبالتوفيق

أمونه
أمونه
ماشاء الله ماشاء الله
تاخذيني معك
والله كنا ناوين هالصيف بس للاسف هالمره الصيف قصير جدا وداخل عليه رمضان غير كذا فيه ظروف طارئه منعتنا من التخطيط لامريكا هالسنه للاسف
يالله رحله موفقه واذا حابه م علموات برضو انا عندي خلفيه عن كاليفورنيا بحكم ان صيف 2008 كان هناك

Impact
Impact
رحلة موفقة ان شاء الله اختي الكريمة ..
وما شاء الله شكلك بتخططين عدل
في انتظار تقريرك الي شكله بيكسر البوابة
تحياتي

حبيب اشواق
حبيب اشواق
يعطيك الف عافية والاخوان على مجهودكم
والتقارير اللي ذ1كرتيها فعلا هي التوب والاشمل والاجمل .. ولا يهونون بقية الاخوان طبعا
بس بالنسبة لتقرير امبكات مفاجئات العيد مع Impact في الولايات المتحدة 2008م
احسه اشمل شي لحد الان ماشاء الله
بس ننتظره بدون ردود عشان نقدر نراجعه زين وبسهولة ندري فيه مايقصر جعله سالم
تحياتي

fms
fms
Ozyeee
بتنور كاليفورنيا..
و تخطيط حلو ومرتب ..
ان شاء الله تكون رحله حلوه و موفقه وتصير خبيره كاليفورنياو فلوريدا ..

أم علالي
أم علالي
يالله يا Oz شكلنا بنتلاقى هناك
احنا بعد حاجزين على الBritish
متى تاريخ السفر ان شاء الله؟
مع ودي
أم عالية

معماري النغم
معماري النغم
مشالله تبارك الله
تروحي وترجعي بالسلامه ان شالله
نبغى نشوف كاليفورنيا بعدسة اوزي عشان ارتب ان شالله للرحله الجايه
و الف شكر ياخبيرتنا على معلومات اورلاندو لاني استفدت منها كثير وان شالله نستفيد من الجاي
ورحلة موفقه ان شالله

Luxury_Traveller
Luxury_Traveller
ماشاءالله ... على ترتيب الأفكار ... أكيد الكل بيستفيد إن شاءالله
ربي يسهل أموركم

طموح ماله حدود
طموح ماله حدود
مثال رائع على التخطيط المثالي للسفر
تمنياتي لكم برحلة سعيدة وموفقة إن شاء الله في ربوع كاليفورنيا الذهبية
حتنوروا كاليفورنيا ولوس أنجلوس بزيارتكم


خصم يصل إلى 25%