أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم الموضوع باين من عنوانه ممكن تساعدوني بالطريق من الكويت إلى مدينة الدمام بشكل دقيق من محطات وهجر وهل فيه مقطعه او مطروق كله تكفون الفزعة وتسلمون
حياك الله بديرتك الثانيه
وتنورنا
الطريق
تمسك خط جنك طالع من جسر البحرين
هالخط كله سيده
دوقري على قولت اخوانا المصريين
احذر من الجمال في الطريق
والشاحنات
تمسك الخط لا يمين ولا يسار
من الدمام ل جبيل ومن جبيل ل الخفجي ومن الخفجي للكويت بأذن الله
وان شاء الله توصل بالسلامه
والمحطات كثيره
لا تشيل هم
ولا تسرع بالخط
بسرعة 100 واصل
وبسرعة 200 واصل
امش عالراحة
ولاحق خير
والله معاك بحلك وترحالك
اتمنى يكون شرحي وافي
أبشر والله ماطلبت شئ
الطريق من الكويت للدمام جميل جدا ولكن يبيلك مخده قطن تحطها ورى ظهرك علشان تمتص مطبات التحويلات
نصيحتي لك الثانيه هي انك تعبي بنزين فل من الخفجي لان الطريق الجديد ماعليه محطات مسافة 150 كلم تقريبا او ابروكسمتلي
والطريق سهل حيل بس ماذكره بس اكيد ماراح يقصرون معاك
ويعلمونك الطريق عدل