تايلاند المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ام منوره
01-09-2022 - 12:04 am
فنتازيا الابتسامه الساحره
تايلند
موضوع جديد ...
وحصري بس عندنا بمنتدى العرب المسافرون ... من اعدادي الشخصي ...
الموضوع عباره عن موسوعه شامله التالي :
الاسواق التايلنديه
الحدائق والمزارات
المطبخ التايلندي
المتاحف الوطنيه
الجزر والمدن
هدايا ( صوغه )
مطاعم
فنادق ومنتجعات
صوره وابتسامه
ملابس
ادوات وتحف
وصفات لاشهى الاطباق التايلنديه
رحلات
معابد
من هنا وهناك
كل جديد
نصايح
معلومات
خرايط
اطعمه
عادات وتقاليد ....
اتمنى اشوف تشجيعكم علشان ابدى المشوار ...


التعليقات (9)
الهلالي
الهلالي
يبدو اننا على موعد مع الابداع
ننتظرك على احر من الجمر

ام منوره
ام منوره
في البدايه احب اشكر الجميع وان شاء الله راح ارد عليكم واحد واحد
بردتوا قلبي بتواجدكم ... لان الموضوع كبير وماخذ وقتي
من تجميع صور وتضليلها و تصغيرها و تحميلها .. وجمع معلومات وترجمه ... فلازم يكون في بالمقابل دافع
يشجعني على الاستمرار .. وبالاخير الموضوع هديه مني لكم
الحين لازم اضيفكم ... شتحبون تشربون ؟؟؟
انا ابي اذوقكم الشاي التايلندي ...اشرايكم ... ؟
يالله تفضلوا ...

هذا شاي ورق خشن تايلندي

بعد غسل الشاي نحطه بمشخل شاش ونحطه بالجدر ( القدر )

واهني نكون حاطين عليه ماي ( ماء ) ونخليه يطبخ

اهني خلاص طبخ الجاي و شلنا الشاش

اهني نضيف السيرب ( مثل الشيره او القطر )

نضيف عليه الشاي

ونصبه بقلاص فيه ثلج

نضيف بعدها الحليب

وهذا الشاي اللذيذ جاهز ... عليكم بالعافيه ... ها منو اعجبته الطريقه ؟؟
السموحه / اني حملت الصور من موقع ثاني .. تحميل المنتدى وايد ثقيل وماحبيت اطول عليكم
ملاحظه / الموضوع مثل ماذكرت فنتازيا وموسوعه شامله ومتنوعه و ليست تقرير متصل ببعض .. ..
ان شاء الله اليوم اكمل معاكم ببارت يديد ومشوق

ام منوره
ام منوره
فندقنا اليوم بيكون ... من اجمل فنادق جزيرة بوكت
The Aspasia Phuket


الفندق جدا راقي ويقع في Kata Beach بجزيرة بوكت ... يبعد عن الشاطيء 5 دقايق فقط
ويبعد ساعه 1 واحده عن مطار بوكت .. والفندق يوفر خدمة لموزين مقابل 850 بات لاستقبالك من
المطار ..
اما بالنسبه لمكان الاقامه .. فالفندق يقع على الشاطيء الابيض الرائع والخيالي
جميع أماكن فندق Aspasia تتخللها ديكورات رائعه تعكس طبيعة الارض والنباتات والزهور ..
الفندق يحتوي على عدة غرف واجنحه ... وهذا موقع الفندق اللي يتيح لكم
مشاهدة الغرف والاجنحه بتصوير طبيعي بالفيديو
وايضا باقي مواقع الفندق
من مطعم الفطور - الشاطيء - اللوبي - حمام السباحه
http://www.aspasiaphuket.com/





اما طرق الدفع :
تقبل بطاقات الائتمان : أمريكان إكسبريس ، فيزا ، اليورو / ماستركارد ، داينرز كلوب ، وجيه سي بي

ام منوره
ام منوره
صوغتنا ...
صوغتنا ( الهديه المرسله من المسافر لاهله واحبابه ) ... شي حده روعه ...


هذي الاداة عجيبه ... انا شريتها بسفرتي الاولى ... من روبنسون ... ومن خوفي عليها
لا تضيع او تخترب ... قمت شريت 2 بالسفره اللي بعدها

وهذي بعد شريتها ... تقريبا وظيفتهم وحده
شيسوون ؟؟؟ انا اقولكم ...
يبشرون الخضار بطريقه عجيبه ... خيوط رفيعه وطويله ... تصلح حق ( الجزر - الخيار - الكوسا
البطاط ) هذيل اللي جربتهم ...

نفس الخيوط ...
وهذي اداة تقشر التفاح والمانجا والعرموط ... عجيبه صح .. بس ليش ماشريتها ؟؟



كل هالسوالف تحصلونهم في :
روبنسون / سنترال / سوق الاحد ( نهاية الاسبوع ) / شاينا تاون
واسعارهم جدا رخيصه
ونطروني مع صوغه جديده وغريبه

ام منوره
ام منوره
صور تسحر العين بجمالها ....

ام منوره
ام منوره
تعالوا نروح ....
لمحبي التسوق موسوعة عن المراكز التجارية والاسواق الليلية
Seacon Square
من اكبر مراكز التسوق في بانكوك ... تم افتتاحه عام 1994م ويقع في منطقة Prawet
في بانكوك ... ترى مو بعيد كم كيلو بس عن منطقة نانا
مساحة 500000m2 وفيه أكثر من 400 محل تجاري ... ويشمل ايضا منتزه للاطفال
اسمه Yoyo land واايد حلو لليهال ...
وهذا موقعهم
http://www.seaconsquare.com/eng/about.html
ان شاء الله يعجبكم ...
اللي يحبون الديكورات والستائر والكفرات والشراشف ... اقدم لكم هذا الموقع
http://www.pasaya.com
وهذا عنوانهم ...
المكتب الرئيسي
معرض المنسوجات المحدوده
7/191-192 Sinnsathorn برج 42nd غيلدر ،
Krungdhonbur
i الثالثة. ، Klongsarn ، بانكوك 10600 تايلاند
هدايا ... واو
البضاعه حدها حلوه ومتنوعه ... واللي يدش المحل مستحيل يطلع
وايده فاضيه ...
كل ستايل في منه طقم ( مداليات - كفر للكلينكس - مقلمه - جنطة ميك اب - فايلات
مراييل مطبخ - بيوزه - ابواكه - علب - اكياس - براويز - مرايات - معلقات - علاق ملابس
جنط باحجام متعدده - اللعاب - نعل - فوط ....الخ )
طبعا تقدرون تشترون السلعه مفرقه ... موشرط تاخذ الطقم كله
والاسعار زينه ... وللبعض ممكن تكون غاليه ...
بس المتيريل جودتها جدا عاليه ... على قولتهم كد ومد
تبارك الرحمن
انا اذا دخلت المحل ... انسى نفسي ... وقبل لااحط رجلي اليمين ... ابومنيره
يبتسم ... ويقول الله يستر ..ههه
وليه طلعت ... لازم يسمعني كلمته ... انتي يبيلك كونتينر
يالله يكفي هالغش ...ههه
بعد ياربي طاقين درب ومانتشرا ... موعدل ليمونه ؟؟
هذا فرعهم بمطار بوكت
هذا موقعهم .. تطمشوا
http://www.naraya.com/
لهم عدة افرع بكل تايلند منها :
CENTRAL FESTIVAL PATTAYA BEACH
NARAYA HEAD OFFICE BRANCH
CENTRAL LARDPRAO
CENTRAL WORLD PLAZA
BAAN SILOM
SUKHUMVIT 24
PATPONG
DREAM WORLD
PHUKET
اتمنى انه نال اعجابكم ... بس قرقشوا بيزاتكم
اليوم بنروح سوق الاحد / تشاتوشاك
هذا السوق يفتح ابوابه خلال يومي السبت و الأحد من كل اسبوع ، وستجد في هذا السوق كل البضائع التي تباع في
اسواق تايلند مع الأخذ في الإعتبار بأنها نفس البضائع وبسعر اقل ومن أمثله هذه البضائع الملابس والتحف و الأحذية و
الحيوانات و الأثاث والزهور ...الخ ،
وللتجول في هذا السوق تحتاج ليوم كامل مع الاحتفاظ بخريطة الموقع معك فهو سوق كبير ...
المكان جدا مزدحم
طيور منوعه وغريبه
مطاعم ماتصلح لنا
ارانب
مساومه ومكاسر
عيش ( رز ) تايلندي اسمر وابيض وبقشوره وبقول وبهارات واعشاب بحريه
لحوم
تحف واواني منزليه
نباتات وزهور
ليتات بكل الاشكال ( انوار - لمبات - اضاءه )
سمك
ماانصحكم تشترون فاكهه مقطعه .. لعدم نظافتها ..
ادوات مدرسيه رخيصه .. وسوالف حق توزيعات المواليد والقرقيعان تنباع هناك
فاكهه وخضراوات بلاستيك ... بس كاسروهم سعرهم شوي غالي
خريطة الطريق الى السوق ... ويبعد عن نانا ربع ساعه بس والتاكسي 100 بات
يكفيه ... لاتعطيه اكثر .. وماانصحك عداد
الطريق جدا مزدحم
خريطة السوق ... وفيها محدد كل قسم
والحين بعد اللويه بالحر ... بردوا على قلوبكم بعصير ليمون تايلندي
بانكوك عاصمة التسوق
البدايه مع ....
هذا موقعه ... تطمشوا ...على كل شي
http://www.siamparagon.co.th/v3/index2.html
المول وايد حلو وراقي ... اسعاره شوي غاليه ... ومكانه جدا قريب لمنطقة نانا تقريبا
0دقايق ... وفيه ( سيام اوشن وولد ) عالم المحيطات
وايد حلو حق الصغار والكبار
وهذا موقعه
http://www.siamoceanworld.co.th/
وصج مكان مايتطوف ...
الحين بنروح ....
وهذا موقعه ...
http://www.centralworld.co.th/
المول نوعا ما غالي ... وفيه اغلب الماركات العالميه ... وايضا فيه محلات اسعارها مناسبه للبعض
وهم مو بعيد عن منطقة نانا ...
نواصل
وهذا موقعه
http://www.mbk-center.com/en/
على فكره المول يفتح 11 الصبح ... اما اسعاره مو ثابته لانك تقدر تكاسر في بعض
المحلات ... وايضا مو بعيد وايد
نواصل
وهذا موقعه
http://www.central.co.th/
المول هذا مثل دبنهامز او نكست ... بضاعته حلوه وعندهم ماركات
وفيه سوالف حق اليهال حلوه وكشخه تصلح للعيد
و اسعاره شوي غاليه ... او مقاربه لاسعارنا ...
وله عدة افرع ...
وهذا موقعه
http://www.bigc.co.th/en/jobs/
المول هذا مثل هايبر او كارفور ... تحصلون فيه فواكهه وشوكليت وحلويات
وملابس عاديه وادوات تجميل وتنظيف ... ورخيص
نواصل
وهذا موقعه
http://www.amarinplaza.com/
الصراحه ماني ذاكره المكان للامانه ... بس من خلال بحثي يستحق الزياره
وهم قريب ... موبعيد
وهذا موقعه
http://www.suanlum-nightbazaar.com/
السوق هذا منوع ووايد حلو ... كل شي فيه .. ملابس وشنط و تحف
ورسامين .... وقريب مو بعيد بالمره
نواصل
وهذا موقعه
http://www.robinson.co.th/
هذا بعد يشبه دبنهامز ... وفيه عدة طوابق ... كل طابق متخصص بشي ... اسعاره جيده
وللبعض غاليه ... فيه سوالف لليهال وايد حلوه
جدا قريب ... وانا من فندق اروحله مشي ... وايد قريب
وهذا موقعه
http://www.gaysorn.com/essentially.php
وايد حلو مثل روبنسون وسنترال تقريبا ... وهم قريب
نواصل
مجموعة اسواق
سيام دسكفري / سيام سنتر / سيام تور
وهذا موقعهم
http://www.siampiwat.com/
منطقه كبيره فيها كثير من المجمعات الشعبيه والمولات والمحلات ... تلقون فيها سوالف وايد
حلوه من ملابس واحذيه واجهزه وشنط وكتب واللعاب ...الخ
قريبه من منطقة نانا ....
وهذا موقعه
http://www.pantipplaza.com/
مول متخصص في بيع الكمبيوتر واللاب توب والموبايلات والكاميرات و dvd
وايد حلو ... وايضا قريب من المنطقه
نواصل
هذا موقعه
http://www.emporiumthailand.com/
مول حلو وفيه سوالف لليهال ... يبيله تقريبا نص ساعه
اليوم بنروح Pratunam
هالمنطقه هذي جدا معروف بتايلند ... واليوم صارت اكثر شعبيه عند السواح وخاصه التجار العرب
راح تلاقون فيها الملابس ذات الصناعه اليدويه / الحرير / القطن / الفضه / الفخار / المنحوتات
الخشبيه / الجلود / ساعات / الات حاسبه / جينزات / تي شيرتات / قمصان / حزم
اطعمه ...الخ
اعتقد المكان عباره مجمعين وعدة محلات مفتوحه ... واغلبها تبيع 3 قطع بسعر مميز ...
وماعندهم مفرق ...
المكان اللي نتكلم عنه جدا قريب من برج وفندق بيوك سكاي
جينزات / جوارب / ملابس
هالجنط زوغه يصلحون حق الرحلات والشاليه والتسوق و شيل المطاطير ( الترامس ملوت
القهوة والشاي ... ) وسعرهم رخيص
في احجام وموديلات مختلفه
لازم تاخذون 3 قطع ... واسعارهم جدا مناسبه ورخيصه
احذيه منوعه
شباصات / اكسسوارات رخيصه ... نفس اللي mbk والمولات الثانيه
دلاقات ( جوارب ) واندر ويرات لليهال والكبار ... جهزوا عيالكم حق المدارس من هناك
شالات / ملابس
ادوات خياطه ( خيوط - زراير - خرز - دانتيلات - جيبير - خيوط صوف )
اللعاب ... صوايغ ... اخذ 3 بسعر مناسب
قمصان وتي شيرتات رجاليه ... عندهم موديلات حلوه تصلح لطلبة المدارس
جنطه قماش ... تصلح للقرقيعان .. اشرايكم ؟؟
اضاءات متنوعه وحلوه ورخيصه
ملابس تايلنديه تقليديه
زبدة الكلام :
المكان وايد متنوع بكل انواع البضايع ... ممكن التاكسي مايوقفك بالمكان المطلوب ... حرص عليه
افضل وقت لزيارته الصبح ... المكان يبعد تقريبا نص ساعه ... وتقريبا مزدحم ...
نصيحه طولوا بالكم ... اذا كنتوا حابين تشترون ... لان المكاسر ياخذ وقت
وايضا المكان غير مكيف ... في اغلب المحلات ...
وهذي خريطة المكان ..
خريطة مركز التسوق والمحطات القريبة منها في بانكوك
أذا ما عندكم وقت للتسوق
السوق الحرة تغنيك عن التسوق في مراكز التسوق
والجميل أنه بأمكنك أن تتسوق داخل مركز التسوق التابع لهم وتستلم مشترواتك وأنت في المطار ..يعني بتتسوق يعني
بتتسوق
وهذا موقعهم
http://www.kingpower.com/home.html
بس لازم يكون معاك جواز وتذاكر السفر
بات بونغ / السوق الليلي ... بانكوك
يفتح السوق الساعه 7 مساء ... اهو عباره عن بسطات يايه بشكل طويل ورا بعض
وعلى اطرافها محلات ( بارات - shw ) وغير لائقه لنا كمسلمين وعرب
شنو ينباع بالسوق ...؟
كل شي تقليد ... الشنط / الجواتي / الملافع / الساعات / البواكه / النظارات / قمصان
شنط سفر / اكسسوارات / dvd ...الخ
الاسعار جدا مبالغ فيها ... بس عليكم بالمكاسر ... وعطيه اقل من النص
البضاعه بالنسبه لي جدا رديه ... وماتقعد عند الواحد شهر ... واذا بتقولون درجه اولى
حتى الدرجه الاولى عندهم رديه ... وهذا رايي الشخصي ... يمكن غيري عاجبته
المكان حار ورطب ومزدحم جدا ... يعني كتف بكتف
بعض البياعين اللفاضهم مو حلوه ... يعني مثلا ليه شافوا وحده خليجيه يناديك ياهلوه يا كميل
مصيبه بسرعه يتعلمون عربي ... واحنا سنين رايحين ورادين ماغير سبايدي كاب
الصراحه شي بقمة قلة الادب ... وماعجبني المكان ...
تجنبي تاخذين اطفال معاك ... ماتسوى تضيعين عيالك على تقليد لو ماركه ممكن ههه
اتغشمر اسم الله عليهم
اذا كنتي مصممه وبخاطرك شي ... تعالي المكان بالنهار ... في كم محل على اطراف
البسطات عندهم سوالف حلوه ... وهم المنطقه بالنهار تكون هاديه علشان الربع
نايمين ... ومايصحون الا بالليل ...
اهني قبل لا يحطون بسطاتهم
الحبيب يدلل ويعزم على الامراض والسم اللي عنده بالبار ... قوى مناعتكم اخواني
بدينكم وعقيدتكم الاسلاميه ... وخافوا الله بانفسكم واهلكم
وكونوا خير السفراء لبلادكم ...

ام منوره
ام منوره
تركبون التوك توك ... ترى ارخص ... ههه
تعالوا نروح China town
يالله ..
الحي الصيني - China town
شارع سامبينق Sampeng Lane في الحي الصيني Chinatown هو
السوق الرئيسي التاريخي للحي الصيني و أقدم سوق في بانكوك منذ تأسيسها.لكن الحي الصيني بكاملة
تقريباً تحول الى أسواق،وأفضل طريقة لاٍستكشاف الحي الصيني أن تنطلق من دوار البوابة الصينية الحمراء الشهيرة و الدوار
موجود شرق طريق ياو وارات Yaowarat Road و هذا الطرق يخترق الحي الصيني و جميع
الشوارع المتفرعة منة عباراة عن
اسواق.هذا الطريق ينتهي من جهة الغرب بعبارة ( جسر صغير جداً ) فوق قناة متفرعة من
النهر،بعد اٍجتيازك للعبارة تجد
سوق فاهورات ( باهورات) Phahurat Market
هذا سوق الهنود السيخ المتخصيصين و شبة المحتكرين لتجارة الأقمشة.
وصلنا ها عسى بس محد طاح ؟؟
البجايم الستان الصينيه ... حلوين صوغه
لاتغامرون وتشترون سوالف ماتصلح لكم ... حتى وان كانت اعشاب طبيعيه
الله يزيد النعمه .. ويبعد الريحه
ماتوقعت عندهم رمان ... يمكن مستورد
ادويه واعشاب ومقويات والشاي بانواعه
اواني منزليه صينيه
يحليله هالصيني
اهني افضل تلبسون كمام ...
طبيخ ليل ونهار
الشاي بانواعه
بهارات واعشاب بحريه وبريه
ترى عندهم ربيان مجفف ... وايد حلو يصلح حق المربين ( اكله كويتيه )
وساعات اييبه حق الخدم يحبونه ... وسعره
رخيص
خريطة / الحي الصيني
ملاحظه :
يفضل الذهاب الصبح مبكر ... المكان حار ورطب ... مافي شيء ممكن ينوكل فيه
يفضل اخذ بعض الاطعمه للاطفال ...
يجب توخي الحذر من الزحام الشديد ... لاتاخذ مبالغ كبيره
الحرص كل الحرص على تواجد الاطفال بالقرب منكم ... المكان حلو للي يحب
الاستكشاف والمغامره ....

ام منوره
ام منوره
جرناس
الله يسلمك ...
نعم المول كان اسمه
Seacon Square
سكن سكوير
المول اسعاره جيده ومو غاليه ... ويحتوي على
روبنسون
منتزه مغلق للاطفال اسمه Yoyoland وفيه اللعاب كثيره
تيسكو لوتس supercenter هو أكبر سلسلة متاجر في تايلاند
Seacon سوق تكنولوجيا المعلومات
Klongtom Seacon
Season Trendy Mall مركز بيع الملابس
0مطعم او محل متخصص في بيع الاغذيه
مكتبه وبيع قرطاسيه
Klongtom Seacon محلات متخصصه في بيع الساعات
والكثير اخوي
وهذا عنوانه

يمكن 25 دقيقه من منطقة نانا
Seacon Development Public Co.,Ltd
5Srinakarin Road, Nongbon Prawet Bangkok 10250
Tel : 0-2721-8888 Fax : 0-2721-9444

ام منوره
ام منوره
بتايا الحلوه الغاليه .... وين عشاقها ؟؟

اجمل فنادق جزيرة بتايا
http://www.a-onehotel.com/pattaya/
فندق على شكل سفينه او كروز ... غير متحركه
http://www.tubkaakresort.com/
يقع في Tubkaak بيتش الرائع
للوصول إلى هناك
من بانكوك جوا 1 ساعة 20 دقيقه . خطوط طيران مباشرة إلى كرابى تشغلها شركة الخطوط الجوية التايلندية الدولية
واير اسيا , كرونة للطيران
من جزيرة بوكيت الى كرابي تاخذ 3 ساعات بالسيارة


خصم يصل إلى 25%