تايلاند المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ابوتوفي
10-08-2022 - 02:17 pm
السلام عليكم ورحمة الله وبركاته
اخواني انا اول مرة اسافر دولة اجنبية
وناوي اروح تايلند شهر عسل
ياليت تخبروني وش الخطوات اللي اسويها في المطار عند الوصول
لاني اقرأ مواضيع الاخوان في المنتدى بس مو مستوعب وشلون الطريقه
يعني اول ما تنزل الطائرة وين اروح ومتى اختم جوازي والتاشيرةومتى اعبي النموذج ومتى اخذ الشنط
وهل اخذ الشنط قبل الجوازات اول بعد
مع العلم اني بطلع التاشيرة من سفارة تايلند في الرياض
تكفون عطوني تفاصيل دقيقه عن هالشي
وربي يحفظكم


التعليقات (9)
دولي
دولي
اول شي التوفي تاكله بالحالة ولا مع القهوة
اول ماتوصل تمشي مع الناس اللي في الطايرة معك ثم يوقفون عند الجوازات وتوقف معهم ( حلوة ذي )
ويختمون على جوازك وبعدها تاخذ الشنط وتطلع برا مافيه جمارك ولاتفتيش
ونموذج كرت الدخول تعبيه بالطيارة ، يوزعونه المضيفين عليك ، وتخليه في الجوزاز وتعطي الموظف الجواز مع الكرت
واضح
تحياتي
دولي

!عاشق بتايا!
!عاشق بتايا!
ابوتوفي
سلمك الله تركب الطياره وقبل لاتوصل بانكوك ب ساعه او ساعه ونص يوزعون عليك كرت
الكرت فيه هل معلومات
famlly name : اسم العائله
first name midel name : الاسم الاولى و اسم المنتصف
nationaly : الجنسيه
passport number : رقم الجواز
location : الموقع
male - famele : الجنس ذكر انثى
وعلى اليمين فوق تلقى كلمه مادري شنو flight
رقم الرحله مثلن لو طاير على القطريه QR 613
هذي بالنسبه لبطاقه Arraive الوصول وتقلب الورقه نفسه
في اختيارات تحط فيه صح مثلن كم دخلك الشهري ماسبب الزياره و مهنتك و و و و و
وفي بطاقه ثانيه مرفقه معاها اسمها deprated
هذي تعبيه قبل ماتخرج من تايلند بالمطار ف انت تعبيها تقريبا نفس الطلبات الي بالورقه الاولى بس اقل بيانات
وسلمك الله تدخل المطار رافع راسك ومحترم خلق الله وتروح مع الناس الي يطلعون معاك من الطياره وتروح معاهم وتلقاهم صافين طوابير تدش وتعطيهم الجواز وتنتظر يقولك تفضل تبطل جوازك تلقى بطاقه ال derated ملصوقه بالدباسه بالجواز عشان ماتضيع :> وتتوكل على الله الى اقرب مخرج او انك اذا تبي تطير طيران داخلي تصعد للطابق الثاني والثالثه للطيران الداخلي بنفس المطار ودمتم سالمين

ابوتوفي
ابوتوفي
دولي 9
التوفي يم يم خصوصا مع القهوة
او ايسكريم توفي وهو بارد وتاكله وانت في تايلند يكون احلى
يعطيك العافيه حبيب قلبي ماقصرت على المعلومه
بس تنصح اخذ تاكسي من المطار او من برى المطار ؟؟
وبالنسبة للتذاكر الداخليه
انا بسافر من بانكوك لشنقماي
هل يلزم اني اذا وصلت بانكوك اروح واسوي تاكيد لحجزي لشنقماي
عارف ثقلت عليك بالاسئلة بس مالي الا الله ثم انتم دبروني ترى اخوك ماقد سافر
ولا ودي اتفشل مع المعزبه

ابوتوفي
ابوتوفي
دولي 9
يخليك ربي يالدولي
ما ننحرم من طلتك ومرورك على موضوعي
ترى ما استغني ولا جميع الموجودين اتوقع يستغنون عن خبرتك يالغالي

دولي
دولي
الله يحيك اخوي
لا مايحتاج تاكيد خلاص طالما قصيت التذكرة
وتاخذ تاكسي من المطار اكيد ويعطونك فاتورة وتدفع قبل ماتركب التاكسي شغل منظم وهذي قاعده عندك في اي مطار في العالم
تحياتي
دولي

!عاشق بتايا!
!عاشق بتايا!
https://artravelers.com/p/re/268586 شوف الموضوع هذا اخي العزيز

ابوتوفي
ابوتوفي
عاشق بتايا ربي يحفظك من كل شر
تسلم لي يالغالي وما ننحرم من خبرتك

ام منوره
ام منوره
ماقصروا الاخوان ... رحله موفقه

ابوتوفي
ابوتوفي
ام منوره
ام منورة مشكورة على الرد
واتمنى للجميع رحلة موفقه


خصم يصل إلى 25%