الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
المرام
07-12-2022 - 10:50 am
أرض الاطفال ... وناسة الاطفال
السلام عليكم
من شهر 12 و الصور عندي .. على بالي نزلت التقرير
رفيجتي تشتغل في وزارة الشئون .. عطوها كوبونات خصومات على العاب ارض الاطفال .. و عطتني اياهم
رحنا و كان العرض روعه ...

ادفع دينارين و نص .. يعبون لك بالبطاقه العاب بقيمة 12 دينار .. و معاها هدايا مجانيه
لكن ان عطيته الكوبون راح يطلب منكم رقم عشان تثبتون انكم تشتغلون ب الشئون
و طلع العرض مو بس للشئون .. لاني لقيت مدرسات روضه هناك
الا احنا الصحه :112: ما يعطونا شي
ارض الاطفال .. مركز ترفيهي فيه العاب منوعه للاطفال و رسم وجوه
و له افرع كثيره بالكويت .. منها في مجمع مغاتير .. و مجمع الاوقاف
احنا رحنا الاثنين ... بس الصور هذي ل مجمع مغاتير ب منطقة الفروانية
ارض الاطفال اللي ب مجمع الاوقاف نفس اللي بمغاتير .. لكن .. الاوقاف فيه مسرح صغير للعروض السحريه
عرض الساحر عجب العيال و عجبنا حيل لكن .... الساحر ولع نار و طلع منها حمام ... ولا بشار يقول لي : شفتي شلون طلع الحمامه؟ انا ان رحت البيت بأطلع حمامه
قلت لامه و قمنا نفهمه انه خدع لكنه مو راضي يفهم بس الحمدلله نسى العرض
نصيحه .. لا تدخلون العيال للعرض السحري :112:
أخليكم مع الصور ...
الحلوين .. رغد و رند .. اسم الله عليهم ..

ريماس .. اسم الله عليها ما تقعد ..

رسم الوجه :

طبعا حاولنا نقنع بشار ... غير عن سبايدر مان .. لكنه ما رضى مدمن سبايدر مان

مجمع مغاتير .. الالعاب الدور الثاني ..

و عند الالعاب محل حلاقة شعر للاطفال ...
شوفوا ريماس و هي بطلة فلم رعب

و هني ارتاحت لما خلصت

دور البنات :

و بس


رحلتي الى الكويت
التعليقات (9)
مـزون
مـزون
يازين الكويت واهلها والله
والمكان مبين حلو وونيس لليهال ..
وفديتها ريماس نفس ولدي ابدا موصلح مع الحلاق
وديته محل حلاقه مختص باليهال والعاب وتلفزيونات شغاله على سبيس تون .. ماكو فايده ابد
ووصلت معاه لي درجة اني اجيب الحلاق عندنا بالبيت عشان يقص شعره ..
الله يعطيج العافيه اختي .. تقري حلو تسلمين

كويتية وافتخر
كويتية وافتخر
هلا اختى المرام الحمدالله انا ثاني وحدة ترد علي نفس الموضوع ،،،،، وناسة
حتى اعيالي موزعين عليهم بالمدرسة كوبونات يوم كان عندهم يوم مفتوح بالمدرسة وكل واحد حصله علي (6 كوبونات ) ماشالله عليهم يعنى الحصيلة ( 12كوبون ) ماادري متى راح اوديهم بس لازم اوديهم لأن محددين الفترة الي نهاية شهر 5 /2009
بس خلي يخلص عبودي من الامتحانات ان شالله ويوفق بالنجاح اوديهم حق ارض الاطفال

المرام
المرام
مزون البحرين
هلا حبيبتي
نورتي التقرير
اي وديهم يستانسون ... سوي نفسنا ... احنا دفعنا فلوس الكوبونات كلها و حطهم بالكرت ... ان حطهم بالكرت ما تنتهي مدتهم ... عرقتي
يعني ادفعي فلوسهم و خليهم بالكرت .. و متى ما بغيتي لعبيهم ... حتى لو المده انتهت
وناسه للعيال
الله يخلي لج عيالج
و مشكوره على مرورج الحلو

alrashedq8
alrashedq8
يعطيج العافية اختي المرام على الموضوع
والله يخلي لكم عيالكم ويحفظهم

المرام
المرام
الله يسلمك
تسلم على احلى مرور

marcopolo_ku
marcopolo_ku
واو
الالعاب تهبل وايد
ياريت الشباب يعود يوماً
تحياتي ,,,

المرام
المرام
تسلم على المرور الحلو

Hambka Q8
Hambka Q8
خوش مكان ارض الاطفال
مره رحتله
اللي بالاوقاف بس ماكو مواقف كله زحمه..
مشكور مرام
و الله يحفظ عيالكم من الشر

المرام
المرام
الله يسلمج
مشكوره على مرورج


خصم يصل إلى 25%