الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أحلى كيميائية
06-12-2022 - 02:49 pm
السلام عليكم ورحمة الله وبركاته
اليوم بآخذكم معاي بزيارة إلى العوضي مول ( دار العوضي)

فهو المكان الذي تجد فيه..
متعة اللقاء لتجمع الأسرة والأصدقاء
وملتقى رجال الأعمال في جو فاخر
ومطاعم فاخره وخدمات مميزه
والاهم بيئة صديقة..

اللي خلاني اكتب عن هذا المول هو إعجابي فيه صراحة
ويمكن ما يعجب البعض!! بسبب الهدوء
كانت الزيارة الأولى لي في شهر رمضان وذلك بسبب معرض لدراريع العيد هناك
وبعدها تكررت الزيارات له..
أولا يتميز بالهدوء التام يعني إزعاج ولوية اليهال ما فيه أبدا
ثانيا نظافة ورقي المول
ثالثا يوجد الكثير من المحلات الخاصة باللبس النسائي والرجالي والقليل من لبس الأطفال
وتتميز هذي المحلات بعدم توفرها بأي مول آخر بالكويت ..
وفي بعد محلات للنظارات ومصور راقي وبعض البنوك الاجنبيه.
رابعا فيه بعض من الكافيهات وبعض المطاعم مثل ستاريوكس- مطعم وكافيه سبارجو- ....الخ هذا اللي اذكره
خامسا توفر خدمة الوير ليس لمحبي تصفح الانترنت مجاني ..
بشكل عام اللي حاب يشرب قهوته ومزاج هادي ماله إلا دار العوضي
شوفوا معاي بعض من الصور ..

عنوانهم :
منطقة الشرق- شارع احمد الجابر –
ت: 22322244 أو 22322000
الويب سايت : http://www.daralawadi.com


رحلتي الى الكويت
التعليقات (9)
المرام
المرام
يعطيج العافيه يالغاليه..
عاد دايم اسمع عنه و اقول بأروح له
بانتظار جديدج

fab u lus
fab u lus
صج هذا المجمع مع انه صغير بس قيه كافيهات حلوة ومحلات راقية وهادي جدا .....يعطيج العافية ذكرتينا فيه لازم نروح له من زمان ما دشيته.

أحبك يا كويت
أحبك يا كويت
الله يعطيج العافية مشرفتنا .. ماقصرتي باين من الصور ان المجمع هادي وماعليه زحمه .. تسلمين

alrashedq8
alrashedq8
المجمع دايما فاضي
والكافيهات اللي فيه حلوة وهادية
بس محلات الملابس فيه شوية واغلب المحلات مسكرين
قبل كان فيه ماركة levis مادري ليش سكرو المحل
يعطيج العافية على الموضوع وما قصرتي

أحلى كيميائية
أحلى كيميائية
المرام
هلا مشرفتنا ..
اي اهو هادي واايد يعني ما ما فيه لوويه ولا شئ مثل ما ذكرت بالتقرير
يعني بس حقج انتي وريلج .. ينفع..
وحياج الله

أحلى كيميائية
أحلى كيميائية
fab u lus
اي صح كلامك عيين الصواب
احبه لانه هادي وكافيهاته وايد راقيه..

أحلى كيميائية
أحلى كيميائية
أحبك يا كويت
هلا فيك بوجابر
الله يسلمك ..
اي ما فيه زحمه وانا اقول السبب ان ما فيه مطاعم تيك اوي ولا فيه سينمات من جذي هادي .

أحلى كيميائية
أحلى كيميائية
alrashedq8
صح كلامك يا الراشد..
اي مثل ما ذكرت ان فيه محلات مو موجوده في مولات ثانيه
والف شكر لمروورك

مـزون
مـزون
من الصور حسيت ان محد بالمجمع الا انتو
شكله حلو ورايق .. يشبه المودا مول عندنا (الشيراتون) من ناحية الهدوء
ان شاءالله نزوره عما قريب ..
الله يعطيج العافيه اخيتي عالتقرير الحلو


خصم يصل إلى 25%