مانشستر
يوم تتمشى فيها نفسها
ويوم تروح لاولد ترافورد الملعب والمول
ممكن تزور موضوعي عن بريطانيا وتاخذ فكرة عن مانشستر
ليفربول مازرتها فما اقدر فيدك : )

اميز ما في مانشستر
ترافورد سنتر وهو مركز تجاري كبير وحلو
اولد ترافورد ملعب نادي مانشستر يونايتد
الستي سنتر تبع المدينه مره حلو
ومدينة بلاك بول قريبه منها في حدود 60 كيلو
واحلى مافي بلاك بول هي مدينة الملاهي والبرج تبعها
وايضا يميز مانشستر قربها لمنطقة البحيرات
وهي منطقه رائعه جدا
اما ليفربول ما زرتها والله

الله يعطيكم العافيه ..
لكن نبي معلومات اوفر

1. هلا اخوي,, تراني مسجل علشانك


2. شوف,,,

هلا اخوي,, تراني مسجل علشانك

شوف,,,

انت قلت بتروح اول شي شيفيلد و تجلس يومين,, المهم اول ما تخلص منها تركب القطار على مانشستر بيكاديللي ستيشن.. لا تشيل هم الحجوزات انت اركب القطار وادفع التذكره داخل القطار هذا اذا مافيه زحمه واذا فيه زحمه خذها من الكاونت برا,, توصل بيكاديللي انزل الدور التحتي و بتلقى التكاسي تحت او اركب الترام الى سالفورد كييز (لا تروح سالفورد نفسها) تاكد انك تركب الى سالفورد كيز مكان جميل وهادئ فيه فندق الهوليدي ان اكسبرس او فندق اللاوري قريبين من بعض و فيه مجمع تجاري صغير وسينما على النهر.. وفيه مطاعم حلوه قريبه (لا اوصيك في تشيكيتو مطعم مكسيكي جنان) و ملعب اولد ترافورد قريب تقدر تروح مشي اذا معك خريطه او اركب الترام (دقيقتين بالترام) احسن لك مشي.
وعندك مجمع ترافورد سنتر.. روح وقف قريب من الملعب وانتظر الباص رقم 85 او 86 ما يوقف بك الا في المجمع.. بياخذ عليك باوند.
و تقدر تروح وتجي للسنتر بالترام طبعا 6-7 دقايق...لا اوصيك في الماركت ستريت يهبل هبال
واذا تبي مقهى فيه المباريات,,, في السنتر اسال عن شارع دينزقيت..سبورت كافيه... خطير وفيه اكثر من مية شاشه لعرض كل المباريات في نفس الوقت..لانه متخصص في الرياضه خاصه الكوره
بالنسبه ل ليفربوول ما انصحك تسكن فيها لانها ما تستاهل..بس انا فهمت انك تبي تشوف انفيلد مع انه ما يستاهل بعد بس انصحك تبقى في مانشستر و تروح بالقطار من محطه بيكاديللي و تنزل في ليفربوول لايم سترييت مو اكثر من نص ساعه قريبه مره... و اركب تكسي على انفيلد ولما تخلص اركب تاكسي على ليفربول بورت اذا تبي تشوف متحف البيتلز و تتقهوى..فيه قهاوي حلوه هناك بس ماظنيت ان الجو يحمس هالايام ما ادري صار لي زمان ما رحت... وبعدين ارجع في نفس اليوم لان مافيه شي تشوفه هناك.... ارجع مانشستر بعد حيي.. و روح على شارع روشولم و كل في المطاعم العربية هناك و اتقهوى في قهوة ميوزيكانا وسلم على ابو يوسف هناك قله واحد عزيز عليك يسلم عليك سلام كثير
طبعا فيه اماكن جميلة كثير قريب من مانشستر بس تحتاج تستاجر سيارة عشان تنبسط... روح الليك دستركت,, هذي بحيرات جميله جدا على بعد ساعتين.. تقدر تجلس هناك يومين ثلاث و تقدر تستاجر كرفان في بارك مره حلو...
و عندك مدينة شستر قريبه بعد فيها اسواق جميله و اسعارها مخفظه لانها برا البلد... وفيه شستر زو حديقة الحيوانات الشهيره
الله يوفقك حبيبي و شد حيلك

الله يا النجراني انا توني حاطه استفسار عن مانشستر يا ريت ترد علي لان باين عليك تعرف شوارع واماكن مانشستر لا تبخل علي انا بالانتظار.

سؤال حق مانشستر تستاهل اني اخذ الاهل والعيال ونروح لها من لندن انا خايف يكون تعب علينا وياريت تفيدوني

Najrany
اخوي منطقة البحيرات ممكن عنوانها البوست كود او اي شي يدل عليها حتى لو اسبلينق الاسم الموقع
تحياتي لكمقدم