صوت القطار
22-10-2022 - 04:21 am
السلام عليكم.............
اخوي القطري كما عودتنا دائما على المساعده وفعل الخير جعله الله في ميزان حسناتك
انا حجزت في فندق Best western mostyn hotel
بناء على راي خبيرنا سعيد
سؤالي هو......هل الفندق قريب من محطه باندقتون؟؟لانينا راح نجي على هيثروا اكسبريس من المطار ان شاء الله؟؟
السؤال الثاني راح نطلع من لندن على باريس بالقطار هل برايك احجز من الان عشان نحصل سعر زين
راح يكون بيوم 9 مايو ياليت تشيكلي على موقع القطارات لاني ماعرف استخدمه؟؟ واكون ممنونه لك
اسفه اشغلتك ومشكور
هلا وغلا صوت القطار ..
أبركها من ساعه إذا قدرنا انقدم شي
واسألي مثل ماتبين واهم شي اتروحون وانتوا حاسبين حساب لكل خطوه
نرجع للأسئله ..
1- الفندق أقل من 5 دقايق عن محطة بادنغتون بالتاكسي ..والمشكله في سحب الشناط ..اتوقع ايكلف التاكسي4 او 5 باوند لين الفندق ..على فكره ..اقرب محطه للفندق هي محطة ماربل أرتش ( شوفي الخارطه تحت اتوضح لج المسافه )
2- لوا حجزتوا من الحين بيكون أفضل والحين شيكت على موقعهم وارخص تذكره اطلعت ب 178 باوند للشخص ..بس ليش ماأتجربون طيران أيزي جيت ..ارخص بواجد ..يطلع للشص حوالي 35 باوند !! والشور لكم
واي خدمه احنا في الخدمه